امام احمد بن حنبل رحمہ اللہ اور اخلاص

[محمد فیض الابرار]

میں آج صبح سے امام احمد بن حنبل از ابو زہرہ مترجم رئیس احمد جعفری پڑھ رہا ہوں
ایک محب نے ابو زہرہ کی تمام کتب جو معروف آئمہ کرام رحمہم اللہ کی سیرت پر مبنی ہیں وہ تحفۃ دی ہیں تو سب سے پہلے اپنی پسندیدہ ہستی امام ابن تیمیہ رحمہ اللہ سے شروع کی اور آج امام احمد بن حنبل رحمہ اللہ شروع کی اس کے کچھ واقعات تو بار بار پڑھ رہا ہوں اور پھر خیال آیا کہ اپنے ساتھیوں کے ساتھ بھی شئیر کروں

 

[محمد فیض الابرار]

امام شافعی رحمہ اللہ نے جب احمد بن حنبل امام عبدالرزاق بن ھمام سے حدیث سننے کی غرض سے یمن تک جایا کرتے تھے اور امام شافعی رحمہ اللہ کو اس امر کا بھی علم تھا کہ ان کے شاگرد احمد بن حنبل قلت معاش کی بنا پر کیسی کیسی تکالیف کا سامنا کرتے ہیں اور حسن اتفاق سے عباسی خلیفہ امین الرشید نے امام شافعی رحمہ اللہ کو کہ اس امر پر متعین کیا کہ یمن کے لیے کسی قاضی کا انتخاب کر دیں لہذا آپ نے سوچا کہ اگر احمد بن حنبل کو اس منصب پر فائز کر دیا جائے تو آپ کے مالی مسائل اور مشکلات بھی ختم ہو جائیں گی اور امام عبدالرزاق بن ھمام سے سماع حدیث بھی سہولت کے ساتھ کر سکیں گے پس آپ نے احمد بن حنبل رحمہ اللہ کو اس عہدے کی پیشکش کر دی مگر آپ نے انکار کر دیا پھر اصرار پھر انکار پھر اصرار اور پھر انکار بالآخر احمد بن حنبل رحمہ اللہ نے اپنے محترم استاد امام شافعی رحمہ اللہ سے یہ عرض کر دیا :
ملازمت کے سلسلے میں اگر آئندہ آپ نے مجھ سے اس طرح کی کوئی فرمائش کی تو میں آپ کی مجلس سے حاضری سے بھی قاصر ہو جاوں گا ۔
امام احمد بن حنبل رحمہ اللہ نے اپنے استاد امام شافعی رحمہ اللہ کی ایسی باعزت اور باوقار پیش کش کا ان سخت الفاظ میں جواب دینا
صرف اس لیے تھا کہ آپ اس عزم و ارادہ پر سختی کے ساتھ قائم تھے کہ اپنے آپ کو صرف علم کے لیے ہی وقف کر رکھیں دنیا داری میں نہ پھنسائیں نیز یہ کہ اس قسم کا مال ان کے پاس نہ آئے جس میں حرمت کا ذرا بھی شبہہ ہو
امام رحمہ اللہ کا خیال تھا کہ علم کی راہ میں مشکلات اور تکالیف تو آتی ہی ہیں اور وہ سط صبر و تحمل کے ساتھ برداشت کرنی چاہیے