صحابہ کے ناموں کے ساتھ رضی اللہ عنہ لکھنے کی ابتدا

[راجہ اکرام]

السلام علیکم ورحمۃ اللہ وبرکاتہ
ایک سوال کا جواب تلاش کر رہا تھا۔ اس فورم پر پہنچا۔ یہاں کے موضوعات دیکھ کر اندازہ ہوا کہ ماشاء اللہ کتاب و سنت اور تاریخ کے حوالے سے کافی کچھ دستیاب ہے۔ اور مجھے امید ہے میرے سوال کا علمی جواب مجھے مل سکے گا

سوال یہ ہے کہ ۔۔۔ صحابہ کرام رضی اللہ عنہم کے ناموں کے ساتھ "رضی اللہ عنہ" لکھنے کا باقاعدہ آغاز کب سے ہوا؟
کیا شروع سے تھا یا بعد میں "بدعت حسنۃ" کے طور پر شروع ہوا۔

امید ہے کہ علمی و تحقیقی جواب مل سکے گا۔۔ آپ سب کا شکر گزار رہوں گا

 

[انس]

کیا درج ذیل آیات کریمہ صحابہ کرام ﷢ کے متعلق نہیں ہیں؟!!
فرمان باری تعالیٰ ہے: ﴿ وَ السّٰبِقُوْنَ الْاَوَّلُوْنَ مِنَ الْمُهٰجِرِيْنَ وَ الْاَنْصَارِ وَ الَّذِيْنَ اتَّبَعُوْهُمْ بِاِحْسَانٍ١ۙ رَّضِيَ اللّٰهُ عَنْهُمْ وَ رَضُوْا عَنْهُ وَ اَعَدَّ لَهُمْ جَنّٰتٍ تَجْرِيْ تَحْتَهَا الْاَنْهٰرُ خٰلِدِيْنَ فِيْهَاۤ اَبَدًا١ؕ ذٰلِكَ الْفَوْزُ الْعَظِيْمُ۰۰۱۰۰ ﴾ ... سورة التوبة کہ ’’اور جو مہاجرین اور انصار سابق اور مقدم ہیں اور جتنے لوگ اخلاص کے ساتھ ان کے پیرو ہیں اللہ ان سب سے راضی ہوا اور وه سب اس سے راضی ہوئے اور اللہ نے ان کے لیے ایسے باغ مہیا کر رکھے ہیں جن کے نیچے نہریں جاری ہوں گی جن میں ہمیشہ رہیں گے یہ بڑی کامیابی ہے۔‘‘
نیز فرمایا: ﴿ لَقَدْ رَضِيَ اللّٰهُ عَنِ الْمُؤْمِنِيْنَ اِذْ يُبَايِعُوْنَكَ تَحْتَ الشَّجَرَةِ فَعَلِمَ مَا فِيْ قُلُوْبِهِمْ فَاَنْزَلَ السَّكِيْنَةَ عَلَيْهِمْ وَ اَثَابَهُمْ فَتْحًا قَرِيْبًاۙ۰۰۱۸ ﴾ ... سورة الفتح کہ ’’یقیناً اللہ تعالیٰ مومنوں سے خوش ہوگیا جبکہ وه درخت تلے تجھ سے بیعت کر رہے تھے۔ ان کے دلوں میں جو تھا اسے اس نے معلوم کر لیا اور ان پر اطمینان نازل فرمایا اور انہیں قریب کی فتح عنایت فرمائی۔‘‘
نیز فرمایا: ﴿ لَا تَجِدُ قَوْمًا يُّؤْمِنُوْنَ بِاللّٰهِ وَ الْيَوْمِ الْاٰخِرِ يُوَآدُّوْنَ مَنْ حَآدَّ اللّٰهَ وَ رَسُوْلَهٗ وَ لَوْ كَانُوْۤا اٰبَآءَهُمْ اَوْ اَبْنَآءَهُمْ اَوْ اِخْوَانَهُمْ اَوْ عَشِيْرَتَهُمْ١ؕ اُولٰٓىِٕكَ كَتَبَ فِيْ قُلُوْبِهِمُ الْاِيْمَانَ وَ اَيَّدَهُمْ بِرُوْحٍ مِّنْهُ١ؕ وَ يُدْخِلُهُمْ جَنّٰتٍ تَجْرِيْ مِنْ تَحْتِهَا الْاَنْهٰرُ خٰلِدِيْنَ فِيْهَا١ؕ رَضِيَ اللّٰهُ عَنْهُمْ وَ رَضُوْا عَنْهُ١ؕ اُولٰٓىِٕكَ حِزْبُ اللّٰهِ١ؕ اَلَاۤ اِنَّ حِزْبَ اللّٰهِ هُمُ الْمُفْلِحُوْنَؒ۰۰۲۲ ﴾ ... سورة المجادلة کہ ’’اللہ تعالیٰ پر اور قیامت کے دن پر ایمان رکھنے والوں کو آپ اللہ اور اس کے رسول کی مخالفت کرنے والوں سے محبت رکھتے ہوئے ہرگز نہ پائیں گے گو وه ان کے باپ یا ان کے بیٹے یا ان کے بھائی یا ان کے کنبہ (قبیلے) کے (عزیز) ہی کیوں نہ ہوں۔ یہی لوگ ہیں جن کے دلوں میں اللہ تعالیٰ نے ایمان کو لکھ دیا ہے اور جن کی تائید اپنی روح سے کی ہے اور جنہیں ان جنتوں میں داخل کرے گا جن کے نیچے نہریں بہہ رہی ہیں جہاں یہ ہمیشہ رہیں گے، اللہ ان سے راضی ہے اور یہ اللہ سے خوش ہیں یہ خدائی لشکر ہے، آگاه رہو بیشک اللہ کے گروه والے ہی کامیاب لوگ ہیں۔‘‘
نیز فرمایا: ﴿ قَالَ اللّٰهُ هٰذَا يَوْمُ يَنْفَعُ الصّٰدِقِيْنَ صِدْقُهُمْ١ؕ لَهُمْ جَنّٰتٌ تَجْرِيْ مِنْ تَحْتِهَا الْاَنْهٰرُ خٰلِدِيْنَ فِيْهَاۤ اَبَدًا١ؕ رَضِيَ اللّٰهُ عَنْهُمْ وَ رَضُوْا عَنْهُ١ؕ ذٰلِكَ الْفَوْزُ الْعَظِيْمُ۰۰۱۱۹ ﴾ ... سورة المائدة کہ ’’اللہ ارشاد فرمائے گا کہ یہ وه دن ہے کہ جو لوگ سچے تھے ان کا سچا ہونا ان کے کام آئے گا ان کو باغ ملیں گے جن کے نیچے نہریں جاری ہوں گی جن میں وه ہمیشہ ہمیشہ کو رہیں گے۔ اللہ تعالیٰ ان سے راضی اور خوش اور یہ اللہ سے راضی اور خوش ہیں، یہ بڑی (بھاری) کامیابی ہے۔‘‘
جب اللہ تعالیٰ نے انہیں قرآن کریم میں رضی اللہ عنہم فرمایا تو یہ بدعت کیسے؟!!

لغوی طور پر کوئی بدعت (کوئی بھی نئی شے مثلاً جدید دور کی ایجادات وغیرہ) اچھی بھی ہو سکتی ہے اور بری بھی۔
لیکن شرعی واصطلاحی طور پر کوئی بدعت حسنہ نہیں ہو سکتی؟! فرمانِ نبویﷺ ہے: « وشر الأمور محدثاتها وكل بدعة ضلالة » ... صحيح مسلم: 867 کہ ’’بد ترین اُمور نئے گھڑے ہوئے ہیں، اور ہر بدعت گمراہی ہے۔‘‘
واللہ تعالیٰ اعلم!

 

[ابوالحسن علوی]

ما شاء اللہ انس صاحب نے واضح کر دیا ہے کہ صحابہ کے نام کے ساتھ رضی اللہ عنہم سب سے پہلے قرآن میں نازل ہوا اور سب سے پہلے قرآن میں ہی لکھا گیا ہے۔