۲۷۔ احساس ذمے داری ۔۔ اسعد الزوجین

[محمد آصف مغل]

۲۷۔ احساس ذمے داری:

شادی نہ تو کوئی مختصر سی تفریح ہے اور نہ ہی چند لمحے کا سفر اور نہ کوئی چھوٹی سی تقریب بلکہ یہ ایک بہت ہی بڑی ذمے داری ہے جو اپنے اندر بہت بڑے کام سے بیٹھی ہے۔ جو عورت اور مرد شادی سے پہلے آزاد اور لا اُبالی کی زندگی گزار رہے تھے شادی کے بعد اُن پر بھاری ذمہ داریاں عائد ہوجاتی ہیں۔ اُن کے سامنے ایک گھر ہے، فیملی ہے ، بچے ہیں، اُن کے حقوق و واجبات ہیں جنہیں پورا کرنا ضروری ہے۔ عبد اللہ بن عمر کی روایت میں آپ صلی اللہ علیہ وسلم فرماتے ہیں، خبر دار رہو! تم میں سے ہر ایک نگران ہے اور ہر ایک مسئول ہے اپنی رغبت کا لوگوں کا قائد اور لیڈر نگران ہے اور وہ جواب دہ ہے اپنی رعیت کے بارے میں اور آدمی نگران ہے اپنے گھروالوں پر اور وہ جواب دہ اپنے گھر والوں کے بارے میں اور عورت نگران ہے شوہر کے اپنے گھر والوں پر اور اولاد پر اور جواب دہ ان کے بارے میں اور آدمی کا غلام نگران ہے اپنے مالک کے مال پر اور اس کے بارے میں جواب دہ خبردار رہو تم سب نگران ہو اور تم سب جواب دہ ہو(۱) (بخاری۔ باب الاحکام (۷۱۲۸))

الراعی (نگران) وہ ہے جو اس چیز کی حفاظت کرے اور خیال کیے جو اس کے سپرد کی جائے اس کی ذمہ داری ہے کہ اُس میں انصاف سے کام لے اور اُس کا خیال رکھے۔ (۲) (فتح الباری، ج۱۲ ص ۱۲۱)

چنانچہ شوہر جو اپنے گھر کے نان نفقے کا ذمہ دار ہے اس کی ذمہ داری ہے کہ اُن کو نفقہ فراہم کرے اور انہیں کھانا پینا، گھر اور راحت و آرام کی تمام اشیاء مہیا کرے اور اپنی اولاد کی نیک تربیت کرے وغیرہ۔

اسی طرح سے عورت کی منجملہ گھر کی ذمہ داریوں میں ہے یہ بھی ہے کہ وہ شوہر کی اوپر ذکر کی گئی ذمہ داریوں پر مدد کرے اور گھر کی چیزوں کا خیال رکھے اور اس کو ادھر ادھر ہونے دے اور نہ کسی ایسے انسان کے ہاتھ لگنے دے جو انھیں خراب کردیں۔ نیز گھر میں ایک گھریلو ماحول پیدا کرے۔ مثال کے طور پر کھانا پکائے۔ صفائی وغیرہ کرے۔ اپنے شوہر کا خیال رکھے اور اس کی خدمت کرے اور گھر کے اور گھر والوں کے دیگر کام کرے۔