مشترکہ آمدنی پر حج اور زکوۃ کا حکم؟

[نسیم احمد]

السلام علیکم

محترم علماء کرام سے سوال یہ ہے کہ ایک شخص کے پاس گھر نہیں ہے وہ اور اس کی زوجہ دونوں جاب کرتے ہیں اور گھرخریدنے کیلئے پیسے جمع کرنا شروع کرتے ہیں اور ہر سال کچھ رقم پس انداز کر تے ہیں ۔ کیونکہ گھر کہ وجہ سے انتہائی پریشان ہیں ۔ان کو اس کام میں کئی سال کا عرصہ لگے گا۔
دونوں افراد اپنی آمدنی ملاکر گھر کا خرچہ چلاتے ہیں جو کچھ بچتا ہے اس کو محفوظ کرتے ہیں ۔یعنی محفوظ شدہ رقم میں دونوں کی مشترکہ ہے۔
اگر رقم زکوۃ کے نصاب پر پہنچ جائے تو زکوۃ فرض ہوگی ؟
اگر رقم اتنی ہوجائے کہ اس سے حج کے اخراجات ہوسکیں دونوں یا ایک کے تو کیا حج بھی فرض ہوجائے گا۔؟
@خضر حیات
@اسحاق سلفی

 

[خضر حیات]

و علیکم السلام ورحمۃ اللہ وبرکاتہ
دونوں کی آمدنی مشترکہ ہے ، اگر یہ مشترکہ آمدنی نصاب کو پہنچ جاتی ہے ، تو اسی حساب سے مشترکہ زکاۃ نکالیں گے ۔
حج کی فرضیت اس بات پر منحصر ہے کہ ان کی ضروریات کس نوعیت کی ہیں ، جس انداز سے گھر کی ضرورت کا اظہار کیا گیا ہے ، اس سے یہی محسوس ہوتا ہے کہ ایسی صورت میں جب تک ان کا گھر نہیں بن جاتا ، ان پر حج فرض نہیں ۔ واللہ اعلم ۔