ایک سوال کا جواب درکار ہے

[akramali1436ram]

اگر ایک عورت کے ساتھ اس کا ایک محرم ہو لیکن اس عورت کے ساتھ کچھ اور عورتیں بھی ہوں جو اس کے لیے غیر محرم ہوں تو کیا یہ عورتیں ان کے ساتھ سفر کر سکتی ہیں
قرآن و حدیث کے مطابق جواب درکار ہے
اسحاق سلفی بھائی
خضر حیات بھائی
کفایت اللہ بھائی

 

[محمد نعیم یونس]

کیا سفر میں ایک عورت کے لیے دوسری کو محرم سمجھا جائے؟
السلام عليكم ورحمة الله وبركاته
کیا سفر میں یا حضر وغیرہ میں ایک عورت کو دوسری اجنبی عورت کے لیے محرم سمجھا جائے یا نہیں ؟

الجواب بعون الوهاب بشرط صحة السؤال
وعلیکم السلام ورحمة اللہ وبرکاته الحمد لله، والصلاة والسلام علىٰ رسول الله، أما بعد!
کوئی عورت دوسری کے لیے محرم نہیں ۔ محرم تو صرف وہ شخص ہے جو عورت کے نسب کے لحاظ سے اس پر حرام ہو۔ جیسے اس کا باپ اور اس کا بھائی یا مباح کا سبب ہو۔ جیسے خاوند اور خاوند کا باپ اور خاوند کا بیٹا اور جیسے رضاعی باپ یا رضاعی بھائی اور دوسرے محرم رضاعی رشتے۔

کسی شخص کے لیے یہ جائز نہیں کہ وہ کسی اجنبی عورت سے خلوت کرے اور نہ ہی اس کے ساتھ سفر کرنا جائز ہے۔ کیونکہ نبیﷺ نے فرمایا ہے:

((لَا تُسَافِرُ الْمَرْاۃُ الَّا مَعْ ذِی مَحْرَمٍ))

’’کوئی عورت اپنے محرم کے بغیر سفر نہ کرے۔‘‘

اس حدیث کی صحت پر شیخین کا اتفاق ہے۔

اور اس لیے بھی کہ نبیﷺ نے فرمایا:

((لَا یَخْلُوَنَّ رَجُلٌ بِامْرَاۃٍ، فاِنَّ الشَّیْطَانَ ثالِثُھُمَا))

’’جب کوئی مرد کسی عورت کے ساتھ علیحدہ ہوتا ہے تو ان میں تیسرا شیطان ہوتا ہے۔‘‘

اس حدیث کو امام احمد وغیرہ نے عمر رضى الله عنه کی حدیث سے اسناد صحیح کے ساتھ روایت کیا… اور توفیق دینے والا تو اللہ تعالیٰ ہی ہے۔
فتاوی بن باز رحمہ اللہ
جلداول -صفحہ 190
محدث فتویٰ

http://www.urdufatwa.com/index.php?/Knowledgebase/Article/View/7999/0/

 

[akramali1436ram]

جزاک اللہ خیرا محترم بھائی جان
لیکن ایک اور بات کی وضاحت بھی کر دیجئے، وہ یہ کہ مثال کے طور پر چھ عورتیں ہیں ان چھ میں سے ایک عورت کا محرم موجود ہے تو کیا باقی پانچ عورتیں ان دونوں کے ساتھ سفر کر سکتی ہیں،
ہمارے ہاں کچھ عالم کہتے ہیں کہ وہ آدمی اس سفر میں ان پانچ عورتوں کے لیے بھی محرم تصور کیا جائے گا اور وہ عورتیں اس کے سفر کر سکتی ہیں،
اس بارے میں وضاحت کیجئے گا، جزاک اللہ خیرا

 

[محمد نعیم یونس]

تو کیا باقی پانچ عورتیں ان دونوں کے ساتھ سفر کر سکتی ہیں،

السلام علیکم ورحمۃ اللہ وبرکاتہ!
ان پانچ عورتوں کا کوئی محرم نہیں ان کے ساتھ۔

((لَا تُسَافِرُ الْمَرْاۃُ الَّا مَعْ ذِی مَحْرَمٍ))

’’کوئی عورت اپنے محرم کے بغیر سفر نہ کرے۔‘‘

 

[akramali1436ram]

جزاک اللہ خیرا