ایک غلام آزاد کی قیمت فی زمانہ کیا ہے؟

[ابوالحسن علوی]

السلام علیکم ورحمۃ اللہ وبرکاتہ
شریعت اسلامیہ میں بعض گناہوں کا کفارہ یا دیت ایک غلام کو آزاد کرنا مقررکیا گیا ہے۔ مثلا قتل خطا یعنی ایکسیڈنٹ وغیرہ کی صورت میں قتل ہونے کی صورت میں مقتول کے ورثا کو دیت یعنی سو اونٹ یا ان کے برابر قیمت ادا کی جائے گی اور اللہ کے لیے ایک مومن غلام کوآزاد کیا جائے گا۔اسی طرح اگر کسی شخص نے قسم کھا کر توڑ دی ہے تو اس کے کفارے کی بھی ایک صورت ایک غلام کو آزاد کرنا بتلائی گئی ہے۔اسی طرح اگر کوئی عورت بغیر کسی شرعی عذرکے اسقاط حمل یعنی ابارشن کروا لے اور ماں کے پیٹ میں بچہ 40 دن سے زائد کا ہو تو اس صورت میں اس عورت پر دیت لازم ہے اور جنین کی دیت ایک غلام آزاد کرنا ہے۔
آج کے کل کے حساب سے محققین نے ایک غلام کی قیمت 212 پوائنٹ 5 گرام سونا مقرر کی ہےاور یہ سونا بھی 24 کیرٹ کا ہو گا۔ ایک غلام کو آزاد کرنے کے کفارے یا دیت کے لازم آنے کی صورت میں اس مقدار کا سونا یا اس سونے کی قیمت ادا کی جائے گی۔واللہ اعلم بالصواب