مسجد حرام میں تصاویر کھنچوانا شرعا حرام ہے: علماء

[خضر حیات]

السلام عليكم ورحمة الله وبركاته
محترم خضر بهائی
حرم کی حد شروع ہوتے ہی بهت سارےایسے اعمال بهی ممنوع ہو جاتے ہیں جو خارج حدود حرم جائز ہوتے ہیں ۔ شاید یہ بهی ایک وجہ ہو متعدد وجوہات میں سے جن پر عام سوالات کرکے مزید معلومات جاننا چاہتے ہوں ۔ تو اس حدود خاص کو مد نظر نظر رکہنا اور ملحوظ رکہنا چاہیئے اور لوگوں تک واضح باتیں پہونچانا چاہیئے تا کہ اطمینان ہو۔
والسلام

و علیکم السلام ورحمۃ اللہ وبرکاتہ
جی بالکل آپ کی بات سے متفق ہوں ۔
لیکن جس کے نزدیک تصویر کھینچنا جائز ہے ، اور وہ یہ مشغلہ سر انجام دیتے ہوئے کسی کو زحمت یا تکلیف بھی نہیں دیتا ، اسے حرم میں تصویر کھینچنے سے صرف اس لیے منع کرنا کہ یہ حرم ہے ، سمجھ سے باہر ہے ۔ واللہ اعلم ۔
ہاں یہ ضرور ہے کہ جس کی تصویر بازی اہل حرم کے لیے دقت کا باعث بن رہی ہے ، یا حرم کے ادب و احترام میں خلل پیدا کر رہی ہے ، اسے یہ کہا جاسکتا ہے کہ ایک تو غلط کام ( لوگوں کو تکلیف ) کر رہے ہیں ، دوسرا وہ بھی حرم میں ۔
یا جن کے نزدیک تصویر حرام ہے ، وہ کہہ سکتے ہیں کہ ایک تو حرام کا ارتکاب کر رہے ہیں ، دوسرا وہ بھی حرم جیسی مقدس جگہ پر ۔
خلاصہ یہ کہ تصویر کی حلت و حرمت میں اختلاف رائے کا خیال رکھنا پڑے گا ۔
ایک اور بات ملاحظہ کریں ، اگر چند افراد حرم کے اندر نمازیوں کی گزرگاہوں میں نماز شروع کر لیتے ہیں ، گزرنے والوں کو حدیث نبوی کے عین مطابق بزور بازو روکتے بھی ہے ، نتیجتا راستے مسدود ہونے کی وجہ سے رش ہوتا ہے ، لوگوں کا سانس رکنے لگتا ہے ، بھگدڑ مچ جاتی ہے ۔۔۔ یہاں تین کام ہوئے ہیں :
نماز پڑھنا
آگے سے گزرنے والے کو روکنا
رستے بند کرنا
غلط صرف آخری کام ہے ۔ باقی دو درست ہیں ، لیکن تیسرے غلط کی وجہ سے کسی کو شبہ ہوسکتا ہے کہ شاید پہلے والے دو بھی غلط ہیں ۔