تم (مسلمان) گزشتہ (گزری ہوئی) امتوں کی پوری پوری پیروی کرو گے !!!

[محمد عامر یونس]

​

​

تم (مسلمان) گزشتہ (گزری ہوئی) امتوں کی پوری پوری پیروی کرو گے !!!

جب رسول اللہ صلی اللہ علیہ وسلم حنین کے لیے نکلے تو آپ کا گزر مشرکین کے ایک درخت کے پاس سے ہوا جسے ذات انواط کہا جاتا تھا ، اس درخت پر مشرکین (برکت کے لئے) اپنے ہتھیار لٹکاتے تھے ۔صحابہ نے عرض کیا: اللہ کے رسول صلی اللہ علیہ وسلم ! ہمارے لیے بھی ایک ذات انواط مقرر فرما دیجئے جیسا کہ مشرکین کا ایک ذات انواط ہے ، نبی اکرم صلی اللہ علیہ وسلم نے فرمایا سبحان اللہ! یہ تو وہی بات ہے جو موسیٰ علیہ السلام کی قوم نے کہی تھی کہ ہمارے لیے بھی معبود بنادیجئے جیسا ان مشرکوں کے لیے ہے ، اس ذات کی قسم جس کے ہاتھ میں میری جان ہے ! تم (مسلمان) گزشتہ (گزری ہوئی) امتوں کی پوری پوری پیروی کرو گے

( سنن ترمذي حدیث نمبر 2180 (صحیح))​

​

 

[محمد ارسلان]

اس حدیث سے ثابت ہوا کہ اللہ کے علاوہ کسی اور چیز سے نفع و نقصان کی امید رکھنا، یا کسی درخت ، پتھر وغیرہ کے توسل سے ، یا ان کو خیر و برکت کا باعث سمجھنا شرک اکبر ہے۔
اور دوسری بات یہ امت بھی شرک میں ملوث ہو سکتی ہے۔ جو لوگ جو کہتے ہیں کہ اس امت میں شرک نہیں ہو گا ان کا اس حدیث سے رد ہو جاتا ہے۔