کیا حدیث ’اہل فارس‘ کے مصداق امام ابوحنیفہ ہیں۔؟

[گڈمسلم]

حافظ زبیر علی زئی حفظہ اللہ​

کیا حدیث ’اہل فارس‘ کے مصداق امام ابوحنیفہ ہیں۔؟

سوال:

علماء احناف یہ حدیث پیش کرتے ہیں کہ اہل فارس میں سے ایک شخص ہوگا تو وہ اس وقت دین اور علم ثریا کی بلندیوں پر بھی ہوگا تو وہ اس مقام پر پہنچ کر بھی دین اور علم کی معرفت حاصل کرے گا اور وہ اس سے ثابت کرتے ہیں کہ اس سے مراد بالاتفاق امام ابوحنیفہ ہیں اس روایت کی وضاحت درکار ہے؟

الجواب بعون الوہاب
اہل فارس والوں (رجال) یا والے (رجل) کی روایت تو بالکل صحیح ہے دیکھیئے (بخاری 4797 اور صحیح مسلم2546)
لیکن امام ابوحنیفہ کا فارسی ہونا قطعاً ثابت نہیں ہے ۔جس روایت میں آیا ہےکہ امام ابوحنیفہ فارسی ہیں، اس روایت کی سند موضوع (من گھڑت) ہے اس میں احمد بن عبیداللہ (عبداللہ) بن شاذان اور اس کا باپ دونوں نامعلوم ہیں۔

شاذان (نضربن سلمہ) سچا نہیں تھا۔(الجرح والتعدیل ج8ص480) وہ حدیثیں چوری (کرکے روایت) کرتا تھا اسے احمد بن محمد بن عبدالکریم نے جھوٹا قراردیا ۔(المجروحین لابن حبان ج3 ص80) اس سند کا آخری راوی اسماعیل بن حماد ضعیف ہے۔(الکامل لابن عدی ج1 ص308)اس کی کوئی معتبر توثیق ثابت نہیں ہے۔

اس موضوع روایت کے برعکس عمر بن حماد بن ابی حنیفہ سے ثابت ہے کہ امام ابوحنیفہ کے دادا ’’زوطی‘‘ کابل والوں میں سے تھے۔(تاریخ بغداد ج13 ص324 وسندہ صحیح الی عمر بن حماد، واخبار ابی حنیفہ واصحابہ للصیمری ص1)
امام ابو نعیم الفضل بن دکین الکوفی رحمہ اللہ نے کہا

’’ابوحنيفة النعمان بن ثابت بن زوطي اصله من كابل‘‘ (تاریخ بغداد ج13 ص324 وسندہ صحیح)
ابوحنیفہ نعمان بن ثابت بن زوطی آپ کی اصل کابل سے ہے

فارسی چوتھی اقلیم میں ہے (معجم البلدان ج4 ص226) اور کابل تیسری اقلیم میں ہے۔(معجم البلدان ج3 ص426)
کابلی کو فارسی بنادینا ان لوگوں کا کام ہے جو دن رات سیاہ کو سفید بنانے کی کوششیں میں لگے رہتےہیں ۔

حدیث بخاری ومسلم سے مراد فارسی (ایرانی) محدثین کرام ہیں۔رحمہم اللہ اجمعین​

 

[محمد زاہد بن فیض]

جزاک اللہ خیرا بھائی اچھی انفارمیشن
کیونکہ آپ کا نام گڈ مسلم ہے تو ہماری طرف سے
ویری گڈ

 

[qureshi]

گڈ مسلم صیح کام کیا ہے ،اختلافات کو خوب ہوا دو تا کہ اس امت اگر کوئی اتفاق واتحاد ہے بھی تو ختم ہو جائے اس سے آپ بنے گےویری گڈ مسلم۔

 

[ابن خلیل]

جزاکم اللہ خيرا واحسن الجزاء في الدنيا و الآخر

 

[گڈمسلم]

گڈ مسلم صیح کام کیا ہے،اختلافات کو خوب ہوا دو تا کہ اس امت اگر کوئی اتفاق واتحاد ہے بھی تو ختم ہو جائے اس سے آپ بنے گےویری گڈ مسلم۔

محترم بھائی اگر با دلائل صحیحہ حقیقت کوبیان کرنا آپ کے نزدیک اختلافات کو ہوا دینا ہے۔ تو پھر جو حقائق شریعت میں بیان کیے گئے ہیں۔جن سے اپنے بیگانے ناراض دکھائی دیتے ہیں ان کے بارے میں محترم کا کیاخیال ہے ؟
اگر تقلیدی ذہن کے مالک بخاری کی روایت سے اپنے محبوب امام کو ثابت کریں تو یہ آپ کے نزدیک نہ اختلاف ہے اور نہ شریعت کا من مانا مفہوم۔بلکہ عین شریعت ہے۔لیکن اگر ہم اس حدیث کا صحیح مفہوم بادلائل واضح کردیں تو یہ اختلافات کو ہوا دینا ہے۔
واہ جناب واہ
لینے دینے کے پیمانوں میں اختلاف کیوں ؟ اگر متذکرہ بالا تحقیق غلط ہے تو پھر صحیح تحقیق آپ پیش کرکے اختلافات کو ختم کریں۔

 

[حرب بن شداد]

اس طرح کی معلومات کا فراہم کیا جانا بےحد ضروری ہے۔۔۔ جزاکم ماللہ خیرا

 

[allahkabanda]

گڈ مسلم صیح کام کیا ہے ،اختلافات کو خوب ہوا دو تا کہ اس امت اگر کوئی اتفاق واتحاد ہے بھی تو ختم ہو جائے اس سے آپ بنے گےویری گڈ مسلم۔

آپ ایسا کریں کہ تصوف کو اچھال کر اختلافات کو ہوا نہ دیں - یہ بھی تو ایک اختلافی چیز ہے نا-

 

[ابوطلحہ]

امام ابو حنیفہ رحمہ اللہ سے متعلق فارسی اور کابلی ہونے کے جملہ اقوال انتہائی ضعیف ہیں
خطیب نے اپنی تاریخ میں جہاں امام صاحب سےمتعلق رطب و یابس جمع کی ہیں وہاں اس کے کابلی اور فارسی ہونے کا انکار کیا ہے اور کہا ہے کہ وہ اصلا بابل میں ایک علاقہ انبار کے باسی ہیں اسی بابل سے بہت سوں کو مغالطہ ہوا ہے اور وہ اس میں تصحیف کرکے اسے کابل بنا بیٹھے۔بابل اس وقت کے عراق اور اس کےشمال اور مشرقی علاقوںکو کہتے تھے۔ یہی قول فیصل ہے اور اسی کو جمہور علما اور خود مستشرقین نے اپنی تاریخی کتابوںمیں یہ تسلیم کیا ہے وہ کسی بھی طور غیر عرب نہیں ہوسکتے ۔واللہ اعلم
تفصیل کے لیے دیکھیے :
رسالة من أبي حنيفة الى عثمان البتي –مخطوط بدار الكتب المصرية تحت رقم 1617 ميكروفلم 39762
-مجهول ،سيرة أبو حنيفة –تحت رقم 1378-علم الكلام ، ميكروفلم 39927.
-ابو منصور الماتريدي ،تاريخ ابو حنيفة –مخطوط بدلر الكتب المصرية ،تحت الرقم 258-عقائد تيمور –ميكروفلم رقم 30605
-محمد بن يوسف –مناقب الامام الاعظم –مخطوط بدار الكتب المصرية تحت الرقم 107.
-البزازي ،مناقب الامام ابي حنيفة-مخطوط النظامية الهند رقم 1329.
-الخطيب البغدادي ، تاريخ بغداد ،مخطوط دار الكتب المصرية 985 تاريخ ،ميكروفلم رقم 2016.
- شاه ولي الله ، سيرة ابي حنيفة النعمان ، مخطوط صغير ، جامعة عليكرة رقم9635

 

[عدیل سلفی]

جزاک اللہ خیرا