علامہ تمنا عمادی مجیبی پھلواروی

[محمد ثاقب صدیقی]

علامہ تمنا عمادی مجیبی پھلواروی

1888ء تا 1972ء
​

علامہ تمنا عمادی 1888/1305 میں پھلواری شریف پٹنہ میں پیدا ہوئے ۔ انہوں نے اپنے خانوادے کے علماء سے کسب علم کیا ۔ ان کا آبائی تعلق جس خاندان سے تھا وہ تصوف سے وابستہ تھا تاہم علامہ تمنا عمادی نے کسب علم کے بعد جوانی ہی میں تصوف اور اس کے تمام مراسم کو ترک کردیا ۔ ان کے خیال میں موجودہ تصوف کا اسلام سے کوئی تعلق نہیں بلکہ یہ سراسر ضلالت و گمراہی ہے ۔
علامہ تمنا کی بلند ادیب و شاعر بھی تھے ۔ انہیں اردو ، عربی اور فارسی پر یکساں عبور حاصل تھا ۔ وہ ان تینوں زبانوں میں شاعری کرتے تھے اور تینوں زبانوں کے صاحب دیوان شاعر تھے ۔
ان کی علمی زندگی بڑی متنازعہ تھی ۔ ان کی زندگی میں بڑے فکری انقلابات آئے ۔ عام طور پر انہیں لوگ منکر حجیت حدیث سمجھتے ہیں تاہم یہ خیال درست نہیں ۔ انما الاعتبار بالخواتیم کا اصول پیش نظر رہے ۔ انہوں نے آخری عمر میں حدیث کی حجیت کو تسلیم کر لیا تھا ۔
علامہ تمنا عمادی نے متعدد کتابیں لکھیں ۔ ان کی مشہور کتابوں میں
’’ الطلاق المرتٰن ‘‘
’’ امام زہری ‘‘
’’ امام طبری ‘‘
’’ انتظار مہدی و مسیح ‘‘
’’ کلالہ ‘‘
’’ القصیدۃ الزہرا ‘‘
وغیرہا شامل ہیں ۔
کتابی سلسلے ’’ الانتقاد ‘‘ کا دوسرا شمارہ خاص علامہ تمنا عمادی مجیبی پھلواروی پر نکالا جارہا ہے ۔ اس میں ان کے فکری انقلابات کے تاریخی تسلسل کو بیان کیا گیا ہے ۔
علامہ تمنا عمادی مجیبی پھلواروی اپنے ایک مضمون میں فرماتے ہیں :

’’ اللہ کی کتاب اور محمد رسول اللہ و الذین معہ یہی تین ذریعے ہیں ہدایت کے ۔ یہ تینوں ایک دوسرے سے الگ نہیں ہوسکتے اور نہ کوئی ان تینوں میں سے کسی ایک کو بھی چھوڑ کر راہ ہدایت پاسکتا ہے ۔ ‘‘​

بحوالہ علامہ تمنا کا مضمون ’’ کتاب اللہ ، محمد رسول اللہ و الذین معہ ‘‘ مشمولہ ’’ نقوش ‘‘ رسول نمبر جلد اول صفحہ 358 دسمبر 1982ء

 

[ابن بشیر الحسینوی]

تمنا عمادی کے متعلق یہ مضمون ان کےحالات پر ہے
کیاوہ منکرین حدیث تھے ؟
کیا وہ خطرناک نظریات کے حامل شخص تھے ان پہلووں کی وضاحت ضروری ہے ؟

 

[محمد ثاقب صدیقی]

تمنا عمادی بلاشبہ منکر حدیث رہے ہیں ان کے نظریات انتہائی حد تک گمراہ کن بھی رہے ہیں لیکن آخری عہد میں انہوں نے اپنے بہت سے خیالات سے رجوع فرمالیا تھا ۔ اگر ایک زمانے میں انہوں مثلہ و معہ والی حدیث کو موضوع و مکذوب قرار دیا تو +خری عہد میں اس کی تلافی ’’ وحی متلو و غیر متلو قرآنی تقسیم ہے ‘‘ لکھ کر کی ۔ ’’ الانتقاد ‘‘ کا اگلا شمارہ تیار ہوچکا ہے اس میں ان کا یہ مضمون شامل ہے ۔

 

[ابو تراب]

علامہ اگر پرویزی(منکر حدیث) نہ تھے تو منکرین حدیث نے اپنی [LINK=http://www.aboutquran.com/ba/ba.htm]سائٹ[/LINK] پر ان کی کتب اپلوڈ کی ہوئی ہیں، رہنمائی فرمائیں کہ ان کی کتب پڑھ سکتے ہیں؟؟

 

[ابو مریم]

تمنا عمادی کی کتاب امام زہری کا تفصیلی رد مولانا اسماعیل سلفی رحمہ اللہ نے اور مولانا عبداللہ فیصل آبادی نے کیا ہے . دیکھیں مقالات حدیث از مولانا محمد اسماعیل سلفی رحمہ اللہ(ص: 297)
اسی طرح تمنا عمادی کے حدیث افک پر اعتراضات کا بھی جواب مقالات حدیث میں شامل ہے.

 

[ابوالحسن علوی]

اگر تو علامہ تمنا عمادی نے امام زہری اور امام ابن جریر طبری رحمہما اللہ کے خلاف جو ہرزہ سرائی اپنی کتابوں میں کی ہے، اپنی ان تحریروں سے رجوع کر لیا تھا تو ان کا رجوع ثابت ہوتا ہے ورنہ حدیث و سنت کو حجت کہنے والے تو فراہی، اصلاحی، غامدی، وحید الدین خان، الطاف احمد اعظمی اور اس طرح کی ایک لمبی چوڑی مفکرین و متجددین کی فہرست ہے جو حدیث و سنت کو حجت مانتے ہیں اور ان کا یہ حجت ماننا ایک خاص معنی میں ہوتا ہے۔

 

[محمد ثاقب صدیقی]

اس لنک کو ملاحظہ فرمائیں

Tammana Amadi