حیات نذیر

[عبد الرشید]

کتاب کا نام

حیات نذیر

مصنف

عبدالرشید عراقی

ناشر

نشریات لاہور

​

تبصرہ

حضرت مولانا سید نذیر حسین دہلوی نے 62 سال درس و تدریس کے فرائض سرانجام دئیے آپ کے سامنے شرف تلمذ طے کرنے والے طلبا نے بھی درس و تدریس، دعوت و تبلیغ اور تصنیف و تالیف میں گراں قدر خدمات انجام دیں۔ زیر نظر کتاب ہمارے موصوف کی زندگی کے گوشوں سے متعلق مرتب کی گئی ہے۔ محترم عبدالرشید عراقی، جو اس فن کے ماہرین میں سے شمار ہوتے ہیں، نے مولانا کے حالات زندگی بیان کرتے ہوئے ان کے طویل سفر حج کا بڑے اچھے انداز میں تذکرہ کیا ہے۔ علاوہ ازیں عراقی صاحب نے 23 مصنفین کے حوالہ سے یہ بات ثابت کی ہے کہ میاں صاحب حضرت مولانا شاہ محمد اسحاق کے باقاعدہ شاگرد تھے اور 13 سال ان کی خدمت میں رہ کر فیوض و برکات حاصل کرتے رہے۔ جبکہ علمائےاحناف کےنزدیک میاں صاحب نے تبرکاً شاہ محمد اسحاق سے سند و اجازت حاصل کی۔ عراقی صاحب نے میاں صاحب کے 80نامور تلامذہ کے مختصر حالات اور علمی خدمات کا تذکرہ بھی کیا ہے۔ (ع۔م)
اس کتاب حیات نذیر کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[عبد الرشید]

فہرست
حرف اول
نقش آغاز
مقدمہ
تقریظ
تعارف
باب1۔وطن ،خاندان او رتعلیم
باب2۔مولاناشاہ محمد اسحاق سے شاگردی کا مسئلہ
باب3۔اساتذہ
باب4۔تدریس
باب5۔1857ء کی جنگ آزادی
باب6۔میاں صاحب کا سفر حج
باب7۔شمس العلماء کا خطاب
باب8۔سیرت وکردار
باب9۔تصانیف
باب10۔میاں صاحب کا سفر آخرت
باب11۔تلامذہ
باب12۔مراجع ومصادر

 

[محمد ثاقب صدیقی]

دوسرے لوگ اپنے متوسط درجے کے علما کے حالات پر بھی سیکڑوں صفحے لکھ ڈالتے ہیں جبکہ ہمارا حال یہ ہے کہ ہم نے مجدد کے درجے کے مجتہد و امام اور اس کے ٨٠ شاگردوں کو بھی ٢٠٠ صفحوں میں فارغ کردیا ۔ یہ کتاب کسی بھی طرح شیخ الکل السید الامام نذیر حسین بہاری ثم دہلوی رحمہ اللہ کے شایان شان نہیں ۔

 

[شاکر]

دوسرے لوگ اپنے متوسط درجے کے علما کے حالات پر بھی سیکڑوں صفحے لکھ ڈالتے ہیں جبکہ ہمارا حال یہ ہے کہ ہم نے مجدد کے درجے کے مجتہد و امام اور اس کے ٨٠ شاگردوں کو بھی ٢٠٠ صفحوں میں فارغ کردیا ۔ یہ کتاب کسی بھی طرح شیخ الکل السید الامام نذیر حسین بہاری ثم دہلوی رحمہ اللہ کے شایان شان نہیں ۔

ثاقب بھائی،
اس قسم کی کتب میں بعض جامع ہوتی ہیں، جو زندگی کے اکثر پہلوؤں کا احاطہ کرتی ہیں۔ بعض فقط زندگی کے اہم گوشوں کی نقاب کشائی تک محدود رہتی ہیں۔ اور بعض اس سے بھی کم تذکرے تک ہی محدود رہتی ہیں۔ اسی طرح قارئین میں بھی بعض لوگ جامعیت کو پسند کرتے ہیں ، تو بعض اختصار کو۔
سیرت رسول صلی اللہ علیہ وسلم پر لکھی گئی کتب کا بھی یہی حال ہے۔ بعض نے جلدوں کی جلدیں لکھ ڈالی ہیں اور بعض فقط چند صفحات پر مشتمل ہیں۔
ہر ایک کی اپنی جگہ اہمیت ہے اور ہر ایک کا اپنا قارئین کا حلقہ ہے۔ تعداد صفحات کو اس شخصیت کی شان کے ساتھ راست نسبت دے دینا کچھ مناسب معلوم نہیں ہوتا۔

 

[محمد ثاقب صدیقی]

شاکر بھائی آپ نے جو بات کی بالکل درست کی میرا انداز تنقید غیر مناسب ہے ۔ اللہ آپ کو میری اصلاح کرنے پر جزائے خیر دے ۔

تاہم یہ ایک حقیقت ہے کہ السید الامام نذیر حسین محدث دہلوی رحمہ اللہ کے حالات کی جمع و ترتیب مسلک اہل حدیث سے تعلق رکھنے والے اہل علم اب بھی ایک قرض ہے ، جو ادا نہ ہو سکا ۔
اور یہ بھی ایک حقیقت ہی ہے کہ ’’ حیات نذیر ‘‘ کے فاضل مولف کی کتب تحقیقی کم زود نویسی کا شاہکار زیادہ ہوتی ہیں اور ان کتابوں میں زایادہ تر ایک ہیئ انداز کا مواد ہوتا ہے ۔