علم النحو

[عبد الرشید]

کتاب کا نام

علم النحو

مصنف

مشتاق احمدچرتھاولی

ناشر

دارالکتب السلفیۃ

​

تبصرہ

جب اسلام کی دعوت جزیرۃ العرب سے نکل کر باقی دنیا میں پھیلی اور کثیر آبادی اسلام کے سایہ امن و عاطفت میں آئی تو قرآن مجید کا سمجھنا، حدیث سے واقف ہونا، نت نئے مسائل کا استنباط کرنا اور بدلتے ہوئے حالات میں اسلام کی ترجمانی اور مسلمانوں کی رہنمائی کا فرض انجام دینا علمائے کرام کے لیے فرض لازم ٹھیرا۔ اس کے لیے نہ ترجمہ کافی تھا، نہ عربی زبان کی سرسری واقفیت کام دے سکتی تھی بلکہ اس سے ایسی گہری فنی واقفیت ضروری تھی جس کی بدولت غلطی کا امکان کم سے کم اور کتاب وسنت کے علم و فہم اور صحیح ترجمانی کی زیادہ سے زیادہ صلاحیت پیدا ہو، اس مقصد کے تحت عربی کے قواعد و ضوابط پر کامل عبور شرط لازم کی حیثیت رکھتا تھا۔ یہی وہ مرحلہ تھا جب صرف و نحو کی تدوین اور اس سلسلے میں کتابوں کی تصنیف کی ضرورت پیش آئی۔ اس سلسلہ میں جہاں عربی علما نے بہت سی قیمتی تصنیف فرمائی وہیں عجمی علما بھی ان سے کسی طور پیچھے نہیں رہے اور صرف و نحو کے قواعد پر مشتمل بیش بہا کتب تحریر فرمائیں۔ زیر نظر کتاب ’علم النحو‘ بھی اس سلسلہ کی ایک اہم کتاب ہے جو مدارس کی ابتدائی کلاسوں کے طلبہ کے لیے خاصے کی چیز ہے۔ اور اکثر پاکستانی مدارس میں طلبہ کو یہی کتاب سبقاً پڑھائی جاتی ہے۔ کتاب کے مصنف مولانا مشتاق احمد چرتھاولی ہیں جنھوں نے نہایت آسان انداز میں قواعد نحو کو ترتیب دیا ہے۔ یہ کتاب بہت سالوں قبل لکھی گئی اس لیے اس کا اسلوب بھی خاصا پرانا ہوچکا ہے۔ دور جدید کے علما نے علم نحو و صرف پر جدید انداز میں کتب تالیف فرمائی ہیں جن کی اہمیت و افادیت اس کتاب سے بھی بڑھ کر ہے۔(ع۔م)
اس کتاب علم النحو کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[عبد الرشید]

فہرست مضامین
کلمہ وکلام
جملہ کے ذاتی وصفاتی اقسام
علامات اسم
معرب ومبنی
اسم غیر متمکن کی اقسام
اسم منسوب
اسم تصغیر
معرفہ ونکرہ
مذکر ومونث
واحد تثنیہ جمع
منصرف وغیر منصرف
مرفوعات
منصوبات
اقسام اعراب مستثنیٰ

 

[حافظ عبدالوھاب]

علم النحو پر تبصرہ

السلام علیکم ورحمۃہ اللہ وبرکاتہ
بھائی جان گزارش ہے کہ علم النحو مکمل نہیں ہے۔، برائے مہربانی مکمل علم النحو ڈاون لوڈ کر دیں۔ اللہ اپ کو جزائے خیر عطا فرمائے۔ امین۔

 

[عبد الحنان کیلانی]

السلام علیکم بھائی جان اکثر کتابوں میں شکایت پیدا ہوتی رہتی ہے محترم ایڈمن سے گزراش ہے کہ اس پر خصوصی توجہ دیں اور کوئی ایسا ضابطہ بنائیں جس سے پوری کتاب کی پہلے اچھی طرح تسلی ہو جایا کرے۔ اب ہم چند دوست ایمرجنسی کی صورت میں علم النحو دیکھنے لگے تھے اس میں مطلوبہ صفحات تو کیا بلکہ آدھی کتاب ہی غائب ہے۔ اور اسی طرح ایک عرصہ ہوا ادارہ کی توجہ مبذول کروائی تھی کہ القاموس الوحید اردو سے عربی والی کا ٹائٹل تو ہے لیکن اندر عربی سے اردو والی ہی ہے۔ ازارہ کرم کتاب کی اپلوڈنگ سے پہلے پوری چیکنگ کا کوئی بہتر نظام بنائیں۔

 

[محمد نعیم یونس]

السلام علیکم ورحمۃ اللہ!
محترم شیخ @حافظ اختر علی صاحب!
کتاب میں صرف پہلے بتیس صفحات ہیں اور لنک بھی درست نہیں۔۔
جزاک اللہ خیرا!

 

[حافظ اختر علی]

السلام علیکم بھائی جان اکثر کتابوں میں شکایت پیدا ہوتی رہتی ہے محترم ایڈمن سے گزراش ہے کہ اس پر خصوصی توجہ دیں اور کوئی ایسا ضابطہ بنائیں جس سے پوری کتاب کی پہلے اچھی طرح تسلی ہو جایا کرے۔ اب ہم چند دوست ایمرجنسی کی صورت میں علم النحو دیکھنے لگے تھے اس میں مطلوبہ صفحات تو کیا بلکہ آدھی کتاب ہی غائب ہے۔ اور اسی طرح ایک عرصہ ہوا ادارہ کی توجہ مبذول کروائی تھی کہ القاموس الوحید اردو سے عربی والی کا ٹائٹل تو ہے لیکن اندر عربی سے اردو والی ہی ہے۔ ازارہ کرم کتاب کی اپلوڈنگ سے پہلے پوری چیکنگ کا کوئی بہتر نظام بنائیں۔

وعلیکم السلام ورحمۃ اللہ وبرکاتہ! محترم کیلانی صاحب ضابطہ تو الحمد للہ بڑا بہترین موجود ہے بعض اوقات بشری کوتاہی غالب ہو جاتی ہے۔اس لیے تکلیف پر معذرت خواہ ہیں اور جلد ہی اس کو ٹھیک کر کے دوبارہ اپ لوڈ کر دیا جائے گا۔ ان شاء اللہ