جامعہ اسلامیہ مدینہ منورہ کا مختصر تعارف اور داخلے کے متعلق تفصیلی معلومات

[خضر حیات]

بسم اللہ الرحمن الرحیم​

بہت سارے ساتھی وقتا فوقتا جامعہ اسلامیہ (مدینہ یونیورسٹی) میں داخلے کے بارے میں سوالات کرتے رہتے ہیں ، خود بھی حسب توفیق رہنمائی کرتا ہوں ، لیکن جامعہ کی سائٹ کی طرف رہنمائی کردیتا ہوں کہ وہاں ہر چیز عربی کے ساتھ ساتھ اردو ، انگریزی اور کئی معروف زبانوں میں پوری تفصیل کے ساتھ موجود ہے ، لیکن جامعہ کی سائٹ میں شاید کوئی مسئلہ ہے کہ اردو زبان کا لنک دیا جائے تو پھر بھی وہ ’’ عربی ‘‘ میں ہی کھلتا ہے ، اسی طرح یہ تمام چیزیں شاید ایک عربی سائٹ پر موجود ہونے کی وجہ سے شاید اردو گوگل کی پہنچ سے ذرا دور ہوتی ہیں ، اس لیے میں نے بہتر سمجھا کہ جامعہ کی ویب سائٹ پر اردو میں موجود تمام مواد کو یہاں فورم پر بھی منتقل کردیا جائے ، ایک تو حسب ضرورت خود بھی لنک استعمال کر سکیں گے ، دوسرا بہت سارے فورم پر اس غرض سے آنے والے ساتھیوں کی بھی رہنمائی ہو جائے گی ۔
آئندہ شراکتوں میں یہ مواد پیش خدمت ہے ۔

 

[خضر حیات]

مختصر تعارف

جامعہ اسلامیہ سعودی عرب کی ایک سرکاری یونیورسٹی ہےجو مملکت سعودی عرب کی ’’ وزارت اعلی تعلیم‘‘ کے ماتحت ہے، اس کا قیام سن 1381ہجری میں عمل میں آیا، اور یہ اپنے مقصد کے لحاظ سے ایک اسلامی و عالمی اور ذمہ داری کے اعتبار سے عربی اور سعودی ادارہ ہے.
اس وقت جامعہ میں پانچ فیکلٹیز (کالجز) ہیں جو یہ ہیں:
1- شریعہ فیکلٹی .
اس کا مقصد اسلامی فقہ اور اس کے اصول پر توجہ دینا اور شرعی علوم نیز دیگر معاون علوم سے واقف کرانا ہے، اس فیکلٹی میں مندرجہ ذیل شعبے ہیں:
ا – شعبہء فقہ.
ب- شعبہء اصول فقہ.
ج- شعبہء قضاء وشرعی سیاست.
یہ فیکلٹی شرعی علوم میں گریجویشن ، قضاء وشرعی سیاست ميں اعلى ڈپلومہ اور تمام خصوصی مضامین میں ماسٹر اور ڈاکٹریٹ کی سندیں عطا کرتی ہے .
2- دعوت واصول دین فیکلٹی .
اس کا مقصد اسلامی عقیدے پر توجہ دینا اور شرعی علوم نیز دیگر معاون علوم سے واقف کرانا ہے، اس فیکلٹی میں مندرجہ ذیل شعبے ہیں:
ا – شعبہء عقیدہ.
ب- شعبہء دعوت.
ج- شعبہء اسلامی تاریخ.
د-شعبہء تربیت.
یہ فیکلٹی دعوت واصول دین میں گریجویشن ، دعوت ميں اعلى ڈپلومہ اور تمام خصوصی مضامین میں ماسٹر اور ڈاکٹریٹ کی سندیں عطا کرتی ہے .
3- قرآن کریم اور اسلامی علوم فیکلٹی .
اس کا مقصد قرآن مجید کے حفظ وتفسیر اور علوم قرآن مجید پر توجہ دینا اور شرعی علوم نیز دیگر معاون علوم سے واقف کرانا ہے، اس فیکلٹی میں مندرجہ ذیل شعبے ہیں: .
ا – شعبہء قراءات.
ب- شعبہء تفسیر.
یہ فیکلٹی قرآن کریم اور اسلامی علوم میں گریجویشن اور تمام خصوصی مضامین میں ماسٹر اور ڈاکٹریٹ کی سندیں عطا کرتی ہے .
4- حدیث شریف اور اسلامی علوم فیکلٹی .
اس کا مقصد سنت نبوی اور اس کے علوم پر توجہ دینا، ان کی خدمت کرنا اور شرعی علوم نیز دیگر معاون علوم سے واقف کرانا ہے، اس فیکلٹی میں مندرجہ ذیل شعبے ہیں:
ا – شعبہء فقہ.
ب- شعبہء فقہ ومصادر سنت.
ج- شعبہء علوم الحدیث.
یہ فیکلٹی حدیث شریف اور اسلامی علوم میں گریجویشن اور تمام خصوصی مضامین میں ماسٹر اور ڈاکٹریٹ کی سندیں عطا کرتی ہے.
5- عربی زبان كی فیکلٹی.
اس کا مقصد عربی زبان کے علوم وآداب پر توجہ دینا اور شرعی علوم نیز دیگر معاون علوم سے واقف کرانا ہے، اس فیکلٹی میں مندرجہ ذیل شعبے ہیں:
ا – شعبہء لغویات (لسانیات)
ب- شعبہء بلاغت وادب.
یہ فیکلٹی عربی زبان میں گریجویشن اور تمام خصوصی مضامین میں ماسٹر اور ڈاکٹریٹ کی سندیں عطا کرتی ہے.
ان فیکلٹیز کے علاوہ جامعہ کے تحت درج ذیل ادارے بھی تعلیمی سر گرمیاں سر انجام دے رہے ہیں:

• ادارہء تدریس عربی زبان برائے غیر عرب طلبہ
• سکنڈری اسکول
• مڈل اسکول
• دار الحدیث مکیہ
• دار الحدیث مدنیہ

حوالہ :
http://admission.iu.edu.sa/AboutIU.aspx

 

[خضر حیات]

وظیفہ یاب طلبہ کو دی جانے والی خصوصی سہولیات

• 1. متعین قواعد کے مطابق طالب علم کے داخلے کے وقت اور ہر تعلیمی سال کے آخر میں سفر کے ٹکٹ کا انتظام
• 2. ماہانہ وظیفہ (840 ریال)
• 3. ممتازطلبہ کے لئے نمایاں کارکردگی کا وظیفہ (1000 ریال سالانہ)
• 4. فرنشڈ رہائش کا انتظام
• 5. بہت کم پیسوں کے بدلے جامعہ کے ڈائننگ ہال میں کھانے کا انتظام
• 6. جامعہ کے دواخانے ( ہسپتال) میں طبی نگہداشت کا انتظام
• 7. متعین نظام الاوقات کے مطابق جامعہ سے مسجد نبوی تک نمازوں(مغرب اور عشاء) کے لئے آمد ورفت اور عمرے کے سفر میں بسوں کا انتظام
• 8. جامعہ کے ثقافتی ، تربیتی اور ورزشی سہولیات سے فائدہ اٹھانے کا اختیار

حوالہ :
http://admission.iu.edu.sa/Advantages.aspx

 

[خضر حیات]

جامعہ میں داخلے کی شرائط

داخلے کے امیدوار کا ان شرطوں پر پورا اترنا ضروری ہے:

• 1- طالبعلم مسلمان اور اچھی سیرت وکردار کا مالک ہو
• 2- مملکت سعودی عرب یا بیرون مملکت سے عام سکنڈری اسکول یا اس کٍے مساوی سند یافتہ ہو
• 3- اس کی سکنڈری کی سند کسی سرکاری اسکول یا (جامعہ میں) منظور شدہ مدرسے کی ہو
• 4- سند حاصل کئے ہوے پانچ سال سے زیادہ کا عرصہ نہ گذرا ہو
• 5- جامعہ کے قواعد وضوابط کی پابندی کا عہد کرے
• 6- طبی لحاظ سےصحیح (تندرست) ہو
• 7- تعليمى وظيفے کے امیدوار کی عمر پچیس سال سے زیادہ نہ ہو
• 8- قرآن کریم کی فیکلٹی میں داخلے کا خواہش مند پورے قرآن کریم کا حافظ ہو
• 9- جامعہ کی طرف سے ہونے والے امتحان یا انٹرویو میں کامیاب ہو
• 10- ہر اس شرط پر پورا اترے جو جامعہ کی مجلس لگائے
• 11- تعلیم کے لئے لازماً مکمل طور پر اپنے آپ کو فارغ رکھے
• 12- اگر سکنڈری کی سند مملکت سعودی عرب کی ہے تو ’’قدرات عامہ‘‘ کے امتحان کی سند بھی حاصل کرچکا ہو

حوالہ :
http://admission.iu.edu.sa/Conditions.aspx

 

[خضر حیات]

بعض اہم معلومات

1- جامعہ میں داخلے کی درخواستیں قبول کرنے کے لئے دنیا بھر میں کہیں بھی جامعہ کا کوئی دفتر یا نمائندہ نہیں ہے، اسی طرح جامعہ اپنے ہاں داخلے کی درخواست دینے کی کوئی فیس بھی نہیں لیتا ہے۔
2- طالب علم کو چاہیے کہ وہ بذات خود درخواست پیش کرے، اور درخواست پیش کرنے کی کاروائی مکمل ہونے کے بعد دیے جانے والے’’ درخواست نمبر‘‘ کی حفاظت کی ذمہ داری بھی خود اٹھائے ۔
3- جامعہ ایک علمی اور ثقافتی ادارہ ہے اس کا مقصد دعوت دین، اعلی تعلیم ، نئی علمی وتحقیقی تالیفات کی تیاری ، ان کا ترجمہ ، اشاعت، اور سلف صالحین کے اسلامی میراث کی دیکھ بھال کرتے ہوئے اسلام کے پیغام کو دوسروں تک پہنچانا ہے۔
4- جامعہ میں تعلیم عربی زبان میں ہوتی ہے
5- جامعہ میں داخلے کی صرف درخواست پیش کرنے سے طالب علم کے داخلے کے بارے میں جامعہ کی کوئی ذمہ داری نہیں ہوگی جب تک طالب علم کو داخلے کی حتمی اطلاع نہ دی جائے ۔
6- داخلے کی درخواست میں درج معلومات پر اسی وقت بھروسہ کیا جا ئےگا جب ان کے ثبوت کے طور پر متعلقہ دستاویز بھی پیش کئے جائیں گے ۔
7- جعلی دستاویز پیش کرنے والا سزا کا مستحق ہوگا اور اس کا داخلہ ختم کردیا جائے گا۔
8- جامعہ کے قوانین کی رو سے طالب علم کے پہنچنے کے بعد ہی جامعہ اس کی تعلیمی سمت ( مرحلہ اور فیکلٹی وغیرہ ) متعین کرے گا۔
9- داخلہ شدہ طالب علم کو جامعہ کی ویب سائٹ سے ٹکٹ نمبر، پھر متعلقہ ائیر لائنز سے رجوع کرنے پر حتمی سیٹ فراہم کردی جاتی ہے ۔
10- جامعہ کے تعلیمی نظام اور متعلقہ قوانین سے واقفیت اور مسلسل باخبری منظور شدہ طالب علم کی ذمہ داری ہوگی۔
11- کاغذی اقرار ناموں، وعدوں اور تنبیہات کی طرح طالب علم اپنی الیکٹرانک فائل میں موجود تمام الیکٹرانک اقرار ناموں، وعدوں اور تنبیہات کا بھی پابند ہوگا ، اسی طرح ’’ درخواست نمبر ‘‘ کے ذریعے وقفے وقفے سے اس الیکٹرانک فائل سے رجوع کرتے رہنا بھی طالب علم کی ذمہ داری ہوگی، طالب علم کے ’’ درخواست نمبر ‘‘ سے ہونے والا کوئی بھی تصرف ’’ طالب علم ‘‘ کی طرف سے ہی سمجھا جائے گا ۔
12- وہ تمام اقرار نامے ، وعدے اور شرطیں جن سے طالب علم درخواست بھیجتے وقت موافقت کرتا ہے وہ عربی زبان میں اس کی فائل میں رکھ دیے جاتے ہیں ۔
حوالہ :
http://admission.iu.edu.sa/Conditions.aspx

 

[خضر حیات]

داخلے کے لیے مطلوبہ کاغذات

1. سکنڈری کی تعلیمی سند
2. سکنڈری کے درجات ( مارکس شیٹ)
3. حسن سیرت وکردار کی سند
4. پیدائش کی سند
5. پاسپورٹ
6. شناختی کارڈ
7. (6×4) سائز کی ایک صاف اور تازہ فوٹو
8. فوٹو لازماً کھلے سر، بغیر چشمے،اور سفید پس منظر کے ساتھ ہو
9. اگلے لنک پر دیے گئے نمونے کے مطابق، کسی قابل اعتماد طبی مرکز سے دی گئی تازہ طبی رپورٹ، جو اعضاء اور حواس کے صحیح سالم ہونے اور متعدی بیماریوں میں مبتلا نہ ہونے کی وضاحت کرے یہاں دبائیے۔(؟)
10. جس ملک میں طالب علم رہ رہا ہو اس کے کسی اسلامی ادارے یا جامعہ کی جانی پہچانی دو اسلامی شخصیات کے طرف سےدیے ہوے تعارفی خط جن میں طالب علم کے حالات ، نمازوں کے اہتمام اور اسلامی آداب کی پابندی کا بیان ہو
11. (جو پیدائشی مسلمان نہ ہو اس کے لئے) اسلام میں داخل ہونے کی سند

• کاغذات کی فوٹوز منسلک کئے بغیر درخواست بھیجنا ممکن نہیں ہے
• درخواست مکمل ہوجانے اور اس کا نمبر مل جانے کے بعد اس میں تبدیلی نا ممکن ہے۔(لیکن بعض دفعہ تبدیلی ہو جاتی ہے )

حوالہ :
http://admission.iu.edu.sa/RequiredDocuments.aspx

 

[خضر حیات]

جامعہ میں درخواست بھیجنے کا طریقہ

اس لنک پر جائیں :

http://admission.iu.edu.sa​

اور درج ذیل تصویروں کی مدد سے درخواست ’’ پُر ‘‘ کرتے جائیں ۔
1۔ زبان اختیار کریں :

2۔

3۔
کچھ تنبیہات آئیں گی ان سے گزر کر
4۔

5۔
ترحیبی کلمات کے بعد شروط و ضوابط سے اتفاق کریں :

6۔

 

[خضر حیات]

7۔

مذکورہ صفحے میں مطلوب تمام معلومات لکھیں ، اور آخر میں دیے گئے بٹن سے آگے بڑھیں ۔
8۔

9۔

10۔

11۔

12۔

 

[خضر حیات]

13۔

14۔

جو جو کاغذات آپ کے پاس ہیں ان خانوں کو ’’ چیک ‘‘ کرلیں ، جو نہیں ہیں انہیں ویسے ہی رہنے دیں ۔ اور آئندہ مرحلے میں ایک ایک کرکے اپلوڈ کرتے جائیں ۔
15۔

16۔

یہ آخری مرحلہ ہے جس میں درخواست کے متعلق ضروری معلومات ، درخواست نمبر ، درخواست کی تاریخ ، کس سال کے لیے درخواست جمع کی گئی ، وغیرہ اس طرح معلومات آپ کو دی جائیں گی ۔ اس صفحے کا پرنٹ اپنے پاس سنبھال کر رکھیں ۔

 

[خضر حیات]

درخواست میں تبدیلی کا طریقہ

1۔
پہلا مرحلہ وہی ہے جو نئی درخواست پیش کرنے کا ہے ۔
2۔

3۔

یہاں اپنا درخواست نمبر داخل کریں ۔
4۔
اس سے آگے والے تمام مراحل وہی ہیں جو ’’ نئی درخواست ‘‘ کے لیے پیش آتے ہیں ۔ گویا آپ ’’ نئی درخواست ‘‘ پیش کرتے وقت جس جگہ آپ 7 ویں مرحلے میں پہنچے تھے ، ’’ درخواست تبدیلی ‘‘ کرتے وقت آپ چھوتے مرحلے میں ہی وہاں پہنچ جائیں گے ۔
یہاں تمام مراحل میں آپ کو وہی معلومات ملیں گی جو آپ پہلے شامل کر چکے ہیں ، جہاں تبدیلی کرنا چاہتے ہیں کریں ، باقی ویسے ہی رہنے دیں ۔