تفسیر احسن البیان (تفسیر مکی)

[محمد نعیم یونس]

فَكَذَّبُوهُ فَعَقَرُ‌وهَا فَدَمْدَمَ عَلَيْهِمْ رَ‌بُّهُم بِذَنبِهِمْ فَسَوَّاهَا ﴿١٤﴾
ان لوگوں نے اپنے پیغمبر کو جھوٹا سمجھ کر اس اونٹنی کی کوچیں کاٹ دیں (۱)، پس ان کے رب نے ان کے گناہوں کے باعث ان پر ہلاکت ڈالی پھر (۲) ہلاکت کو عام کر دیا اور اس بستی کو برابر کر دیا۔ (۳)
۱٤۔۱یہ کام ایک شخص قدار نے کیا تھا لیکن چوں کہ اس شرارت میں قوم بھی اس کے ساتھ تھی اس لیے اس میں سب کو برابر کا مجرم قرار دیا گیا، اور تکذیب اور اونٹنی کی کوچیں کاٹنے کی نسبت پوری قوم کی طرف کی گئی، جس سے یہ اصول معلوم ہوا کہ ایک برائی پر نکیر کرنے کے بجائے اسے پسند کرتی ہو تو اللہ کے ہاں پوری قوم اس برائی کی مرتکب قرار پائے گی اور اس جرم یا برائی میں برابر کی شریک سمجھی جائے گی۔
۱٤۔۲ان کو ہلاک کر دیا اور ان پر سخت عذاب نازل کیا۔
۱٤۔۳۔ یعنی اس عذاب میں سب کو برابر کر دیا، کسی کو نہیں چھوڑا،چھوٹا بڑا، سب کو نیست ونابود کر دیا گیا یا زمین کو ان پر برابر کر دیا یعنی سب کو تہ خاک کر دیا۔

وَلَا يَخَافُ عُقْبَاهَا ﴿١٥﴾
وہ نہیں ڈرتا اس کے تباہ کن انجام سے۔

 

[محمد نعیم یونس]

سورة اللیل

(سورة اللیل ۔ سورہ نمبر ۹۲ ۔ تعداد آیات ۲۱)​

بِسْمِ اللّٰهِ الرَّحْمٰنِ الرَّحِيْمِ
شروع کرتا ہوں میں اللہ تعالٰی کے نام سے جو بڑا مہربان نہایت رحم والا ہے
وَاللَّيْلِ إِذَا يَغْشَىٰ ﴿١﴾
قسم ہے رات کی جب چھا جائے، (۱)
۱۔۱یعنی افق پر چھا جائے جس سے دن کی روشنی ختم اور اندھیرا ہو جائے۔

 

[محمد نعیم یونس]

وَالنَّهَارِ‌ إِذَا تَجَلَّىٰ ﴿٢﴾
اور قسم ہے دن کی جب روشن ہو۔
۲۔۱۔ یعنی رات کا اندھیرا ختم ہو جائے اور دن کو اجالا پھیل جائے۔

 

[محمد نعیم یونس]

وَمَا خَلَقَ الذَّكَرَ‌ وَالْأُنثَىٰ ﴿٣﴾
اور قسم ہے اس ذات کی جس نے نر مادہ کو پیدا کیا (١)
٣۔١ یہ اللہ نے اپنی قسم کھائی ہے، کیونکہ مرد و عورت دونوں کا خالق اللہ ہی ہے

 

[محمد نعیم یونس]

إِنَّ سَعْيَكُمْ لَشَتَّىٰ ﴿٤﴾
یقیناً تمہاری کوشش مختلف قسم کی ہے (١)
٤۔١ یعنی کوئی اچھے عمل کرتا ہے، جس کا صلہ جنت ہے اور کوئی برے عمل کرتا ہے جس کا بدلہ جہنم ہے۔ یہ جواب قسم ہے۔

 

[محمد نعیم یونس]

فَأَمَّا مَنْ أَعْطَىٰ وَاتَّقَىٰ ﴿٥﴾
جس نے دیا (اللہ کی راہ میں) اور ڈرا (اپنے رب سے)۔ (۱)
۵۔۱یعنی خیر کے کاموں میں خرچ کرے گا اور محارم سے بچے گا۔

 

[محمد نعیم یونس]

وَصَدَّقَ بِالْحُسْنَىٰ ﴿٦﴾
اور نیک بات کی تصدیق کرتا رہے گا۔ (۱)
٦۔۱یا اچھے صلے کی تصدیق کرے گا، یعنی اس بات پر یقین رکھے گا کہ انفاق اور تقوی اللہ کی طرف سے عمدہ صلہ ملے گا۔

 

[محمد نعیم یونس]

فَسَنُيَسِّرُ‌هُ لِلْيُسْرَ‌ىٰ ﴿٧﴾
تو ہم بھی اسکو آسان راستے کی سہولت دیں گے۔
۷۔۲یعنی ہم بھی اس کو اس سے نیکی اور اطاعت کی توفیق دیتے اور ان کو اس کے لیے آسان کر دیتے ہیں۔ مفسرین کہتے ہیں کہ یہ آیت حضرت ابو بکر کے بارے میں نازل ہوئی ہے جنہوں نے چھ غلام آزاد کیے، جنہیں اہل مکہ مسلمان ہونے کی وجہ سے سخت اذیت دیتے تھے۔ (فتح القدیر)

 

[محمد نعیم یونس]

وَأَمَّا مَن بَخِلَ وَاسْتَغْنَىٰ ﴿٨﴾
لیکن جس نے بخیلی کی اور بےپرواہی برتی۔ (۱)
۸۔۱یعنی اللہ کے راہ میں خرچ نہیں کرے گا اور اللہ کے حکم سے بےپرواہی کرے گا۔

 

[محمد نعیم یونس]

وَكَذَّبَ بِالْحُسْنَىٰ ﴿٩﴾
اور نیک بات کو جھٹلایا۔ (۱)
۹۔۱یا آخرت کی جزاء وسزا اور حساب وکتاب کا انکار کرے گا۔