بیوٹی ٹپس

[نسرین فاطمہ]

آج سے ہم ایک نیا سلسلہ شروع کر رہے ہیں جس سے خواتین کو ان شاء اللہ بہت فائدہ ہوگا اس میں بہنیں ایسی ٹپس شئیر کریں گی جسے استعمال کر کے وہ پارلر جا کر اپنا پیسہ ضائع ہونے سے بچا سکتی ہیں اور اپنی قدرتی خوبصورتی میں فطری اضافہ کر سکتی ہیں ۔

چھائیاں ختم کرنے کا طریقہ
ٹپس نمبر 1
مٹی کی پیالی میں ایک چمچ بالائی,لیموں کے 5,6 قطرے اور بادام کی 3 گریاں پیس کر مرکب بنا لیں۔چہرے پر رات کو سونے سے قبل لیپ کر لیں اور صبح ٹھنڈے پانی منہ دھو لیں

ٹپس نمبر 2
▫سیپوں کا سفوف 1 چائے کا چمچ
▫عرق گلاب 1 چائے کا چمچ
▫لیموں کا رس آدھا چائے کا چمچ
▫ہلدی پاؤڈر آدھا چائے کا چمچ
سفوف بنانے کا طریقہ
سیپوں کو گرم پانی سے دھو کر صاف کر لیں۔پھر انہیں گرائنیڈر میں اچھی طرح پیس کر سفوف بنا لیں
طریقہ استعمال
تمام اشئیا کو اچھی طرح مکس کر کے آمیزہ تیار کر لیں۔ رات کو سونے سے قبل چہرے پر لگا لیں اور صبح اٹھ کر اچھی طرح دھو لیں۔
دن میں بھی استعمال کیا جا سکتا ہے اور ہر بار 10 سے 15 منٹ کیلئے لگائیں۔

 

[Dua]

ماشاء اللہ عمدہ سلسلہ ہے میری بہنا۔۔۔
اس حوالے سے ایک ٹپ پیش خدمت ہے۔

بیسن آدھا کپ لے کر اس میں مناسب مقدار میں دودھ شامل کریں کہ ایک پیسٹ کی طرح بن جائے۔اس کو چہرے پر لگانے سے تروتازگی آتی ہے اور یہ قدرتی فیس واش بھی ہے۔

 

[نسرین فاطمہ]

رنگت نکھارنے کیلئے

شہد اور خوبانی کا گودا چہرے پہ لگانے سے رنگت نکھرتی ہے اور چہرے سے بال بھی صاف ہوتے ہیں۔

لیموں اور ہلدی کا پیسٹ بنا کر چہرے پہ لگانے سے رنگت نکھرتی ہے دس منٹ کے بعد ہلکے ہاتھوں سے مساج کر کے چہرے سے اسکو اتار لیں اور صاف پانی سے چہرے کو دھو لیں۔

رات کو سونے سے پہلے اصلی شہد اور بالائی باہم ملا کر چہرے پہ لگانے سے داغ دھبے اور دانے بھی کم ہو جاتے ہیں اور رنگت بھی نکھرتی ہے۔

لیموں کا رس ایک تولہ روغن زیتون دو تولہ اور روغن بادام دو تولہ تینوں کا آمیزہ بنا لیں رات کو سوتے وقت چہرے اور بازوں پر ملیں چند دنوں میں رنگت نکھر جائے گی

 

[نسرین فاطمہ]

چہرے سے جھریاں ختم کرنے کا طریقہ

▫بیسن 1 ٹی سپون
▫شہد 2 ٹی سپون
▫گلیسرین 2 ٹی سپون
▫کریم 3 ٹی سپون

طریقہ استعمال
ان تمام چیزوں کو ایک پیالے میں ڈال کر مکس کر لیں۔اتنا مکس کریں کہ ہر چیز کریم کے ساتھ یک جان ہو جائے۔ اب اس پیسٹ کو چہرے اور گردن پر اچھی طرح لگا لیں۔ تقریبا 15 منٹس تک لگا رہنے دیں۔ پھر صاف پانی دھو لیں اس سے چہرے کی جھریاں بھی دور ہو جائیں گی اور جلد بھی شاداب ہو جائے گی ان شاء اللہ ۔

 

[عمر اثری]

اگر بال کو سفیدی سے روکنے کا کوئ طریقہ ھو تو وہ بھی شیئر کریں. مردوں کے لۓ (میم پر زبر پڑھۓ گا...... ابتسامہ) اور اگر اسکو کالا کرنے کا بھی کوئ اسلامی طریقہ ھو تو وہ بھی بتائیں.

 

[نسرین فاطمہ]

ان شاء اللہ ضرور شئیر کیا جائیگا۔

 

[نسرین فاطمہ]

بیوٹی ٹپس نمبر 4

ایکنی ماسک
اجزاء
تٍل
{1چائے کا چمچ}
گلیسرین
{2 کھانے کے چمچ}
ناریل کا پاؤڈر
{1چائےکا چمچ}
لونگ کا تیل
{1/2چائے کا چمچ}
پسے ہوئے پودینے کے پتے
{5 کھانے کے چمچ}

ترکیب
تمام چیزوں کو اچھی طرح مکس کر کے ماسک بنا لیں اور روزانہ 30 منٹ کیلئے یہ ماسک چہرے پہ لگائیں۔اس ماسک سے پیپ والے دانے بھی ختم ہو جائے گے ان شاء اللہ ۔

 

[نسرین فاطمہ]

بیوٹی ٹپس نمبر 5
پاؤں کیلئے سکرب؛ فٹ سکرب

اجزاء
▫سمندری نمک ایک کپ
▫ناریل تیل چوتھائی کپ
▫وٹامن ای کیپسول چوتھائی کپ
▫کوکونٹ اسینٹیل آئل چند قطرے

طریقہ
تمام اجزاء کو ملا لیں۔ اور ایک بوتل میں بند کر کے رکھ لیں۔ جب سکرب کرنا ہو تو 20 منٹ کیلئے پاؤں کی مالش کریں پھر نیم گرم پانی سے دھو لیں۔۔

 

[عمر اثری]

پاؤں کیلئے سکرب؛ فٹ سکرب

اجزاء
▫سمندری نمک ایک کپ
▫ناریل تیل چوتھائی کپ
▫وٹامن ای کیپسول چوتھائی کپ
▫کوکونٹ اسینٹیل آئل چند قطرے

ملون الفاظ کا مطلب بتا دیں آپی.
جزاک اللہ خیرا

 

[نسرین فاطمہ]

فٹ سکرب
کا مطلب ایسا اسکرب یا کھردرا پیسٹ جو ہاتھ یا پاؤں میں مل مل کر رگڑا جائے ۔