اسلامی بینکاری کی حقیقت

[عبد الرشید]

کتاب کا نام
اسلامی بینکاری کی حقیقت
مصنف
حافظ ذوالفقارعلی
ناشر
دارالدعوۃ السلفیہ شیش محل روڈ لاہور
[URL=http://s1053.photobucket.com/user/kitabosunnat/media/TitlePages---Islami-Bankari-Ki-Haqeeqat.jpg.html][/URL]
تبصرہ​

گزشتہ چند سالوں کے دوران اسلامی بینک کاری نے غیر معمولی ترقی کی ہے اس وقت دنیا کے تقریبا 75 ممالک میں اسلامی بینک کام کررہے ہیں ان میں بعض غیر مسلم ممالک بھی شامل ہیں۔ صرف پاکستان میں مختلف بینکوں کی تین سو سے زائد برانچوں میں اسلامی بینکاری کے نام پرکام ہور ہا ہے ۔ان میں بعض بینک تو مکمل طور پر اسلامی بینک کہلاتے ہیں ۔اور بعض بنیادی طور پر سودی ہیں ۔ایسی صورتِ حال میں رائج الوقت اسلامی بینکاری کا بے لاگ تجزیہ کرنےکی ضرورت ہےتاکہ معلوم ہوسکےک کہ یہ شرعی اصولوں سے ہم آہنگ ہیں یا نہیں؟زیر نطر کتابچہ''اسلامی بینکاری کی حقیقت؟'' حافظ ذوالفقار (شیخ الحدیث ابوہریرہ اکیڈمی ،لاہور)کا تالیف شدہ ہے۔ جس میں انہوں نے موجودہ اسلامی بینکوں کےطریقہ کار اور ان میں رائج مالی معاملات کا شرعی اصولوں کی روشنی میں منصفانہ جائزہ لے کر دینی نقطہ نظر واضح کرنے کی کوشش کی ہے ۔موصوف حافظ صاحب کی اسلامی معیشت کے حوالے مزید دو کتابیں بھی طبع ہوچکی ہیں اور کتاب وسنت ویب سائٹ پر موجود ہیں ۔ اللہ تعالی موصوف کے علم وعمل اور زورِ قلم میں برکت فرمائے اور ان کی مساعی جمیلہ کوشرف قبولیت بخشے (آمین) (م۔ا)

اس کتاب اسلامی بینکاری کی حقیقت کو آن لائن پڑھنے یا ڈاؤن لوڈ کرنے کے لیے یہاں کلک کریں​

 

[عبد الرشید]

فہرست مضامین

عرض ناشر
مقصد تحریر
اسلامی بینکوں پر تنقید کا سبب
اسلامی بینکوں میں رائج طریقہ ہائے تمویل کی حقیقت
مضاربہ
مضارب کی حیثیت
مضاربہ کی شرطیں
اسلامی بینکوں میں رائج مضاربہ کی حقیقت
مرابحہ
مرابحہ کی ضرورت اور اس کے بنیادی اصول
مرابحہ میں ضمنی اخراجات کا حکم
بیع مرابحہ اور بینکاری
اسلامی بینکوں کا نقطہ نظر
ملکیت منتقل ہونے کے طریقے
شرکۃ العنان کیا ہے؟
بینک اپنا حصہ کس قیمت پر فروخت کرتا ہے
تورق
تورق کا شرعی حکم
بینکوں میں تورق کا استعمال

 

[محمد ارسلان]

اس بار خان پور میں منعقد ہونے والی سالانہ سیرت النبی صلی اللہ علیہ وسلم میں ایک دن عصر کے بعد اس موضوع پر ایک مذاکرہ ہوا تھا، جن میں دو یا تین علماء کرام تھے، اور ان میں سے ایک شاید یہ مصنف بھی تھے، ماشاءاللہ بہت اچھی اور علمی مجلس تھی، بہت کچھ جاننے کو ملا۔ الحمدللہ

 

[یوسف ثانی]

1. کیا آج موجودہ سیاسی و اقتصادی نظام کے پس منظر میں ”بنکنگ فری“ زندگی گذارنا ممکن ہے؟
2. اگر نہیں تو کیا ہم روایتی سودی بنکنگ سسٹم ہی سے استفادہ کرتے رہیں، یہ جانتے ہوئے بھی کہ یہ سراسر حرام ہیں۔
3. مروجہ ”اسلامی بنکنگ“ اگر اسلامی نہیں ہے تو پھر کیا”حقیقی اسلامی بنکنگ“ کا قیام ممکن ہے؟ اگر ہے تو اس کا کوئی نظری یا عملی نمونہ پیش کیوں نہیں کیا جاتا؟ صرف مروجہ ”اسلامی بنکنگ“ کو غیر اسلامی بنکنگ چابت کرنا ہی کافی نہین بلکہ اس کے مقابلہ میں ”ھقیقی اسلامی بنکنگ“ کا تصور بھی پیش کیا جانا چاہئے۔

 

[خضر حیات]

گزشتہ صدیوں میں استعماری غلبے اور استحصال کی یہ شکل تھی کہ استعماری قوتیں بذات خود نوآبایات میں آکر استحصال کی راہیں ہموار کیا کرتی تھیں۔ لیکن اب ان کا طریقہء کار بدل چکا ہے۔اگرچہ بظاہر یہ نظر آتا ہے کہ دنیا مہذب ہو چکی ہے۔پہلےکی طرح ظلم و استحصال کرنا ممکن نہیں رہا۔ جبکہ حقیقت یہ ہے کہ موجودہ دور میں بھی لوٹنے کھسوٹنے کی وہی صورت ہے بلکہ اس سے بھی بدترین شکل میں ہے۔چنانچہ آج استعماری قوتیں خود تو نہیں آتیں لیکن انہوں نے عالمی مالیاتی نظام ایسا بنا دیا ہے کہ جس میں ترقی پذیرممالک خود بخود ہی اپنا مال و دولت ان کے عشرت کدوں میں پھینک دیتے ہیں۔اس سلسلے میں سب سے زیادہ خطرناک اور اساسی ترین یہ کاغذ کی کرنسی ہے۔اس کتابچہ میں مصنف نے اسی پہلو کو اجاگر کرنے کوشش کی ہے کہ اگر اسلامی ممالک بالخصوص اور دنیا بالعموم اس نظام زر کے چنگل سے نجات حاصل نہیں کر لیتی اس وقت تک سکون کا سانس نہیں لے سکتی۔ اور اس کا صرف ایک یہی طریقہ ہے کہ دوبارہ سونے کے سکے رائج کیے جائیں۔
بالا تبصرے کے ساتھ محدث لائبریری میں یہ کتاب موجود ہے :
http://kitabosunnat.com/kutub-library/diham-w-deenar-mustakbal-k-islami-sikke.html

 

[یوسف ثانی]

پاکستان میں پیپر کرنسی کے فراڈ کو اجاگر کرنے کی مہم کا آغاز ہوچکا ہے۔ اوریا مقبول جان کی سربراہی میں باقاعدہ ایک ٹیم کام کررہی ہے۔ ان کے ادارے کے تحت سیمینارز بھی ہوتے رہتے ہیں اور مقالہ جات بھی تیار ہوتے ہیں۔ یہ خود بھی اس موضوع پر کالم لکھتے رہتے ہیں۔ ان کے ادارہ نے سونے کے سکہ بھی جاری کردئے ہیں جو پاکستان کے مختلف مقامات سے حاصل کئے جاسکتے ہیں۔ یہ عوام الناس کو ترغیب دیتے ہیں کہ وہ اپنی بچت پیپر کرنسی کی بجائے ان طلائی سکوں میں رکھیں۔ تاکہ ان کا پیسہ کبھی ڈی ویلیو نہ ہو ۔ اصل کام تو ریاست کے کرنے کا ہے۔ تاہم ریاست کو راہ دکھلانا تو اسکالرز ہی کا کام ہے کیونکہ ہمارے سیاستدان اور حکمران تو عقل و دانش سے بالعموم عاری ہی ہوتے ہیں یا پھر اغیار کی دانستہ و نادانستہ ایجنٹ