سناتا ہے کوئی بھولی کہانی

[ساجد تاج]

سناتا ہے کوئی بھولی کہانی​

سناتا ہے کوئی بھولی کہانی
مہکتے میٹھے دریاوں کا پانی

یہاں جنگل تھے آبادی سے پہلے
سنا ہے میں نے لوگوںکی زبانی

یہاں اک شہر تھا شہرِ نگاراں
نہ چھوڑی وقت نے اس کی نشانی

تصور نے اسے دیکھا ہے اکثر
خرد کہتی ہے جس کو لا مکانی

خیالوں ہی میںاکثر بیٹھے بیٹھے
بسا لیتا ہوں اک دنیا سہانی​

 

[محمد آصف مغل]

مرکزی خیال یہ ہے کہ دنیا کی ہر چیز کوزوال اور فنا ہے۔ لہذا آخرت کو دنیاوی اُمور پر ترجیح دینی چاہیئے۔

 

[محمد ارسلان]

شکریہ

 

[عابدالرحمٰن]

ابھی تو ہر گھڑی، اندیشہ موت آنی ہے
سبھی کچھ ہے یہاں پھر بھی، یہ دنیا دارِ فانی ہے۔
اور ملاحظہ فرمائیں:
یہ دنیا آخر فانی ہے اور اس کو ختم بھی ہونا ہے
پراس کی محبت کیا کہئے اس پر میرا بچھونا ہے
جب آئے تھے اس بستی میںتو دھاڑیں مار کر روئے تھے
اب جائیں گے جب ہم یاروتو پھر تم سب کو رونا ہے
اس جبر کی دنیا میں ہم نے جائز بھی کی ناجائز بھی
اب وقت سفر جو ہےآیا،جو پایا تھا سو کھونا ہے
جب چاہااس کو توڑدیا،جب چاہاپھر سےجوڑدیا
شیشے کاہویاپتھرکا،میرا دل تو ایک کھلونا ہے
ہم لاکھ چالاک ہیںیارو پر قسمت کی خوبی کیا کہئے
ہم جوکچھ کوشش بھی کرلیں،جو ہونا ہے سو ہونا ہے
ہم رازؔ ہوئے دیوانے ہیں ہمیں عقل وخرد سے کیا حاصل
دنیا نے چھینے ہوش میرے ،مدہوش اسے بھی ہونا ہے
شکریہ!