تقلید

[فرقان]

اسلام علیکم
میرا سوال تقلید کے بارے مین ہے۔دارالعلوم دیوبند کی ویب سائٹ darulifta-deoband.org مین ایک عنوان "تقلید پر امت کا اجماع ہے" کے نام سے ہے۔اس مین انہون نے بہت سے علعماء اور اکابرین کی اس موضوع پر رائے دی ہے .اس مین شاھ ولی اللہ اور امام نووی رحمتہ اللہ علیھما کا بھی موضوع کی تائید مین حوالہ ھے.جبکہ مین نے سنا ہے کہ یہ علعماء تقلید کے قائل نہین تھے -پھر یہ تضاد کیون... براھے کرم اس موضع کو ویب سائٹ سے پرھ کر تفصیلی جواب دے دین تاکہ ذہن کی پریشانی دور ھو جائے. جزاک اللہ

 

[فرقان]

اھل علم حضرات سے گزارش ہے جلد جواب بھیج دین -جزاک اللہ

 

[ابوالحسن علوی]

میں نے یہ فتوی دیکھا ہے اور اس میں اس دعوی کی مناسبت سے کوئی دلیل بیان نہیں کی گئی ہے۔ ائمہ اربعہ کی تقلید کے لیے اجماع سکوتی کو دلیل بنایا گیا ہے جبکہ خود ائمہ اربعہ اور ان کے متبعین میں اجماع سکوتی کے دلیل ہونے کے بارے اختلاف موجود ہے اور جمہور اہل علم اجماع سکوتی کو حجت نہیں سمجھتے ہیں۔

شاہ ولی اللہ دہلوی رحمہ اللہ کا جو قول نقل کیا گیا ہے، اس کا مطلب صرف یہ ہے کہ ائمہ اربعہ میں سے کسی ایک تقلید جائز ہے۔ جواز اور لازم ہونے یا واجب ہونے میں جو فرق ہے، وہ کسی سے مخفی نہیں ہے۔
جہاں تک امام نووی رحمہ اللہ کی عبارت کا معاملہ ہے تو اس کا مفہوم یہ ہے کہ اجتہاد مطلق ائمہ اربعہ پر ختم ہو گیا ہے، اس میں تقلید کی بحث ہی موجود نہیں ہے۔

ہمارے خیال میں کسی ایک متعین امام یا ائمہ اربعہ کی تقلید کو لازم یا واجب قرار دینا ان حضرات کو دین میں ایک ایسا مقام عطا کرنا ہے جو انبیا و رسل کے علاوہ کسی کے لیے بھی جائز نہیں ہے۔ ہاں ان ائمہ کی تقلید کے جواز کی بات درست ہے اور اس میں بھی اہل الحدیث تقلید کی بجائے اہل علم کی اتباع کے قائل ہیں لیکن ان میں سے کسی ایک یا ان چاروں کی تقلید کو واجب سمجھنا اور اس باہر نکلنے کو گمراہی یا بدعت قرار دینا، خود شرک ہے۔