زائدة بن قُدامة أبو الصَلْت، الثقفي

[محمد عثمان سلفی]

السلام اعلیکم ورحمۃ اللہ وبرکاتہ
​

شیخ کیسے ہیں امید ہے کہ آپ ٹھیک ہونگے ان شاء اللہ۔
اللہ آپ کو لمبی عمر اور آپ کے علم اور اس پے عمل میں اضافہ فرمائے آمین ۔

شیخ مجھے زائدة بن قُدامة أبو الصَلْت، الثقفي کے بارے میں بتائیے کہ ان متعلق جرح و تعدیل کے اماموں نے کیا کہا ہے؟ کیا یہ راوی ثقہ ہیں ؟ یا ضعیف ہیں؟۔۔

جزاک اللہ خیر۔

 

[کفایت اللہ]

زائدة بن قدامة الثقفي کا تعارف

آپ بخاری ومسلم سمیت کتب ستہ کے راوی اور بہت بڑے امام اور حافظ اور بالاتفاق ثقہ ہیں۔
بہت سارے محدثین نے ان کی توثیق کی ہے مثلا:

امام أبو حاتم الرازي رحمه الله (المتوفى277)نے کہا:
زائدة بن قدامة ثقة صاحب سنة
زائدہ بن قدامہ ،ثقہ اور سنت والے تھے[الجرح والتعديل لابن أبي حاتم: 3/ 613]

امام ابن سعد رحمه الله (المتوفى230)نے کہا:
كان زائدة ثقة مأمونا صاحب سنة وجماعة
زائدہ ثقہ ، مامون اور سنت والجماعت والے تھے[الطبقات الكبرى ط دار صادر 6/ 378]

امام ابن معين رحمه الله (المتوفى233)نے کہا:
ثبت
آپ ثبت تھے [تاريخ ابن معين، رواية الدارمي: ص: 51]

ان محدثین کے علاوہ اور بھی بہت سارے محدثین نے ان کی توثیق کی ہے ۔حافظ ابن حجررحمہ اللہ ان کے بارے میں محدثین کے اقوال کا خلاصہ کرتے ہوئے فرماتے ہیں:
ثقة ثبت صاحب سنة
آپ ثقہ ، ثبت اور سنت والے ہیں[تقريب التهذيب لابن حجر: رقم1982]

دیکھئے ہماری کتاب انوار البدر فی وضع الیدین علی الصدر: ص62۔