اسی دھاگہ کے لئے میرے چندمزید مکالمات۔
پہلے تو ہمیں دہشت گرد وں اور مجاہدین میں فرق کرنا ہوگا ۔ جس کی بنیاد یقیناً اُن کا عمل ہوگا ۔ کہ اُن کا نشانہ کون بن رہے ہیں اور اُن کی اعانت کون کر رہا ہے ۔ کون خرقہ پوش ہیں اور کون خلعت کے خواہاں،مجاہدین اسلام کے لیے احترام ہم سب پر واجب ہے ۔
آپ کی بات درست سہی لیکن یہ نہ بھولئے کہ کہ مجاہدین کو "دہشت گرد" کس نے بنایا۔ آپ کی نظر صرف "رد عمل" ہے، اسی لئے تصویر کا مکمل رخ نظر نہیں آرہا۔ اب میں اپنی بات کو بار بار دہرانے سے تو رہا کہ جن مجاہدین کے ساتھ حکومت پاکستان اور پاکستان آرمی سویت یونین کے خلاف جہاد کررہی تھی۔ ایک قادیانی آرمی جنرل اور فوجی حکمران کے آتے ہی انہیں مجاہدین کو مار مار کر انہیں بدلہ کی جنگ میں کس نے دھکیلا۔۔۔
اب دیکھیں پاکستان میں جن حملوں اور دہشت گردی کو طالبان نے تسلیم کیا ہے اُن میں کون لوگ شہید ہوئے ۔ اِن کے نشانے اسلامی یونیورسٹی ، مساجد ، امامبارگاہیں خانقاہیں اور عبادت گاہیں ، بازار ، سکول ہی ہیں ۔ کیا اِن کو مجاہدین کا نام دے کر جذبہ جہاد ، اور مجاہدین کی توہین کے مرتکب نہیں ہورہے ۔ ؟ ان معصوموں اور بے قصور طالب علموں ، عبادت گزاروں کا کیا قصور تھا ؟ کیا یہی اُن کے دشمن تھے انہی کے خلاف جہاد وقت کی اہم ضرورت ہے ۔ ؟
اگر آپ طالبان کے نام پر دہشت گردی کی کاروائیوں کی ذمہ داری قبول کرنے کی بات کررہے ہیں تو آپ ان نکات پر سنجیدگی سے غور کیجئےایسی بیشتر "قبولیت" کا اعلان غیر ملکی نیوز ایجنسیز کی جاری کردہ ہوتی ہیں، جن کا مفاد افغانستان میں موجود نیٹو افواج کے ساتھ ہے، جو افغانستان اور پاکستان کو تباہ و برباد کرنے آئی ہیں۔ پاکستانی سرزمین پر ہونے والے حادثات کی خبر پاکستانی میڈیا نہیں دے رہا (یا انہیں ایسا نہیں کرنے دیا جارہا)۔ ہم دشمن کی فراہم کردہ خبروں پر کیسے یقین کرلیں۔ ڈرون حملوں میں مارے جانے والے گھر، عورتیں اور بچے پاکستانی سر زمین پر ہوتے ہیں، لیکن پاک میڈیا ان کی بھی صرف اسکور دیتا ہے، ویسی مساویانہ، حقیقت پسندانہ کوریج کیوں نہیں کرتا جیسی ردعمل والی کاروائیوں کی کرتا ہے۔ لہٰذا جن خبروں پر آپ تکیہ کرتے ہیں، ان کی "حقیقت" ہی سے نا آشنا ہیں۔
اب دیکھتے ہیں اسلامی جمیعت کا کردار :اسلامی جمیعت طلبا کے الشمس و البدر کے کردار کو اگر دیکھیں تو شائد یہ بات ناگوار گزرے اُس وقت اسلام اور کفر کی جنگ نہیں تھی ۔ غاصبوں اور محکو موں کی جنگ تھی ۔ جس کے پس منظر میں مشرقی پاکستان کے باسیوں کی محرومیاں تھیں ، ایسے میں الشمس و البدر کو وہاں کے مقامی باشندوں کا ساتھ دینا چا ہئیے تھا جنہوں نے بہار سے ہجرت پر اُن کی مدد کی تھی ۔ نتیجہ آپ کے سامنے ہے آج چالیس سال کے بعد بھی بہاری وہاں مہاجر کیمپ میں انتہائی نا گفتہ بہ حالت میں رہ رہے ہیں ۔
- بھارتی مکتی باہنی کے نام پر انڈین فوج جو مشرقی پاکستان کے مسلمانوں، محب وطن پاکستانیوں اور پاک آرمی کا قتل عام کررہی تھی، یہ اسلام اور کفر کی جنگ نہیں تھی؟۔
- البدر اور الشمش کو مکتی باہنی کے ساتھ مل کر پاک آرمی کا قتل عام کرنا چاہئے تھا، جو سراسر اسلامی ہوتا کہ یہ غاصب پنجاب اسٹیبلشمنٹ کے خلاف حقوق کی جنگ تھی، بہت خوب
- آپ کا " قیمتی مشورہ" اہل کراچی اور اہل بلوچستان نے 'نوٹ' کرلیا ہے۔ یہاں بھی حقوق کی جنگ جاری ہے۔ اور آپ کے مشوروں کے عین مطابق آزاد ریاست جناح پور کے قیام کی خاطر مہاجر کراچی میں موجود تمام "غیر مہاجر غاصبوں" کا قتل عام کرکے اپنا حق وصول کرلیں تو کل آپ یا آپ کے بچوں کی طرف سے کوئی "شکایت" نہیں آئے گی نا؟
- پھر تو بلوچستان میں بی ایل اے بھی "پنجابی غاصبوں" کا قتل عام ٹھیک ہی کر رہے ہوں گے، آپ کے فلسفہ کی روشنی میں۔ اللہ معاف کرے، ایسی دانشوری سے۔
اب ان کا کردار دیکھیں یونیورسٹیوں میں ماضی میں کراچی ، پنجاب اور پشاور یونیورسٹیوں میں انہوں نے کئی دفعہ غنڈہ گردی ، اساتذہ کی مار پیٹ ، اسلحہ ، کا ستعمال کیا ۔ پنجاب یونیورسٹی میں زمین میں دفن کیے گے اسلحہ کی کوئی منطق سمجھ میں نہیں آتی ۔ آٹھ دس سال تو یونیورسٹی میں یہ مختلف کورسز کے بہانے اپنی لیڈری قائم کر لیتے ہیں ۔ لیاقت بلوچ اور فرید پراچہ کی غنڈہ گردی کی مثالیں تو ہماری عمر کے لوگوں کو عام یاد ہیں ۔ ۱۹۶۸ میں ایوب خان کے خلاف کوہاٹ کالج کے جلسوں میں اسلامیہ یونیورسٹی بہاولپور سے مولاناجاوید ابراہیم پراچہ آیا کرتے تھے ۔ اُس وقت وہ ایم اے کے طالب علم تھے ۔ ۱۹۷۸ میں یہی صاحب پشاور یونیورسٹی سے ایک ایم اے اسلامیات کرنے کے بعد ایل ایل بی کر رہے تھے اور سٹوڈنٹ لیڈر تھے ۔ ان غریب بچوں کو تعلیم کا اتنا شوق ، روزگار اور والدین کا سہارا بننے کی کوئی فکر نہیں کوئی تو ہے جو یہ نظام چلا رہا ہے ۔ آج یہی جاوید ابراہیم پراچہ پاکستان میں قید غیر ملکی دہشت گردوں کی رہائی کے لیے حکومت پاکستان سے سودا بازی میں مصروف عمل ہیں ۔ یہ مولانا مفتی محمود کے ساتھ بھی رہے ، پھر الیکشن کے ٹکٹ کے لیے نواز شریف کے ساتھ مل گئے پھر جہاد افغانستان میں اسلحہ بھی خوب بیچا ۔ ان کا کوہاٹ میں ایک مدرسہ بھی ہے ، روئت ہلال سے لے پشاور یونیورسٹی میں ان کی دو نمبریوں سے نہ صرف واقف ہوں بلکہ گواہ بھی ہوں ۔
ان الزامات کا جواب جمیعت اور جماعت والوں کے ذمہ ہے۔ میں ان کا کوئی وکیل نہیں۔ میں تو محض پاکستانی تاریخ اور صحافت کا طالب علم ہوں۔ اگر کوئی واقعاتی یا نظریاتی بددیانتی کرے تو اس کا جواب دیتا ہوں، ایک مسلمان محب وطن پاکستانی کی حیثیت سے۔ پاکستانی کی ہر سیاسی جماعت اور گروہ میں کم و بیش خامیاں ضرور ہوتی ہیں۔ لیکن جو جماعتیں ملک دشمنی میں کفار کی قوتوں کا ساتھ دیں، پاکستان کی اسلامی شناخت کو مٹانے کے درپے ہوں،ان کا موازنہ محب وطن جماعتوں کی "مبینہ خامیوں" سے نہیں کیا جا سکتا۔
کیا نعوذ باللہ شیطان کو صرف اس لیے ملعون نہ کہیں کہ کبھی وہ بھی مقرب خاص تھا
آج کا شیطان اعظم امریکہ اور اس کے حواری ہیں۔ جو عراق اور افغانستان میں لاکھوں مسلمانوں کا خون بہا کر اب پاکستان کو تباہ و برباد کرنا چاہتا ہے۔ پاکستان کے قادیانی اور گروہ منافقین ان کے ہمدرد و خیر خوہ ہیں، جو یہ چاہتے ہیں کہ ان کے افغانستان سے جانے کے بعد مسلم گروہ ایک دوسرے کا قتل عام کرتے رہیں۔ اسی لئے اس نے 19 ہزار "مسنگ" اسلحہ کنٹینرز کے ذریعہ اسلحہ پشاور سے کراچی تک ہر گروہ کو مفت فراہم کردیا ہے۔ مشرف اور زرداری ادوار کے بعد پہلی مرتبہ نواز حکومت نے امریکہ کی جنگ سے باہر نکلنے کے لئے آل پارٹیز کی "حمایت" بھی حاصل کی لیکن پاسکتان دشن اندرونی و بیرونی طاقتوں کو یہ گوارا نہیں کہ امن کے لئے مذاکرات کئے جائیں۔ لہٰذا یہ قوتیں طالبان کے نام پر ایسی کاروائیاں کرتے رہیں گے اور "جواباً" پاک آرمی ان سے جنگ کر کرکے تباہ و برباد ہوتی رہے گی۔ یہی پاکستان دشمنوں کا خواب ہے۔
![محدث فورم [Mohaddis Forum]](/styles/default/xenforo/Forum.jpg)
