محمد عامر یونس
خاص رکن
- شمولیت
- اگست 11، 2013
- پیغامات
- 17,117
- ری ایکشن اسکور
- 6,786
- پوائنٹ
- 1,069
اللہ پر مضبوط توکل ہی ایمان والوں کی پکی نشانی ہے،،، اللہ پر ایمان لانے کا مطلب ہی یہی ہے کہ:
٭٭٭ اگر اللہ کسی کو مصیبت میں ڈال دے تو اللہ کے سوا اسکو کوئی دور نہیں کر سکتا۔۔ اور جس کو خوشی دینا چاہے تو اسکو کوئی غم میں مبتلا نہیں کرسکتا۔
٭٭٭ اگر اللہ کسی کو گمراہ کردے تو اسکو ہرگز کوئی ہدایت نہیں دے سکتا اور جس کو ہدایت سے نواز دے اسکو کوئی گمراہ نہیں کر سکتا۔۔
٭٭٭ اللہ جس کو عطا کرنا چاہے تو اللہ کی عطا کو کوئی روک نہیں سکتا اور اللہ جس سے روک لے اسے دینے والا کوئی نہیں۔۔
٭٭٭ وہی بیماروں کو شفاء دیتا ہے، وہی سب کو کھلاتا اور پلاتا ہے،اسی کے ہاتھ میں ساری بادشاہی ہے۔۔ وہی ساری کائنات کی تدبیر کرتا ہے۔
آسمان ،زمین،سورج ،چاند، ستارے، نباتات ، حیوانات اور انسان اور ساری مخلوقات کا وہی تنہا خالق ہے ، کوئی چیز بھی اس سے چھپی نہیں، وہ سب کچھ جانتا ہے اسی کے پاس غیب کا علم ہے، اس نے کسی چیز کو عبث پیدا نہیں کیا، وہ اپنی مخلوقات سے الگ تھلگ آسمانوں پر اپنے عرش پر مستوٰی ہے اور اسکی کرسی نے آسمانوں اور زمینوں کو گھیر رکھا ہے۔۔ اسکی صفات کا کوئی شمار نہیں اور اگر روئے زمین کے سارے کے سارے سمندر سیاہی بن جائیں اور سارے درخت قلمیں ،تو بھی رب کی صفات کا احاطہ نہیں کرسکتے۔۔