حضرت خدیجہ رضی اللہ عنہا کا جبرئیل علیہ السلام کی شناخت کرنا

[محمد ہاشم]

ایک حدیث بیان کی جاتی ہے کہ ام المؤمنین خدیجہ رضی اللہ عنھا اللہ کے نبی صلی اللہ علیہ وسلم سے کہا: جب آپ کے پاس جبرئیل علیہ السلام تشریف لائے توکیا آپ مجھے اس سے آگاہ کرسکتے ہیں ؟اللہ کے نبی صلی اللہ علیہ وسلم نے کہا: ہاں۔

چنانچہ جب جبرئیل علیہ السلام تشریف لائے تو اللہ کے نبی صلی اللہ علیہ وسلم نے حضرت خدیجہ رضی اللہ عنہا کو آگاہ کیا کہ جبرئیل میرے پاس آگئے ہیں ۔

تو حضرت خدیجہ رضی اللہ عنہا نے آپ صلی اللہ علیہ وسلم سے کہا: آپ میری بائیں ران پر بیٹھ جائیے۔

آپ صلی اللہ علیہ وسلم نے ایسا ہی کیا ۔
پھر حضرت خدیجہ رضی اللہ عنہا نے پوچھا: کیا اب آپ کو جبرئیل علیہ السلام نظر آرہے ہیں؟

آپ صلی اللہ علیہ وسلم نے جواب دیا :ہاں!

اس کے بعدحضرت خدیجہ رضی اللہ عنہا نے کہا:آپ میری دائیں ران پر بیٹھ جائیے ۔

آپ صلی اللہ علیہ وسلم نے ایسا ہی کیا ۔

پھرحضرت خدیجہ رضی اللہ عنہا نے سوال کیا : کیا اب آپ کو جبرئیل علیہ السلام نظر آرہے ہیں؟

آپ صلی اللہ علیہ وسلم نے جواب دیا: ہاں۔

اس کے بعد حضرت خدیجہ رضی اللہ عنہا نے کہا: آپ میری گود میں بیٹھ جائیے ۔

آپ صلی اللہ علیہ وسلم نے ایسا ہی کیا ۔پھرحضرت خدیجہ رضی اللہ عنہا نے سوال کیا : کیا اب آپ کو جبرئیل علیہ السلام نظر آرہے ہیں؟آپ صلی اللہ علیہ وسلم نے جواب دیا: ہاں۔آپ صلی اللہ علیہ وسلم نے جواب دیا :ہاں!

اس کے بعد حضرت خدیجہ رضی اللہ عنہا نےاپنا چہرہ کھول دیا اور اپنا ڈوپٹہ گراددیا اور پھر پوچھا: کیا اب آپ کو جبرئیل علیہ السلام نظر آرہے ہیں؟آپ صلی اللہ علیہ وسلم نے جواب دیا :نہیں!
اس کے بعد حضرت خدیجہ رضی اللہ عنہا نے کہا: آپ ثابت قدم رہیں اور خوش ہوجائیں کہ اللہ کی قسم یہ فرشتہ ہے شیطان نہیں ۔
یہ حدیث کہاں ہے اور کیسی ہے ۔

 

[کفایت اللہ]

یہ الاوسط للطبرانی ،دلائل النبوۃ للبیہقی اورسیرت ابن اسحاق وغیرہ کی روایت ہے۔
علامہ البانی رحمہ اللہ نے اسے ضعیف کہا ہے دیکھئے:
سلسلة الأحاديث الضعيفة والموضوعة وأثرها السيئ في الأمة (13/ 220) رقم 6097۔

ہماری نظر میں یہ روایت سبائیوں ہی گھڑی ہوئی معلوم ہوتی ہے ۔بلکہ اسی روایت کے سہارے آج کے سبائی اوررافضی اماں خدیجہ رضی اللہ عنہا کی توہین کرتے ہیں۔