مومن کبھی مایوس و ہراساں نہیں ہوتا

[ساجد]

مومن کبھی مایوس و ہراساں نہیں ہوتا

خواجہ عبد المنان رازؔ
آلام و مصائب میں پریشاں نہیں ہوتا ــــمومن کبھی مایوس و ہراساں نہیں ہوتا
ہے جُہدِ مسلسل ہی میں انسان کی عظمتــــجو ہار دے ہمت ہی وہ انساں نہیں ہوتا
اُس قوم کی قسمت میں اندھیرے ہی رہے ہیںــــجس قوم کا کردار درخشاں نہیں ہوتا
اُس شخص پہ اللہ کی رحمت نہیں ہوتیــــجو اپنے گناہوں پہ پشیماں نہیں ہوتا
دنیا میں وہی شخص ہے توقیر کے قابلِ ــــجو اپنے فرائض سے گریزاں نہیں ہوتا
کر لیتا ہے تعمیر وہ پھر اپنا نشیمنــــجو برقِ حوادث سے ہراساں نہیں ہوتا
مومن کی فتح ہوتی ہے اے رازؔ بالآخرــــجھوٹا کبھی اللہ کا پیماں نہیں ہوتا​