![محدث فورم [Mohaddis Forum]](/styles/default/xenforo/Forum.jpg)
ساجد تاج
فعال رکن
- شمولیت
- مارچ 09، 2011
- پیغامات
- 7,174
- ری ایکشن اسکور
- 4,517
- پوائنٹ
- 604
بخار کو گالی دینا
صحت اور تندرستی اللہ تعالی کی بہت بڑی نعمت ہے۔ اور بالخصوص اس کا احساس اس وقت ہوتا ہے جب انسان کو بیماری ، مرض یا تکلیف کا سامنا کرنا پڑے اور مومن آدمی کا بیمار ہونا یا اس کو بخار آنا اس کے گناہوں کی بخشش کا ذریعہ ہے حتی کہ مومن آدمی کو اگر کانٹا بھی چبھتا ہے تو اللہ تعالی اس کی وجہ سے اپنے بندے کے گناہوں کو معاف فرما دیتےہیں اور صحیح حدیث کے مطابق رسول اللہ ﷺ نے فرمایا کہ بخار کی وجہ سے بھی اللہ تعالی مومن بندے کے گناہوں کو معاف کرتے ہیں اور اس کے درجات کو بلند فرماتےہیں۔ اس لیے تلخی یا شدت بخار میں بخار کو ہرگز گالی نہیں دینی چاہیتے ۔ گالی تو درکنار معمولی برا بھلا بھی نہیں کہنا چاہیے۔
صحابی رسول سید حضرت جابر بن عبداللہ رضی اللہ تعالی عنہما ارشاد فرماتےہیں کہ
ان رسول اللہ صلی اللہ علیہ وسلم دخل علی ام السانب او المسیب فقال مالک یا ام السانب او ام المسیب تزفز فین قالت: الحمی لا بارک اللہ فیھا: لا تسبی الحمی ، فانھا تذھب خطایا بنی آدم کما یذھب الکیر خبث الحدید. 1
ترجمہ: رسول اللہ ﷺ ام سائب یا ام مسیب کے گھر گئے آپ ﷺ نے فرمایا اے ام سائب یا ام مسیب تم کانپ کیوں رہی ہو تو وہ کہنے لگی بخار کی وجہ سے اللہ اس میں برکت نہ کرے۔ تو رسول اللہ ﷺ نے فرمایا کہ بخار کو گالی مت دے بلاشبہ بخار بنو آدم کے گناہوں کو اس طرح ختم کر دیتا ہے جس طرح بھٹی لوہے کے زنگ کو ختم کر دیتی ہے۔
قارئین کرام ۔۔۔۔۔۔! مقام غور ہے کہ لابارک اللہ فیھا یہ کوئی بیہودہ گوئی یا گالی لیکن اس کے باوجود رسول اللہ ﷺ نے اس کو گالی سے تعبیر فرمایا اور سختی سے منع فرمادیا۔ ہمار ی یہ ایمان کی کمزوری ہےکہ ہم بیماری میں بہت کچھ کہہ جاتےہیں اور الہ کی ذات پر گلے شکوے اور مرض کو گالی گلوچ برا بھلا کہنا ہماری عادت بن چکی ہے ۔ جو کہ رسول اللہ ﷺ کے ارشادات اور فرامین کے سراسر خلاف ہے۔ اللہ تعالی ہر قسم کے مرض سے محفوظ رکھے اور اپنی خاص رحمت فرمائے آمین ثم آمین
1۔ صحیح مسلم شریف، کتاب البروالصلتہ باب المومن جلد 2 صفحہ 319کتاب : گالی
مولف ؛ عبدالمنان راسخ
