ایک حدیث کی تحقیق (نجی امور کی راز داری )

[اسحاق سلفی]

تحقیق حدیث کے متعلق سوالات کے زمرہ میں
محترم بھائی @طلحہ غازی صاحب نے درج ذیل سکین میں موجود حدیث شریف
کے متعلق سوال کیا ہے کہ کیا اس کے حوالے صحیح ہیں ؟

ـــــــــــــــــــــــــــــــــــــــــــــــــــــــــــــــ
جواب
بسم اللہ الرحمن الرحیم
سیدنا معاذ بن جبل ؓ کی اس روایت کےجو حوالے اس سکین میں درج ہیں وہ تو بالکل صحیح ہیں ۔یعنی یہ روایت ان کتب میں پائی جاتی ہے ۔
امام طبرانی کی ’’ المعجم الصغیر ۔ اور۔ المعجم الاوسط ‘‘ میں یہ حدیث درج ذیل الفاظ سے مروی ہے :
قال الطبرانی :
حدثنا أبو مسلم قال: نا سعيد بن سلام العطار قال: نا ثور بن يزيد، عن خالد بن معدان، عن معاذ بن جبل قال: قال رسول الله صلى الله عليه وسلم: «استعينوا على إنجاح الحوائج بالكتمان، فإن كل ذي نعمة محسود»
لا يروى هذا الحديث عن معاذ إلا بهذا الإسناد، تفرد به سعيد (المعجم الاوسط : 2455 )
ترجمہ :
سیدنا معاذ ؓ سے مروی ہے کہ جناب رسول کریم ﷺ نے فرمایا :( اپنی ضروریات پورا کرنے کے لیے رازداری سے مدد لو اس لیے کہ ہرمنعم جس پرنعمت کی گئ ہے اس سے حسد کیا جاتا ہے )

اور ( المعجم الاوسط )میں درج ذیل ہے
حدثنا أبو مسلم الكشي، حدثنا سعيد بن سلام، حدثنا ثور بن يزيد، عن خالد بن معدان، عن معاذ بن جبل قال: قال رسول الله صلى الله عليه وآله وسلم: «استعينوا على إنجاح حوائجكم بالكتمان؛ فإن كل ذي نعمة محسود»
سیدنا معاذ ؓ راوی ہیں کہ جناب رسول کریم ﷺ نے فرمایا :
( اپنی ضروریات پورا کرنے کے لیے رازداری سے مدد لو اس لیے کہ ہرمنعم جس پرنعمت کی گئ ہے اس سے حسد کیا جاتا ہے )
۔۔۔۔۔۔۔۔۔۔۔۔۔۔۔۔۔۔۔۔
اور علامہ محمد ناصر الدین الالبانی رحمہ اللہ ۔۔سلسلہ احادیث صحیحہ ۔۔کی تیسری جلد میں اس روایت کے کئی طرق ،اور شواہد
بیان کرکے آخر میں سیدنا ابوہریرہ ؓ سے مروی متن والی روایت نقل کرکے لکھتے ہیں :
’’ قلت: فالحديث بهذا الإسناد جيد عندي. والله أعلم ‘‘ یعنی اس سند سے یہ حدیث ۔۔جید ۔۔یعنی عمدہ ہے ،
۔۔۔۔۔۔۔۔۔۔۔۔۔
لیکن یاد رہے اس روایت کو کئی ایک علماء نے ضعیف قرار دیا ہے ۔

 

[محمد طارق عبداللہ]

جزاک اللہ خیرا