سیدہ عائشہ صدیقہ

[makki pakistani]

ھوں میرے ماں باپ قرباں اس مقدس نام پر
عائشہ کے سینکڑوں احسان ھیں اسلام پر

جس کی عفت کی گواہی دی کلام اللہ نے
جس کی غیرت کے نشاں ھیں دامن ایام پر

جس کو بخشا تھا پیمبر نے" حمیرا "کا لقب
مہرومہ کی رونقیں قربان اس کے نام پر

جس کے فرزندوں نے سیل بے کراں کے روپ میں
اپنی سطوت کے علم لہرائے روم و شام پر

جس پہ باندھا تھا خدا کے دشمنوں نے اتہام
آج تک انسان شرمندہ ھے اس الزام پر

سید الکونین کی سیرت کا نورانی ورق
جیسے صیقل جگمگاتی ھو دل صمصام پر

ھم گنہ گاروں کا شورش کون ھے انکے سوا
خواجہ کونین کی رحمت ھے خاص و عام پر

(شورش کشمیری )