یہ بات معلوم نہیں کہ طاہر القادری صاحب کی قوالی والی ویڈیو ان کی تقریر والی ویڈیو سے پہلے کی ہے، یا بعد کی، اگر بعد کی مان لی جائے تو پھر طاہر القادری صاحب اپنی ہی بات کے خلاف جا رہے ہیں اور یہ عمل قرآن کی رو سے سخت مذموم ہے۔ ارشاد باری تعالیٰ ہے:
يَـٰٓأَيُّهَا ٱلَّذِينَ ءَامَنُوا۟ لِمَ تَقُولُونَ مَا لَا تَفْعَلُونَ ﴿٢﴾ كَبُرَ مَقْتًا عِندَ ٱللَّهِ أَن تَقُولُوا۟ مَا لَا تَفْعَلُونَ ﴿٣﴾۔۔۔سورۃ الصف
ترجمہ: اے ایمان والو! تم وه بات کیوں کہتے ہو جو کرتے نہیں (2) تم جو کرتے نہیں اس کا کہنا اللہ تعالیٰ کو سخت ناپسند ہے (3)
نیز ارشاد باری تعالیٰ ہے:
أَتَأْمُرُونَ ٱلنَّاسَ بِٱلْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ ٱلْكِتَـٰبَ ۚ أَفَلَا تَعْقِلُونَ ﴿٤٤﴾۔۔۔سورۃ البقرۃ
ترجمہ: کیا لوگوں کو بھلائیوں کا حکم کرتے ہو؟ اور خود اپنے آپ کو بھول جاتے ہو باوجودیکہ تم کتاب پڑھتے ہو، کیا اتنی بھی تم میں سمجھ نہیں؟
دوسری بات جو اس ویڈیو میں ہے وہ یہ کہ طاہر القادری صاحب بھی یہ جانتے ہیں کہ غیر اللہ کو سجدہ کرنا کفر ہے، یہ حق بات وہ اچھی طرح جانتے ہیں، بلکہ مکتبہ فکر بریلویت کے اکثر علماء جانتے ہیں، لیکن وہ پبلک میں اپنی پبلسٹی اور نام نہاد عزت کی وجہ سے نہیں بتاتے ، محالہ کہیں پبلک ناراض نہ ہو جائے، ہم طاہر القادری صاحب کو دعوت دیتے ہیں کہ وہ مخلوق کی رضا کو خالق کی رضا پر ترجیح نہ دیں، بلکہ اللہ کی رضا کو اہمیت دیں اور عقیدہ توحید کو واضح بیان کریں۔ اللہ تعالیٰ انہیں ہدایت عطا فرمائے آمین