- شمولیت
- مارچ 07، 2012
- پیغامات
- 670
- ری ایکشن اسکور
- 742
- پوائنٹ
- 301
محدث زماں علامہ محمد ناصر الدین البانی رحمہ اللّٰہ۔ ان کی ساری زندگی حدیث و سنت کی خدمت میں بسر ہوئی لیکن قرآن کریم کے ساتھ ان کا تعلق بہت ہی مضبوط تھا۔ شیخ وفیق النداف کا بیان ہے کہ ایک دن میں چند دوستوں کے ہم راہ شیخ البانی رحمہ اللّٰہ کی خدمت میں حاضر ہوا تو دیکھا کہ شیخ ریڈیو پر قرآن مجید کی تلاوت سماعت کر رہے ہیں اور آنکھوں سے آنسو رواں ہیں، گرنے کی شدت سے چہرہ سرخ ہو گیا ہے اور ہچکیاں بندھ گئی ہیں۔ کچھ دیر بعد طبیعت سنبھلی تو ہمارے ساتھ بات چیت کی۔ واپسی پر ہم نے شیخ مرحوم کی اہلیہ محترمہ ام الفضل سے اس کے متعلق پوچھا تو وہ کہنے لگیں کہ زمانہ ہوا شیخ کا یہی حال ہے، جب جب تلاوت سنتے ہیں تو ضبط نہیں کر پاتے اور آنکھوں سے آنسوؤں کی جھڑی لگ جاتی ہے اور پہروں تلاوت سن کر روتے رہتے ہیں-