حضرت عمر بن عبدالعزیز رحمہ اللہ علیہ

[سدرہ منتہا]

ایک مرتبہ حضرت عمر بن عبدالعزیز رحمہ اللہ علیہ کے پاس بیت المال کے سیب آئے ۔ سیب مسلمانوں میں تقسیم کئے جارہے تھے کہ عمر بن عبدالعزیز رحمہ اللہ علیہ کا چھوٹا بیٹا آیا اور سیبوں کے ڈھیر میں سے ایک سیب اٹھا کر کھانے لگا ۔
عمر بن عبدالعزیز رحمہ اللہ علیہ نے اس کے منہ سے یہ سیب چھین لیا ۔ وہ روتا ہوا ماں کے پاس پہنچا ۔ ماں نے بازار سے سیب منگوادئیے ۔ جب عمر بن عبدالعزیز رحمہ اللہ علیہ گھر واپس پہنچے تو سیبوں کی خوشبو آئی تو بیوی سے پوچھا کہ کیا تمھیں بیت المال میں سے کچھ سیب ملے ؟
بیوی نے کہا نے کہ نہیں ، میں نے بازار سے منگوائے ہیں اور بیٹے کو دئیے ہیں ۔ عمر بن عبدالعزیز رحمہ اللہ علیہ نے فرمایا کہ اللہ کی قسم ! جب میں نے اپنے بیٹے سے سیب چھینا تو مجھے ایسا لگا کہ میں نے اپنا دل چیر دیا ہے لیکن مجھے یہ بُرا معلوم ہوا کہ میں مسلمانوں کے مال میں سے ایک سیب کیلئے اپنے آپ کو اللہ کے سامنے رسوا کروں ۔

 

[محمد ارسلان]

جزاک اللہ خیرا
سبحان اللہ
اللہ تعالیٰ سے بہت زیادہ ڈرتے تھے سلف صالحین،تاہم سلف صالحین کی چند باتیں ایسی ہیں جو شریعت اسلامیہ میں نہیں بلکہ رہبانیت میں شمار ہوتی ہیں،ملاحظہ فرمائیں شیخ اشاد الحق اثری صاحب کی کتاب "آفات نظر کا علاج"

نوٹ: اس بات کو سلف صالحین پر تنقید نہ لیا جائے۔