پاک فوج کے 11 اعلیٰ افسران کرپشن کے الزام میں ملازمت سے برطرف

[محمد عامر یونس]

پاک فوج کے 11 اعلیٰ افسران کرپشن کے الزام میں ملازمت سے برطرف

ویب ڈیسک 11 منٹ پہلے

برطرف کیے گئے افسران نے فرنٹیئرکانسٹیبلری میں خدمات انجام دیں۔۔ فوٹو: فائل
​

راولپنڈی: حاضر سروس لیفٹیننٹ جنرل سمیت پاک فوج کے 11 اعلیٰ افسران کرپشن کے الزام میں برطرف کردیئے گئے ہیں۔

​

ایکسپریس نیوز کے مطابق پاک فوج کے 11 اعلیٰ افسران کو کرپشن کے الزامات پر برطرف کردیا گیا ہے ، یہ برطرفیاں پاک فوج کی داخلی تحقیقات کی روشنی میں عمل میں کی گئی ہیں۔

​

برطرف کئے گئے افسران میں لیفٹیننٹ جنرل عبیداللہ خٹک اور میجرجنرل اعجاز شاہد کے علاوہ 5 بریگیڈیئرز، 3کرنل اور ایک میجر شامل ہیں۔ برطرف کیے گئے افسران نے فرنٹیئرکانسٹیبلری میں خدمات انجام دیں۔ لیفٹینننٹ جنرل عبیداللہ خان خٹک بلوچستان میں بطور آئی جی فرنٹیئر کور (ایف سی) خدمات دے چکے ہیں۔

​

واضح رہے کہ 2 روز قبل پاک فوج کے سربراہ جنرل راحیل شریف نے ملک میں ہر سطح پر احتساب لازمی قرار دیتے ہوئے کہا تھا کہ پاکستان کی سالمیت خود مختاری اور استحکام کے لئے بلا امتیاز احتساب ہونا چاہئے،کرپشن کے خاتمے تک دیرپا امن کا قیام ممکن نہیں ہے،قوم کے تعاون سے دہشتگردی اور کرپشن کا خاتمہ کرکے دم لیں گے۔