جنتیوں کے لئے سب سے بڑی نعمت رب کا دیدار

[محمد عامر یونس]

جنتیوں کے لئے سب سے بڑی نعمت رب کا دیدار

​

 

[محمد عامر یونس]

• سب سے بڑی نعمت اور سب سے بڑی کرم نوازی وہ ہے جس کے سامنے ساری نعمتیں ہیچ ہیں اور وہ ہے اللہ تعالیٰ کے با برکت چہرے کا دیدار۔ جریر بن عبد اللہ کہتے ہیں ہم رسول اللہ ﷺ کے پاس تھے آپ نے چودھویں رات کے چمکتے چاند کی جانب دیکھ کر فرمایا:

«إنكم سترَون ربَّكم عِيانًا كما ترَون هذا القمرَ، لا تُضامُون في رُؤيتِه»؛ متفق عليه.
''یقیناً تم اپنے رب کو اپنی آنکھوں سے اسی طرح دیکھو گے جیسے اس چودھویں رات کے چاند کو دیکھ رہے ہو، تمہیں دیدار کرنے میں کسی قسم کی تنگی بھی نہیں ہو گی۔''

• اہل جنت اور اللہ تعالیٰ کے چہرے کے درمیان صرف ایک حجاب ہو گا، اس دن آواز لگانے والا کہے گا: اہل جنت اللہ تعالیٰ نے تمہارے ساتھ ایک وعدہ کیا ہوا ہے جس کو وہ پورا کرنا چاہتا ہے، سب کہیں گے: وہ کونسا وعدہ ہے؟ اللہ نے ہمارے نامہ اعمال والا پلڑا بھی وزنی کر دیا، ہمارے چہروں کو سفید چمکتا دمکتا بنایا، ہمیں جنت کا داخلہ بھی نصیب کردیا اور جہنم سےبھی ہمیں دور رکھا (اب کیا باقی رہ گیا ہے؟) اللہ تعالیٰ پھر اپنے چہرے سے پردہ ہٹائے گا اور تمام جنتی اپنے رب کا دیدار کریں گے اوریہ دیدار سب کے نزدیک ہر نعمت سے زیادہ محبوب ہوگا۔
• اللہ اکبر! اللہ اکبر! اللہ نے انہیں ہر قسم کی نعمت بھی دی اور انکی خواہشات سے بڑھ کر انہیں عنایت فرمایا۔

اللہ تعالی مجھے اور آپ سب کو اہل جنت میں سے بنائے اور ہمیں اچھا بدلہ اور اپنا دیدار نصیب فرمائے۔ (آمین)

 

[حق کی طرف رجوع]

جزاک اللہ خیرا -

 

[حسن شبیر]

جزاک اللہ خیرا

 

[محمد عامر یونس]

​

اللہ تعالی کو اس دنیاوی زندگی میں کوئی نہیں دیکھ سکتا ، دلیل ؟ یہ ہے کہ

رسول اللہ صلی اللہ علیہ وسلم نے فتنوں اور دجال کے بارے میں بتاتے ہوئے فرمایا: تم یہ جان رکھو کہ تم میں سے کوئی بھی اپنے رب کو مرنے سے پہلے ہر گز نہیں دیکھ سکتا​

(صحیح مسلم ، كتاب الفتن و أشراط الساعة :2930 ، 2931 ، 169 (7000))​

 

[محمد شاہد]

ﺟﺰﺍﮎ ﺍﻟﻠﮧ ﺧﯿﺮﺍ ﻋﺎﻣﺮ ﺑﮭﺎﺋﯽ

 

[محمد شاہد]

ﺍﻟﻠﮧ ﺗﻌﺎﻟﯽ ﻣﺠﮭﮯ ﺍﻭﺭ ﺁﭖ
‎ ‎ﺳﺐ ﮐﻮ ﺍﮨﻞ ﺟﻨﺖ ﻣﯿﮟ ﺳﮯ
ﺑﻨﺎﺋﮯ ﺍﻭﺭ ﮨﻤﯿﮟ ﺍﭼﮭﺎ ﺑﺪﻟﮧ
ﺍﻭﺭ ﺍﭘﻨﺎ ﺩﯾﺪﺍﺭ ﻧﺼﯿﺐ ﻓﺮﻣﺎﺋﮯ۔
)ﺁﻣﯿﻦ

 

[محمد عامر یونس]

٭٭٭ اپنا دیدار کرا دیجئے ٭٭٭

--------------------------------​

(موسیٰ (علیہ السلام) نے) عرض کیا کہ اے میرے پروردگار ! اپنا دیدار مجھ کو کرا دے کہ میں تجھ کو ایک نظر دیکھ لوں ارشاد ہوا کہ تم مجھ کو ہرگز نہیں دیکھ سکتے لیکن تم اس پہاڑ کی طرف دیکھتے رہو وہ اگر اپنی جگہ پر برقرار رہا تو تم بھی مجھے دیکھ سکو گے، پس جب ان کے رب نے پہاڑ پر تجلی فرمائی تو تجلی نے اس پہاڑکے پرخچے اڑا دیئے اور موسیٰ (علیہ السلام) بے ہوش ہو کر گر پڑے ، پھر جب ہوش میں آئے تو عرض کیا، بے شک تیری ذات منزہ ہے میں تیری جناب میں توبہ کرتا ہوں اور میں سب سے پہلے تجھ پر ایمان ﻻنے والوں میں سے ہوں

------------------------
(سورة الأعراف : 143)​

 

[عمار شمسی]

ان لوگوں کے لئے کیا نعمت ہوگی جنہوں نے دنیا میں ہی اللہ کا دیدار کر لیا ہے؟
مثلاً امام ابو حنیفہ رحمتہ اللہ علیہ کے بارے میں مشہور ہے کہ انہوں نے سو بار اللہ کا دیدار کیا۔

 

[ابن داود]

السلام علیکم ورحمۃ اللہ وبرکاتہ!
کسی بات کے مشہور ہو جانے کی کیا ہی بات ہے!!
ویسے جس نے یہ مشہور کی ہے اور بغیر توبہ کے فوت ہوا، اس کی خیر نہیں!!