اقوال سلف

[عبدالرحیم رحمانی]

مصائب کے وقت کالا لباس پہننے کا حکم

شیخ ابن عثیمین رحمہ اللہ فرماتے ہیں

لبس السوادِ عند المصائبِ شعارٌ باطل لا أصل لـه

"مصائب کے وقت کالا لباس پہننا باطل شعار ہے جس کی کوئی اصل نہیں"

(فتاوى إسلامية : 313/3)

 

[عدیل سلفی]

‏قال الإمام أحمد رحمه الله: تركتُ رضى الناس ، حتى قدرت أن أتكلم بالحق
السير للذهبي (٣٤/١١)
امام احمدؒ فرماتے ہیں میں نے لوگوں کو راضی کرنے کا خیال دل سے نکال دیا، تب جا کر حق بولنے پر قادر ہوا۔

 

[عبدالرحیم رحمانی]

ابو درداء رضی اللہ عنہ کہتے ہیں کہ سخت گرمی والے دن روزہ رکھو قیامت کی دن کی گرمی (سے بچنے) کے لئے۔رات کے اندھیرے میں دو رکعت نماز پڑھا کرو قبر کے اندھیرے( میں روشنی کرنے )کےلئے۔ (لطائف المعارف:448)

 

[عبدالرحیم رحمانی]

ابن عبدالحکم رحمۃ اللہ علیہ امام مالک بن انس اصبحی رحمۃ اللہ علیہ کے متعلق بیان کرتے ہیں کہ رمضان المبارک کی آمد سعید کے ساتھ ہی آپ حدیث کی مجلس اور اہل علم کی مجلس سے دور ہوجاتے اور مصحف کھول کر اسے دیکھ کر تلاوت کرنے کی طرف متوجہ ہوجاتے۔ (لطائف المعارف از ابن رجب، ص:245)

 

[عبدالرحیم رحمانی]

شاہ ولی اللہ محدث دہلوی رحمۃ اللہ علیہ فرماتے ہیں :
رسول کریم ﷺ کے سوا دنیا میں کوئی ایسا شخص پیدا نہیں ہوا، جس کی ہر بات صحیح تسلیم کی جائے۔
شاہ صاحب کا یہ استدلال قرآن کریم کی اس آیت سے ماخوذ ہے
وہ (رسول) اپنی طرف سے کوئی بات نہیں کہتا بلکہ وہ وحی الہی ہوتی ہے جو اس کی طرف کی جاتی ہے۔
(حجۃ اللہ البالغہ،ص:149)

 

[عدیل سلفی]

ومن طلب العلا سهر الليالي ومن رام العلا من غير كدأضاع العمر في طلب المحال تروم العز ثم تنام ليلا يغوص البحر من طلب اللآلي

محنتوں کے بقدر ہی مراتب ملا کرتے ہیں اور جو بلند مقام و مرتبے کے خواہشمند ہوتے ہیں وہ راتوں کو جاگا کرتے ہیں، اور جس نے بغیر مشقت کے کامیابی پانا چاہی، اُس نے اپنی عمر ایک ناممکن کام میں ضائع کردی، تمہیں عزت کی طلب ہے مگر راتوں میں بے خبر پڑے سوتے رہتے ہو، (جان لو کہ) جنہیں موتیوں کی طلب ہوتی ہے وہ گہرے سمندروں میں غوطے لگایا کرتے ہیں۔

امام شافعیؒ

 

[عبدالرحیم رحمانی]

شيخ الاسلام علامہ ابن تيميہ رحمه الله نے فرمایا :

آدمی کو مصیبت اور تکلیف پہنچتی ہے وہ اس کے گناہوں کی وجہ ہے۔

اسے دور کرنے کا طریقہ استغفار ہے۔

جامع المسائل 274/6

حضرت مالک بن دينار رحمه الله دعا کیا کرتے تھے :

اے رب تونے صالحین کو صالحیت کی توفیق بخشی۔
ہمیں بھی صالح بننے کی توفیق عطا فرما ۔

التوبة لابن أبي الدنيا 75

 

[عبدالرحیم رحمانی]

 

[عبدالرحیم رحمانی]

 

[عبدالرحیم رحمانی]