میرے تھریڈز شو نہیں ہو رہے

[محمد ارسلان]

السلام علیکم
جب میں اپنے تھریڈز چیک کرتا ہوں تو میرے بہت سارے تھریڈز شو نہیں ہوتے اور صرف 99 تھریڈ شو ہوتے ہیں۔اس کی کیا وجہ ہے؟

 

[شاکر]

وعلیکم السلام ورحمتہ اللہ وبرکاتہ،
ارسلان بھائی،
ہر قسم کی سرچ کے نتائج کی تعداد پر ہم نے کچھ حد لگائی ہوئی ہے۔ یہی وجہ ہے کہ آپ کے یا کسی بھی دیگر رکن کے دھاگوں کی تعداد سو سے کم ہی ظاہر ہوتی ہے۔ تکنیکی طور پر اگرچہ یہ ممکن ہے کہ ہم آپ کے پوسٹ کئے گئے دھاگوں کو ہزار یا دس ہزار کی حد دے دیں۔ لیکن ایسی صورت میں سائٹ کے ڈیٹابیس پر لوڈ بڑھ جاتا ہے۔ اور گزشتہ تین سال کے عرصہ میں ہم نے ہوسٹنگ سے متعلقہ مسائل میں جو سب سے اہم بات سیکھی ہے وہ یہ ہے کہ کسی صفحہ کے لوڈ ہونے کے لئے اگر ایک بائٹ کا اضافہ بھی کرنا پڑے تو اسے سیریس لینا چاہئے اور ہر طرح سے سوچ لینا چاہئے کہ آیا واقعی یہ اضافہ ضروری ہے یا نہیں۔ جبکہ سرچ کی صورت میں ڈیٹابیس پر سب سے زیادہ لوڈ پڑتا ہے۔ لہٰذا موجودہ کنفیگریشن میں تو سو ہی کی حد ہے۔ البتہ اب آپ نے ذکر کیا ہے تو ہم دیکھ لیتے ہیں کہ آیا یہ حد بڑھانی ممکن ہے کہ نہیں۔ اگر ممکن ہوا تو اسی دھاگہ میں اپ ڈیٹ کر دیں گے ورنہ معذرت۔

 

[محمد ارسلان]

السلام علیکم
اللہ تعالیٰ آپ کی مشکلات آسان فرمائے آمین۔