اُسامہ ایک آنکھ سے نابینا تھے،’ الظواہری

[qureshi]

دبئی: القاعدہ کے رہنما ایمن الظواہری ایک ماہ کے اندر دوسری مرتبہ ایک آن لائن ویڈیو میں منظر عام پر آئے ہیں،جس میں انہوں نے اپنے مرحوم پیش رو اسامہ بن لادن کی زندگی پر بات کرتے ہوئے کہا ہے کہ وہ ایک آنکھ سے نابینا تھے۔
”امام کے ساتھ دنوں“کے عنوان سے جاری ہونے والی تقریباً1گھنٹے کی ویڈیو ان کی مسلسل تیسری ویڈیو ہے،جس میں ظواہری بن لادن سے متعلق ذکر کرتے ہیں،جو مئی2001ء میں پاکستان کے قصبے ایبٹ آباد میں اپنے کمپاؤنڈ میں امریکی ایلیٹ نیوی سیل کی کارروائی میں مارے گئے تھے۔

سفید لباس اور پگڑی پہنے ظواہری نے ان لوگوں کیلئے انکشاف کیا ہے جو نہیں جانتے تھے کہ سعودی نژاد بن لادن اپنی جوانی میں ایک حادثے میں دائیں آنکھ سے سے بینائی سے محروم ہوگئے تھے۔
انہوں نے یہ بھی کہا کہ بن لادن اخوان المسلمون کی سعودی شاخ کے سابق رکن تھے اور 1980ء کی دہائی میں افغانستان میں سوویت یونین کیخلاف جہاد کی ترغیب دینے پر انہیں تنظیم سے نکال دیاگیاتھا۔
ظواہری نے کہا کہ بن لادن پشاور میں جہادیوں کو نقد امداد پہنچانے کیلئے پاکستان گئے لیکن انہوں نے اخوان المسلمون کے احکامات کو ماننے سے انکار کیا اور مسلح جدوجہد میں شامل ہوگئے۔
ظواہری کی جہادی فورم پر جاری کردہ ویڈیو دو ماہ پرانی لگتی ہے،کیونکہ وہ اس میں مسلمانوں کو ماہ رمضان کے آغاز کی مبارکباد دیتے ہیں،جو 20اگست کو ختم ہوا تھا۔
بشکریا Dawn Urdu | ڈان اردو