محمد شاہد
سینئر رکن
- شمولیت
- اگست 18، 2011
- پیغامات
- 2,510
- ری ایکشن اسکور
- 6,023
- پوائنٹ
- 447
یارب مری زبان کو حقیقت کا حسن دے
ذوق سخن کو حمد کی عظمت کا حسن دے
دیکھوں نہ شرک و کفر کی تاریکیوں کو میں
میر ی نظر کو جلوہ و حدت کا حسن دے
ٹھوکر لگادوں قصر سیاست کے عیش کو
طیبہ کے تاجدار کی سنت کاحسن دے
مجھ کو بھلائیوں کی دے توفیق اے اللہ
اقدام بد پہ چشم ندامت کا حسن دے
کرتا رہوں نماز میں با چشم نم ادا
میرے جگر کو ایسی خشیت کا حسن دے
میری سمجھ کو لطف احادیث کر عطا
قرآن بے بدل کی تلاوت کا حسن دے
آئین دنیوی سے اسے دور دور رکھ
سالکؔ کو اتباع شریعت کا حسن دے