پردہ - از : سید مودودی

[باذوق]

عصر حاضر میں "اسلامی حجاب" کے موضوع پر اب تک جتنی کتابیں لکھی گئی ہیں ، سید ابوالاعلیٰ مودودی (رحمہ اللہ) کی تصنیف کردہ کتاب "پردہ" ان میں ممتاز مقام رکھتی ہے۔
کتاب "پردہ" کا دلنشین انداز بیان ، پُرزور استدلال اور حقائق سے لبریز تجزیہ اپنے اندر وہ کشش رکھتا ہے کہ کٹر سے کٹر مخالف بھی قائل ہوئے بغیر نہیں رہتا۔
یہی وجہ ہے کہ پورے عالم اسلام میں اس کتاب کو جو مقبولیت حاصل ہوئی وہ بہت کم کتابوں کو نصیب ہوئی ہے۔ مشرق وسطیٰ میں اس کا عربی ایڈیشن ہاتھوں ہاتھ لیا گیا۔ یہی حال اس کے اردو اور انگریزی ایڈیشن کا بھی ہے۔

نامور محدث علامہ ناصر الدین البانی رحمہ اللہ ، مولانا مودودی (رحمہ اللہ) کی علمیت اور ان کے کاز کا کافی احترام کرتے تھے لیکن کچھ موضوعات پر ان سے اختلاف بھی کیا ہے جن میں سے ایک "چہرے کا پردہ" بھی ہے۔ مولانا مودودی "چہرے کے پردہ" کے قائل تھے جبکہ علامہ البانی نے اس موقف سے اختلاف کیا ہے۔
اس معاملہ (چہرے کا پردہ) میں معروف سلفی اسکالر مولانا عبدالرحمٰن کیلانی نے اپنی ایک کتاب میں مولانا مودودی کی موافقت کی ہے اور علامہ البانی کے موقف کا بیشمار دلائل سے ردّ کیا ہے۔

دیباچہ
طبع اوّل​

پردے کے مسئلے پر اب سے چار سال پہلے میں نے ایک سلسلہ مضامین لکھا تھا جو "ترجمان القرآن" کے کئی نمبروں میں شائع ہوا تھا۔
اُس وقت بحث کے کئی گوشے قصداً نظرانداز کر دئے گئے تھے اور بعض کو تشنہ چھوڑ دینا پڑا تھا کیونکہ کتاب کے بجائے محض ایک مضمون ہی لکھنا مدّنظر تھا۔
اب ان اجزاء کو یکجا کر کے ضروری اضافوں اور تشریحات کے ساتھ یہ کتاب مرتب کی گئی ہے۔ اگرچہ یہ دعویٰ اب بھی نہیں کیا جا سکتا کہ یہ اس موضوع پر آخری چیز ہے۔ لیکن میں کم سے کم یہ توقع ضرور رکھتا ہوں کہ جو لوگ اس مسئلے کو واقعی سمجھنا چاہتے ہیں وہ اس میں بڑی حد تک اطمینان بخش مواد اور دلائل پائیں گے۔
وبالله التوفيق وهو المستعان

ابوالاعلیٰ
22۔ محرم 1359ھ

***
ذاتی مطالعے کے لیے ایک مخیر ادارہ کی جانب سے پ۔ڈ۔ف کتاب مفت میں دستیاب ہے۔
عنوان کتاب : پردہ
ترتیب و تدوین : سید ابوالاعلیٰ مودودی
اشاعت : جون 2003ء
پ۔ڈ۔ف فائل سائز = قریب 10 ایم۔بی
پ۔ڈ۔ف فائل صفحات = 301
ڈاؤن لوڈ لنک : پردہ از مودودی

 

[شاکر]

جزاک اللہ باذوق بھائی جان۔ تفصیلی تعارف کیلئے بہت شکریہ۔ کلیم حیدر بھائی سے گزارش ہے کہ اس کتاب کو ڈاؤن لوڈ کر کے عمران اسلم بھائی کو دکھا دیں۔ اگر کتاب کو مناسب سمجھیں تو اپنی کتب لائبریری سائٹ پر بھی اسے اپ لوڈ کر دیجئے۔

 

[انس]

جزاکم اللہ خیرا بھائی!
اسی موضوع پر معروف عالم دین الشیخ محمد بن صالح العثیمین کی کتاب بھی ہے، جس کا ترجمہ مولانا ڈاکٹر عبد الرشید اظہر صاحب نے کیا ہے، یہ کتاب ہماری ویب سائٹ میں موجود ہے، جس کا لنک http://www.kitabosunnat.com/kutub-library/article/urdu-islami-kutub/islam-ka-moasharti-nizam/85-%DA%AF%D9%88%D8%B4%D8%A6%DB%81-%D9%86%D8%B3%D9%88%D8%A7%DA%BA/542-parda.htmlہے

 

[ابوالحسن علوی]

السلام علیکم ورحمۃ اللہ وبرکاتہ
راقم نے علامہ البانی رحمہ اللہ کے دلائل کا تفصیلی جواب اپنی کتاب بعنوان ‘ چہرے کا پردہ ؛ واجب ، مستحب یا بدعت‘ میں دیا ہے۔ عنقریب اس کا پی ڈی ایف لنک ویب سائٰیٹ پر دے دیا جاءے گا۔
ابو الحسن علوی

 

[اسیر خیال]

السلام علیکم ورحمۃ اللہ وبرکاتہ
راقم نے علامہ البانی رحمہ اللہ کے دلائل کا تفصیلی جواب اپنی کتاب بعنوان ‘ چہرے کا پردہ ؛ واجب ، مستحب یا بدعت‘ میں دیا ہے۔ عنقریب اس کا پی ڈی ایف لنک ویب سائٰیٹ پر دے دیا جاءے گا۔
ابو الحسن علوی

کیا یہ کتاب اپ لوڈ کی جاچکی ہے؟
اگر ہاں تو لنک دے دیجئے۔ جزاک اللہ خیرا

 

[عبداللہ حیدر]

السلام علیکم،
میرے نانا رحمہ اللہ کہا کرتے تھے

مودودی صاحب کی کتاب "پردہ" جب میں نے پڑھی تو حیرت کے سمندر میں غرق ہو گیا، اس کتاب نے سوچ و فکر میں وہ انقلاب برپا کیا کہ چالیس برس سےاس کے زیر سایہ زندگی بسر کر رہا ہوں۔

شاید امام البانی نے اس کی احادیث کی تخریج بھی کی تھی۔ کسی کو معلوم ہو تو بتائیے۔

 

[انس]

کیا یہ کتاب اپ لوڈ کی جاچکی ہے؟
اگر ہاں تو لنک دے دیجئے۔ جزاک اللہ خیرا

چہرے کا پردہ واجب،مستحب یا بدعت؟(اپ ڈیٹ) - کتب لائبریری - کتاب و سنت کی روشنی میں لکھی جانے والی اردو اسلامی کتب کا سب سے بڑا مفت مرکز

 

[سرفراز فیضی]

مولانا عبدالمعید مدنی کا ایک قول ہمارے ادارہ کے صدر زید پٹیل صاحب نے روایت کیا ہے کہ :
اگر اللہ مولانا مودودی کی ایک خدمت پردہ قبول کرلے تو کیا معلوم ان کی نجات کے لیے کافی ہوجائے۔