امام ابن تیمیہ رحمہ اللہ اور مسئلہ وجود خوارج: خواج کون کہلائے گا، کیا عصر حاضر میں خوارج موجود ہیں؟

[علی ولی]

خوارج کسے کہا جائے گا،کیا عصر حاضر میں خوارج موجود ہیں؟

الشیخ الاسلام امام ابن تیمیہ رحمہ اللہ

الشیخ الاسلام امام ابن تیمیہ رحمہ اللہ لکھتے ہیں :

کانوا أهل سيف وقتال، ظهرت مخالفتهم للجماعة؛ حين کانوا يقاتلون الناس. وأما اليوم فلا يعرفهم أکثر الناس.. . . ومروقهم من الدين خروجهم باستحلالهم دماء المسلمين وأموالهم.
ابن تيمية، النبوات : 222
''وہ اسلحہ سے لیس اور بغاوت پر آمادہ تھے، جب وہ لوگوں سے قتال کرنے لگے تو اُن کی صحابہ کرام رضی اللہ عنہم کی جماعت سے مخالفت و عداوت ظاہر ہوگئی۔ تاہم عصرِ حاضر میں (بظاہر دین کا لبادہ اوڑھنے کی وجہ سے) لوگوں کی اکثریت انہیں پہچان نہیں پاتی۔ ۔ ۔ ۔ وہ دین سے نکل گئے کیوں کہ وہ مسلمانوں کے خون اور اَموال (جان و مال) کو حلال و مباح قرار دیتے تھے۔''

الشیخ الاسلام امام ابن تیمیہ رحمہ اللہ مزید بیان کرتے ہیں :

وهؤلاء الخوارج ليسوا ذلک المعسکر المخصوص المعروف فی التاريخ، بل يخرجون إلی زمن الدجّال.(1) وتخصيصه صلی الله عليه وآله وسلم للفئة التی خرجت فی زمن علی بن أبی طالب، إنما هو لمعان قامت بهم، وکل من وجدت فيه تلک المعانی ألحق بهم، لأن التخصيص بالذکر لم يکن لاختصاصهم بالحکم، بل لحاجة المخاطبين فی زمنه عليه الصلاة والسلام إلی تعيينهم.(2)
(1) ابن تيميه، مجموع فتاوٰی، 28 : 495، 496
(2) ابن تيميه، مجموع فتاوٰی، 28 : 476، 477
اور یہ خوارج (سیدنا علی رضی اللہ عنہ کے عہد کا) وہ مخصوص لشکر نہیں ہے جو تاریخ میں معروف ہے بلکہ یہ دجال کے زمانے تک پیدا ہوتے اور نکلتے رہیں گے۔ اور حضور نبی اکرم صلی اللہ علیہ وآلہ وسلم کا اُس ایک گروہ کو خاص فرمانا جو حضرت علی رضی اللہ عنہ کے زمانے میں نکلا تھا، اس کے کئی معانی ہیں جو ان پر صادق آتے ہیں۔ ہر وہ شخص یا گروہ جس میں وہ صفات پائی جائیں اسے بھی ان کے ساتھ ملایا جائے گا۔ کیونکہ ان کا خاص طور پر ذکر کرنا ان کے ساتھ حکم کو خاص کرنے کے لئے نہیں تھا بلکہ حضور صلی اللہ علیہ وآلہ وسلم کے زمانے کے ان مخاطبین کو (مستقبل میں) ان خوارج کے تعین کی حاجت تھی۔''

تبصرہ:

آج ہم باآسانی ایسے گروہوں کو پہچان سکتے ہیں جو اسلحہ سے لیس ہیں اور دینی حمیت اور شریعت کے نفاذ کے لئے جہاد و قتال کے مبارک علم کو اٹھائے ہوئے ہیں اور مسلمانوں کی تکفیر اور ان کے خون بہانے میں زرا تاخیر اور ہچکچاہٹ محسوس نہیں کرتے اور مسلم حکمرانوں اور معاشروں کی بے ہنگم تکفیر کرتے اور انکے خلاف علم بغاوت بلند کرتے ہیں۔
دین محمدیہ میں شریعت و اسلام کے احیاء و نفاذ کے لئے کفار مشرکین سے قتل و قتال کا راستہ بلا شبہ ایک حقیقت ہے مگر مسلمان ملکوں ،ریاستوں میں اپنے ہی حکام کے خلاف قتل و قتال سے شریعت کے نفاذ کی تحریک چلانا ، خالصتا خوارج کا عقیدہ و منہج ہے اور خارجیوں کا کام ہے ، چاہے وہ کس بھی دور میں کیوں نہ ہو۔
اس پر تاریخ گواہ ہے۔

اللہ ہمیں انہیں پہچاننے اور ان کے شر سے محفوظ رہنے کی توفیق عطا فرمائے۔ آمی