بھائی جان کچھ تفصیلات درکار ہیں۔

[محمد عاطف]

اسلام علیکم:
’’الموسو عۃ الحدیثیہ ‘‘میں حدیث کس طرح تلاش کرتے ہیں،کیا پورا عربی متن لکھنا پڑتا ہے یا کچھ کلمات۔
میں پورا عربی متن لکھتا ہوں تو نتائج صفر آتے ہیں ۔
اس کی وضاحت کر دیں کہ کس طرح حدیث تلاش کی جائے

 

[ابوالحسن علوی]

آپ عربی کا ایسا لفظ لکھیں جو قلیل الاستعمال ہو اور کوشش کریں کہ اسم ہو یعنی ناؤن ہو کیونکہ افعال کے نتائج عموما زیادہ آتے ہیں۔ الفاظ کم سے کم لکھیں کیونکہ بعض اوقات روایات میں الفاظ کا اختلاف ہوتا ہے تو آپ کے پاس جو روایت ہے، اگر اس میں ایک عدد واؤ بھی زائد ہوئی تو وہ حدیث سرچ میں نہیں آئے گی اور حدیث کی کتب میں ایک ہی روایت میں اس قسم کے اختلافات یعنی حروف وغیرہ کے تو کثرت سے ہوتے ہیں کہیں قال النبی صلی اللہ علیہ وسلم ہوتا ہے تو دوسری کتاب میں اس کی جگہ قال رسول اللہ صلی اللہ علیہ وسلم ہوتا ہے۔
پس کوشش کریں کہ ایک ہی لفظ یا زیادہ سے زیادہ دو لفظ یا تین لفظ لکھیں۔
کوشش کریں کہ اسم ہو اور قلیل الاستعمال ہو۔
یا پھر فعل ذکر کریں اور اگر فعل یا اسم کے ساتھ پہلے واؤ موجود ہو تو اس کو بھی لکھیں۔