انٹرویو محترم عامر صاحب( Aamir)

[Aamir]

9۔انٹرنیٹ کی دنیا سے کب متعارف ہوئے ؟ اور اس پر دینی کام کرنے کا رجحان کیسے پیدا ہوا ؟

یوں سمجھ لیجئے کہ جب سے انٹرنیٹ کی دنیا میں آیا ہوں جب سے ہی یہ احساس ہوا کہ ہماری زندگی کا مقصد کیا ہے، ایک روز کی بات ہے کہ میں اور میرا دوست ہم دونوں نے ایک ایسی سائٹ بنانے کی سوچی جہاں صرف اور صرف فلمی گانے اور موسیقی کو رکھا جائے، ہم لوگ روز نئے گانے اور طرح طرح کی موسیقی کو عام کرنے کا کام کرتے تھے، خیر ایک دن میرا دوست آیا اور کہنے لگا بھائی ایک ایسا اذان کا سوفٹویر لایا ہوں جو ہمیں نماز کا ٹائم بتاتا ہے، میں نے انسٹال کیا اور الگ الگ آواز میں اذان سننے لگا، تو میرا دوست مجھ پر غصہ ہو گیا اور کہنے لگا اگر تجھے کوئی آواز پسند نہیں ہے تو دوسری اذان اس وقت تک مت سن جب تک پہلی والی ختم نا ہو جائے، میں نے کہا یہ فتویٰ تونے کہاں سے لے لیا؟ خیر وہ تو بریلوی تھا اور بریلوی اس طرح کی چیزوں پر تو اڑ ہی جاتے ہے، پھر ہم دونوں نے سوچا کیوں نا اس مسلہ کا جواب کسی اسلامک سائٹ سے لیا جائے،،،، خیر مجھے اس مسلہ کا کوئی جواب نیٹ سے نا مل سکا لیکن ایک اسلامک سائٹ جو کہ اہل حدیث کی تھی وہاں پہنچ گیا اور وہاں ہر روز دس فتووں کا جواب دیا جاتا تھا، جب میں نے دیکھا کہ موسیقی سننا کتنا بڑا گناہ ہے تو میں اگلے روز میرے دوست کے پاس گیا اور میں نے کہا کہ ہم نے جو ویبسائٹ بنائی تھی موسیقی والی وہ کسی copyright کی وجہ سے بند کر دی گئی ہے، اصل میں اس سائٹ کی تمام پوسٹ میں نے ہی ڈیلیٹ کر دیا تھا اور ساتھ میں مکمل طریقے سے سائٹ ہی ڈیلیٹ کر دیا، اس کے بعد میں نے میرے دوست سے کہا کہ جانتے ہو اگر ہم قبر میں گئے اور ہماری ویبسائٹ سے کسی نے کوئی گانا وغیرہ ڈاونلوڈ کیا تو کیا ہوگا؟؟ اس نے کہا ہم پر عذاب اسی وقت اور تیز ہو جائے گا، میں نے کہا کیوں نا کوئی اسلامک سائٹ بنائی جائے تاکہ ہمارے مرنے کے بعد قبر میں جب ہم پڑے رہے تو کوئی الله کا بندہ کوئی اسلامک چیز ہی ڈاونلوڈ کر لے اس سے شاید ہمارا عذاب کچھ دیر کے لیے روک دیا جائے! اس نے کہا ٹھیک ہے اب سے ہم دین ہی کا کام کریں گے، پھر ہم نے مل کر ایک سادہ سا بلوگ بنایا، جو آپ یہاں دیکھ سکتے ہے، یہ میرا پہلا بلاگ تھا جسے آپ دیکھتے ہی سمجھ جائے گے کی ہمیں کچھ نہیں آتا تھا،، (ابتسامہ)
ایک روز کی بات ہے کہ میں اور میرا دوست اسلامک سائٹ پر اپنا علم بڑھانے کی کوشش کر رہے تھے تبھی ہمیں ایک عنوان دیکھنے کو ملا "غریبوں کا حج" خیر ہم نے کلک کیا تو شیخ توصیف الرحمٰن صاحب کی وڈیو شروع ہو گئی ، ہم نے جب مکمل وڈیو دیکھ لیا تو میرا دوست کہنے لگا یار ہم (بریلوی) واقعی دین کے بہت بڑے دشمن ہے، اسی دن سے میرا دوست بریلوی سے دیوبندی بن گیا اس وقت میں بھی دیوبندی ہی تھا ، مجھے ایسا لگتا تھا کہ اہل حدیث گمراہ فرقہ ہے جو نماز بھی صحیح سے نہیں پڑھ پاتا ہے، نماز میں زور سے آمین کہنا ہاتھ سینے پر باندھنا وغیرہ سن کر ہی ہم لال پیلے ہو جاتے تھے، ایک دن میں ایک اہل حدیث سائٹ پر گیا اور وہاں انہوں نے نماز کے ارکان پر کچھ چھوٹے چھوٹے پوسٹر بنا رکھے تھے میں نے رفع الیدین والی حدیث پڑھی اور حوالہ دیکھا تو صحیح بخاری کا لکھا تھا، میں نے سوچا کیوں نہ اس حدیث کی جانچ کی جائے میں حوالہ لیا اور میں نے اس حوالے کو مختصر صحیح بخاری میں تلاش کرنا شروع کیا تو پتا چلا کہ یہ حدیث تو پی ڈی ایف والی فائل میں موجود ہی نہیں تھی، مجھے بہت غصہ آیا میں نے فورا اس ویبسائٹ پر جاکر انکو پیغام بھیجا کہ آپ لوگ لوگوں کو گمراہ کر رہے ہو آپ لوگ جو حدیث اپنی ویبسائٹ پر لگا رہے ہو اصل میں تو وہ حدیث پی ڈی ایف میں موجود ہی نہیں ہے ، اگلے روز جواب آیا اور انہوں نے پوچھا آپ کونسی کتاب میں تلاش کر رہے ہو میں نے کہا "مختصر" والی کتاب میں، پھر انہوں نے مجھے پیار سے سمجھایا کہ اصل حوالہ آپ کو مکمل صحیح بخاری میں مل جائے گا اور انہوں نے مجھے داود راز صاحب والی ٨ جلدوں کے لنک بھیج دیے، جس میں رفع الیدین اور دوسرے اختلافی مسائل کے حوالے موجود تھے، تو مجھے ایک بات سمجھ آ گئی کہ یہ فرقہ گمراہ نہیں ہے، پھر اس کے بعد میں آہستہ آہستہ اہل حدیث بن گیا اور اسی دوران میں اس بلاگ کی تکمیل بھی مکمل کر لیا، میرا دوست مجھ سے کافی خفا ہے آج بھی کہ میں نے اب تک ایک اہل حدیث بلاگ پر کام جاری رکھا ہوا ہے، خیر کہانی بہت لمبی ہے میرے دینی سفر کا جواب کے لیے اتنا ہی کافی ہوگا،
اگر انٹرنیٹ کی دنیا پر سب سے بڑی کامیابی کی بات کی جائے تو یہی ذہن میں آتا ہے کہ اب تک میرے بلاگ سے تین لوگ اسلام قبول کر چکے ہیں ، ابھی دو مہینے پہلے ہی مجھے فیس بک پر ایک انگلش اسلامی ویبسائٹ کے ایڈمن نے سلام کہا اور کہا کہ آپ کے شہر احمدآباد میں ایک شیعہ مسلمان ہونا چاہتا ہے خیر وہاں جاکر اپنے گروپ کے کچھ علماء سے ملا دیا جس کے بعد وہ اب سنی ہو چکا ہے الحمد للہ ،سچ کہوں تو میرا پلان تو یہی تھا کہ انٹرنیٹ پر صرف ایک حدیث کو زندہ کیا جائے لیکن یہ سلسلہ اب الله کی رحمت سے بہت آگے نکل چکا ہے۔

 

[Aamir]

10۔آپ کو کیا ناپسند اور ناگوار گزرتا ہے؟ کسی بھی حوالے سے بتا سکتے ہیں۔

سب سے بری چیز جو مجھے نظر آتی ہے وہ ہے طعنہ دینا ، جب کوئی مجھے طعنہ دیتا ہے تو میں اس کا جواب نہیں دیتا، لیکن مجھے یہ بہت برا لگتا ہے، میں کبھی کسی کو طعنہ نہیں دیتا بلکہ صبر کر لیتا ہوں یا اندر ہی اندر اپنے آپ کو کوستا ہوں، اگر سامنے والے کی بھی غلطی ہوئی تو میں اسے پرانی باتیں یاد کر ا کر طعنہ نہیں دیتا، لیکن میں نے اس فورم پر کئی بار دوسرے مسلک کے لوگوں کو طعنہ دیا ہے شاید جذباتی ہو کر یا جان بوجھ کر الله معاف کرے آمین

 

[Aamir]

11۔ ایسا کون سا کام ہےجس کو سرانجام دیکر آپ کو قلبی مسرت ہوتی ہے؟

دوسروں کی مدد کر کے، سب سے زیادہ سکون اس وقت ملتا ہے جب میں کوئی اہم اسلامی کام کو جو بہت مشکل ہوتا ہے اسے کرتا ہوں تو بہت اچھا لگتا ہے، میں زیادہ دین کی سمجھ تو نہیں رکھتا ہوں اور اسی وجہ سے میرے سامنے کئی مسائل ہوتے ہیں ، میں یہی سوچتا ہوں کہ اگر مجھے اتنی مشکلات ہوتی ہے تو دوسرے کو بھی ہوتی ہوگی، اس لیے عام اور خاص لوگوں کے لیے دین میں کیا آسانیاں ہو سکتی ہے اس پر کام کرتے رہتا ہوں، میں دین کا کام دکھاوے کے لیے نہیں کرتا اگر دین کےمعاملے میں کوئی مجھ سے آگے بڑھتا ہے تو اسے دیکھ میں پیچھے ہٹ جاتا ہوں میں اس کا مقابلہ نہیں کرتا، کیونکہ میں اگر دوسروں کی دیکھا دیکھ کام کرتا ہوں تو مجھے عجیب سا لگتا ہے کہ یہ کام میں محض دوسروں کو ہرانے کے لیے کر رہا ہوں، میں یہی سوچتا ہوں کہ کام الله کی رضا کے لئے کیا جائے اگر دکھاوے کے لئے کروں تو اس دن بہت بے چین ہو جاتا ہوں، کیونکہ ایک حدیث میں میں نے پڑھا ہے کہ دوسرو کو دیکھ کر نماز میں رکوع یا سجدے لمبے کرنا نہیں چاہیے ٹھیک اسی طرح کوئی بھی نیک کام کسی کو خوش یا دکھلاوے کے لئے کرنا میں گناہ سمجھتا ہوں . فرض نماز کے بعد کافی دیر بیٹھا رہتا ہوں جب سب لوگ چلے جاتے ہیں پھر میں اکیلے مسجد میں نماز پڑھتا ہوں تاکہ مجھے یہ محسوس نا ہو کہ کوئی مجھے دیکھ رہا ہے اور ایسے وقت میں نماز کافی اطمینان سے ادا کرتا ہوں، اس فورم پر پہلے میرے اندر ایک بھوک تھی کہ میں پوسٹ کرنے میں نمبر ون رہوں لیکن اب اس قسم کا ارادہ آتے ہی اس دن کوئی کام نہیں کرتا،
جب کوئی فقیر دروازے پر آتا ہے اور اس کے پاس کوئی بچہ ہوتا ہے جو میرے بچوں کی عمر کا ہوتا ہے تو میں اسے کافی دیر تک دیکھتا رہتا ہوں اور زیادہ سے زیادہ مدد کرتا ہوں ، مجھے ایسا لگتا ہے اس بچے کا کیا قصور جو یہ بھی بھیک مانگ رہا ہے اور جب اپنے بچوں کو دیکھتا ہوں تو الله کا شکر ادا کرتا ہوں، لیکن بہت دیر تک اس بچے کے بارے میں سوچتا رہتا ہوں اور اس طرح کے بچوں کی تھوڑی زیادہ مدد کر کے بہت ہی زیادہ سکون ملتا ہے.

 

[اخت ولید]

وعلیکم السلام ورحمۃ اللہ وبرکاتہ

سچ کہوں تو میرا پلان تو یہی تھا کہ انٹرنیٹ پر صرف ایک حدیث کو زندہ کیا جائے

محترم بھائی!اس حدیث کے متعلق بتائیں گے کہ وہ کون سی واحد حدیث تھی؟

انڈیا میں حکومت کی طرف سےاسلام کو سرپرستی حاصل نہیں ہے(دیگر اسلامی ممالک میں کچھ زیادہ کچھ کم۔۔جو بھی ہے۔۔کسی نہ کسی سطح پر تھوڑی بہت سرپرستی حاصل ہے)اس ضمن میں وہاں کی نئی نسل میں اسلام کی سرپرستی کا ذمہ داریا انہیں اس کا علم کون دیتا ہے؟والدین؟معاشرے کے دیگر مسلمان ؟اسلامی ادارے ؟ یا از خود؟نئی نسل اسلام کو مذہب کے طور پر لے کر چلتی ہے یا روایت کے طور پر؟

 

[Aamir]

وعلیکم السلام ورحمۃ اللہ وبرکاتہ

محترم بھائی!اس حدیث کے متعلق بتائیں گے کہ وہ کون سی واحد حدیث تھی؟

انڈیا میں حکومت کی طرف سےاسلام کو سرپرستی حاصل نہیں ہے(دیگر اسلامی ممالک میں کچھ زیادہ کچھ کم۔۔جو بھی ہے۔۔کسی نہ کسی سطح پر تھوڑی بہت سرپرستی حاصل ہے)اس ضمن میں وہاں کی نئی نسل میں اسلام کی سرپرستی کا ذمہ داریا انہیں اس کا علم کون دیتا ہے؟والدین؟معاشرے کے دیگر مسلمان ؟اسلامی ادارے ؟ یا از خود؟نئی نسل اسلام کو مذہب کے طور پر لے کر چلتی ہے یا روایت کے طور پر؟

میں آپ کا مطلب سمجھ گیا، میرا مطلب تھا سنت کو زندہ کرنا بھول سے حدیث لفظ لکھ دیا، لیکن اس بارے میں بھی شاید کچھ پڑھا تھا کہ یہ حدیث ضعیف ہے وغیرہ،،، اس پر علماء اپنی رائے ضرور دیں،
انڈیا میں اسلام ہی کو نہیں بلکہ دوسرے مذہب کو بھی سرپرستی حاصل نہیں ہے۔ ہماری نسلوں کو اسلامی تعلیمات اسی طرح کی جاتی ہے جس طرح دوسرے ملکوں میں، یہاں مدرسوں سے لیکر کئی اسلامک یونیورسٹی موجود ہے ، اگر اسلام پر کسی کی بندش ہوتی تو آج یہ سب نہیں ہوتا۔

نئی نسل اسلام کو مذہب کے طور پر لے کر چلتی ہے یا روایت کے طور پر؟

نئی نسل اسلام کو اسی طرح لیکر چلنا چاہتی ہے جس طرح شریعت کا حق ہے۔لیکن آپ تو جانتی ہی ہے کہ اسلام کے ٹھیکیدار ہر جگہ موجود ہے

 

[Aamir]

12۔فرصت اور پریشان کن لمحات کن امور پر صرف کرتے ہیں؟ آپ کے روز مرہ کے مشاغل کیا ہیں؟

فرصت کے لمحوں میں میں آرام کرنا بہتر سمجھتا ہوں، لیکن وہ شاید اب میسر نہیں ہوتا، گھر پر بیوی کو اگر پورا سال بھی سیر کرائی جائے تو وہ یہی کہتی ہے کہ بہت دنوں سے کہیں نہیں گھمایا ، اور پھر سب سے زیادہ گھبراہٹ بھی اسی وقت ہو جاتی ہے جب بیوی یہ بات بار بار دہراتی رہتی ہے،
میرے روز مرہ کے مشاغل کچھ یوں ہے : صبح فجر سے آدھا گھنٹہ پہلے اٹھ جاتا ہوں اور نماز سے پہلے ہی غسل کرتا ہوں، میں کبھی بھی پوری طرح تیار ہوئے بنا گھر سے نہیں نکلتا، پھر نماز کے بعد گھر واپسی پر الله جو میسر کرتا ہے اسے کھا لیتا ہوں، پھر ساڑھے سات بجے آفس کے لئے نکل جاتا ہوں آفس جانے کا راستہ ہی ٢٠ منٹ کا ہے اسی لئے جلدی گھر سے نکل جاتا ہوں تاکہ ٹریفک وغیرہ کا سامنا نہ کرنا پڑے، صبح آفس آتے ہی سب سے پہلے محدث فورم اور ای میل وغیرہ چیک کرتا ہوں ، اس کے بعد آفس کا کام کرتا ہوں جو بھی مشینیں بند ہوتی ہے ان پر کام شروع کر دیتا ہوں، اس کے بعد باری آتی ہے گاہکو کی جنہیں جو بھی ڈیزائننگ وغیرہ کا کام ہوتا ہے وہ ڈیزائن بنواتے ہے، دوپہر بارہ بجے تک کافی تھک جاتا ہوں پھر باری آتی ہے ایک بار پھر مشین پر کام کرنے کی تو شام تک وہی کام جاری رہتا ہے اسی دوران آف لائن بھی رہتا ہوں اور بہت سے کام کمپیوٹر پر آف لائن کرتا ہوں. اور انہی کاموں کے درمیان نماز بھی ہو جاتی ہے، اسی طرح سارا دن کافی تھکن بھرا ہوتا ہے.

 

[Aamir]

13-آپ کی زندگی کا مقصد کیا ہے؟

میری کافی زندگی یوں ہی بیکار جاتی رہی، اب کوشش یہی رہتی ہے کہ سب کچھ بہتر کروں، جو نمازیں اور روزے چھوٹ گئے ہیں انکی قضا کرتا ہوں، ہفتے میں ایک روزہ کی قضا ادا کرتا ہوں اور اسی طرح نماز کی بھی قضا ادا کرتا ہوں ، ابھی دعوت کے میدان میں کچھ ایسا کرنے کا ارادہ ہے جسکا ثواب میرے والدین کو پہنچے، جب بھی کوئی نیک کام کرتا ہوں تو الله سے دعا کر لیتا ہوں کہ یہ کام کا ثواب میرے والدین کو حیاتی اور مرنے کے بعد پہنچتا رہے، اپنے لئے کم ہی مانگتا ہوں کیونکہ الله تو ہے ہی مہربان اور میرا گمان بھی یہی ہے کہ الله ان سب کاموں کا بدلہ میرے والدین کے ساتھ مجھے بھی دیگا ان شاء الله، سوچتا تو یہی ہوں کہ الله کی مرضی کے مطابق زندگی بسر کروں لیکن گناہ ہو ہی جاتے ہیں استغفر الله ،،،

 

[Aamir]

14-۔وہ کون سی ایسی خواہش یا خواب ہے جو اب تک پورا نہ ہو سکا؟

ا حادیث کی تمام کتابیں یونیکوڈ میں لوگوں کے لیے مہیا کرانا میری زندگی کا سب سے بڑا خواب ہے، جو اب تک پورا نہیں ہو سکا، اس پر بھی محنت جاری ہے ان شاء الله یہ دن بھی آئے گا. اور دوسرا میرے ماں باپ کو حج کروانا جو شاید اگلے سال الله نے چاہا تو ہوگا...
ایک خواب جو مجھے بچپن ہی سے ہے کہ میں ایک مسجد بنواؤ، الله نے چاہا تو یہ خواہش بھی پوری ہوگی

 

[Aamir]

15۔کس چیز سے خوف زدہ ہو جاتے ہیں؟

سب سے زیادہ خوف مجھے یہ سوچ کر ہوتا ہے کہ میرے والدین کو اگر کچھ ہو گیا تو زندگی کیسے گزریگی، ؟؟ یہ سوچ کر ہی میں مایوس ہو جاتا ہوں
دوسری خوف پیدا کرنے والی چیز میری بیٹی کی شادی ہے میں یہی سوچتا ہوں کہ میری بیٹی مجھ سے دور کیسے رہ سکتی ہے اور سب سے زیادہ پیار بھی میں اس دنیا میں میری بیٹی کو کرتا ہوں ، مستقبل کے بارے میں سوچ کر خوف زیادہ رہتا ہے، کیونکہ میں سوچتا بہت ہوں اسی لیے مستقبل تو اس سوچ میں آنالازمی ہے،
کسی دوست کے ساتھ جب اسکی گاڑی پر سوار ہوتا ہوں تو بہت ڈر لگتی ہے کہ کہیں وہ حادثہ نہ کر بیٹھے، حالانکہ وہ دوست کئی سالوں سے گاڑی چلاتا ہے پھر بھی اس چیز سے بہت خوف رہتا ہے،اور اسی طرح مکڑی سے کافی ڈر لگتا ہے، اگر مکڑی جسم کے کسی بھی حصے پر آ جائے تو میں پتلے کی طرح کھڑا رہتا ہوں کہ کہیں کاٹ نہ لے، کیونکہ مکڑی کے کاٹنے کے بعد اکثر وہاں کا حصہ بہت برے انفیکشن کا شکار ہو جاتا ہے

 

[Aamir]

16۔مستقبل میں ایسا کیا کرنا چاہتے ہیں ، جو ابھی تک نہیں کیا؟

انٹرنیٹ پر اسلامی کاموں میں مدد ہی کرنا چاہتا ہوں، اگر میں کسی کے ساتھ مل کر کچھ روز کام کر لیتا ہوں تو یہی سوچتا ہوں کہ ہم اتنے دن آگے آ گئے، میری جو بھی قابلیت ہے اسے اسلامی کاموں پر لگانا چاہتا ہوں،