مزاحیہ اشعار

[محمد آصف مغل]

انگڑائی بھی وہ لینے نہ پائے اُٹھاکے ہاتھ
دیکھا اِنہیں تو چھوڑ دیئے اد بدا کے ہاتھ​

محفل میں دیکھ کر مجھے تنہا، نہ رہ سکے
اب دور جاکے بیٹھے ہیں ، مجھ سے ملا کے ہاتھ​

​

مجھ کو خبر نہیں تھی کہ وہ "باکسر" بھی ہے
پچھتا رہا ہوں ہائے میں اس پر اٹھا کے ہاتھ​

​

کھانے کے اور ہیں وہ دِکھانے کے اور ہیں
کھا کر پتا چلا ہے اُسی بے وفا کے ہاتھ​

​

لے جاتا ہے وہ کہہ کے "یہ تحفہ ہے عید کا"
لگتی ہے جو بھی چیز مری، خانہ خراب کے ہاتھ​​

 

[محمد آصف مغل]

کالا شاہ کالا ہوئے تو کیا، گھر تو وائٹ ہاؤس ہے
اپنی قسمت پہ اوبامہ، آج نہ مسکرائیں کیوں؟

 

[محمد آصف مغل]

لاہور میں چلنے والی میٹرو بس کا آنکھوں دیکھا حال​

​

نہ گنجائش کو دیکھ اس میں نہ تو مردم شماری کر
لنگوٹی کس خدا کا نام لے گھس جا سواری کر​

​

​

عبث گننے کی یہ کوشش کہ ہیں کتنے نفوس اس میں
کہ نکلے گا ذرا تو دیکھ تیرا بھی جلوس اس میں​

 

[محمد آصف مغل]

عید کے بعد قصاب کی دکان پہ لکھے گئے اشعار

ہو گئی قورمے اور قلیے سے خالی دنیا​​

رہ گئی مرغ پلاؤ کی خیالی دنیا​​

​​

گوشت رخصت ہوا دالوں نے سنبھالی دنیا​​

آج کل گھاس کی کرتی ہے جگالی دنیا​​

گوشت ملتا نہ تھا آلو کے بنائے ہیں کباب​
مرغ و ماہی ہوئے منڈی میں بھی اتنے کمیاب​​

 

[محمد آصف مغل]

​

نقش روزگار​​

​

امیر نے جو پکڑی ہے​​

کیا خوبصورت لکڑی ہے​​

لکڑی پہ جو نقاشی ہے​​

غریب نےتراشی ہے​​

امیر کی یہ سوٹی ہے​​

غریب کی یہ روٹی ہے​​

​

شاعر: فاروق قیصر​​

 

[عابدالرحمٰن]

لیجئے ملاحظہ فرمائیں:
گوشت خوری کے لیے ہند میں مشہور ہیں ہم
جب سے ہڑتال ہے قصابوں کی مجبور ہیں ہم
چار ہفتہ ہوئے قلیے سے بھی مہجور ہیں ہم
"نالہ آتا ہے اگر لب پہ تو معذور ہیں ہم"
"اَے خدا شکوہ اربابِ وفا بھی سن لے"
خوگرِ گوشت سے تھوڑا سا گلہ بھی سن لے
آگیا عین ضیافت میں اگر ذکرِ بٹیر
اٹھ گئے نیر سے ہونے بھی نا پائے تھے سیر
گھاس کھا کر کبھی جیتے ہیں نیستاں میں بھی شیر؟
تو ہی بتلا ترے بندوں میں ہے کون ایسا دلیر؟
تھی جو ہمسائے کی مرغی وہ چرائی ہم نے
نام پر تیرے چھری اس پہ چلائی ہم نے
سرِ محفل مجھے کہتے ہوئے آتا ہے حجاب
قطع گردن سے پرے ہوتی ہے تیغ قصاب
گوشت ملتا نہ تھا آلو کے بنائے ہیں کباب
مرغ و ماہی ہوئے منڈی میں بھی اتنے کمیاب
جلد پہنچا جو وہاں چل دیا مرغا لے کر
"آئے عشاق گئے وعدہ فردا لے کر"
شہر میں گوشت کی خاطر صفت جام پھرے
ہم پھرے جملہ اعزّاء پھرے خدام پھرے
جس جگہ پہنچے اسی کوچے سے ناکام پھرے
"محفل کون و مکاں میں سحر و شام پھرے"
شب میں چڑیوں کے بسیرے بھی نہ چھوڑے ہم نے
"بحرِ ظلمات میں دوڑا دیئے گھوڑے ہم نے"
ہو گئی قورمے اور قلیے سے خالی دنیا
رہ گئی مرغ پلاؤ کی خیالی دنیا
گوشت رخصت ہوا دالوں نے سنبھالی دنیا
آج کل گھاس کی کرتی ہے جگالی دنیا
"طعن اغیار ہے رسوائی ہے ناداری ہے
کیا تری دہلی میں رہنے کا عوض خواری ہے"
بشکریہ(سید محمد جعفری)

 

[محمد آصف مغل]

پنکھے کی رُکی نبض چلانے کے لیے آ
کمرے کا بجھا بلب جلانے کے لیے آ
تمہیدِ جدائی ہے اگرچہ ترا ملنا
"آ پھر سے مجھے چھوڑ کے جانے لیے آ"​

 

[محمد آصف مغل]

تیور دکاندار کے شعلے سے کم نہ تھے
لہجے میں گونجتی تھی گرانی غرور کی
گاہک سے کہہ رہا تھا، ذرا آئینہ تو دیکھ
کس منہ سے دال مانگ رہا ہےمسور کی​

 

[محمد آصف مغل]

عقد سے پہلے اگر فرمائشیں بڑھتی رہیں​
سر اٹھا کر اس جہاں سے ہر کنوارا جائے گا​​