کلونجی کی افادیت

[کلیم حیدر]

کلونجی کی افادیت

چہرے کی چھائیاں اور داغ دھبے دور کرتی ہے اوراس کے ساتھ ساتھ چہرے کی جھریاں ختم کرکے ہمیشہ جوان رکھتی ہے۔کمزور جسم کو طاقت ور ،صحت مند اور خوبصورت بھی بناتی ہے۔موٹاپا دور کرنے کےلیے نیم گرم پانی میں ساتھ شہد ملاکر پینے سے زائد چربی کو ختم کرتی ہے۔نہار منہ ایک گلاس نیم گرم پانی میں ملاکر پینے سے بھی جسم کی فالتو چربی گھلتی ہے۔کلونجی کا باریک سفوف کرکےاسی کے برابر چینی ملا لیں اورہر روز صبح وشام استعمال کریں اس کیساتھ کالی مرچیں بھی پانی کیساتھ پھانکتے رہیں ایک پیالی تازہ پانی میں ایک چمچ شہد اورایک لیموں کارس ملاکر صبح نہار منہ پئیں۔کلونجی خون کی کمی چہرے کی زردی اور ضعف جگر کو بھی جلا بخشتی ہے۔پرانہ نزلہ زکام کےلیے کلونجی جادوئی اثر ہے پیٹ کے درد کے ساتھ ساتھ شوگر کو کنٹرول کرنے میں بھی مددگار ثاتب ہوتی ہے۔

نوٹ
پڑھتے ہی عمل شروع نہ کردیں ۔کسی اچھے حکیم سے تصدیق ضروری ہے۔یہ نہ سوچیں کہ کلیم نے پوسٹ کردیا ہے تو درست ہی ہوگا۔

 

[Aamir]

کلیم بھائی میں نے "کلونجی کے کمالات" نامی کتاب میں پڑھا تھا کہ روزانہ ایک "ماشہ " کلونجی کھانی چاہیے، کیا آپ بتا سکتے ہے کہ اردو میں ایک ماشہ کا کیا مطلب ہوتا ہے؟؟

 

[یوسف ثانی]

حضرت ابو ہریرہرضی اللہ تعالیٰ عنہ راوی ہیں کہ نبی کریم ﷺ نے فرمایا: کلونجی میں موت کے سواہر مرض کا علاج ہے (بخاری، ابن ماجہ، مسند احمد) آپ خود بھی کلونجی کو شہد کے شربت کے ساتھ ملا کر استعمال کیا کرتے تھے۔ قدیم اطباءکلونجی اور اس کے بیجوں کے استعمال سے خوب واقف تھے۔ وہ کلونجی کے بیج کو معدے اور پیٹ کے امراض مثلاََ ریاح، گیس کا ہونا، آنتوں کا درد، نسیان، رعشہ، دماغی کمزوری، فالج اور افزائش دودھ کے لئے استعمال کراتے تھے۔
کلونجی ایک قسم کی گھاس کا بیج ہے۔ اس کا پودا سونف سے مشابہ، خود رو اور تقریباََ سَوا فٹ بلند ہوتا ہے۔کلونجی کی فصل حاصل کرنے کے لئے اس کی باقاعدہ کاشت کی جاتی ہے۔ اس کے پھول زردی مائل، بیجوں کا رنگ سیاہ اور شکل پیاز کے بیجوں سے ملتی ہے۔ یہی وجہ ہے کہ بعض لوگ انہیں پیاز کا بیج سمجھتے ہیں۔ اصلی کلونجی کی پہچان یہ ہے کہ اگر اسے سفید کاغذ میں لپیٹ کر رکھیں تو اس پر چکنائی کے داغ لگ جاتے ہیں۔ہر شاخ کے اوپر سیاہ دانے داربیج ہوتے ہیں۔ اسی بیج کے حصول کے لئے بھارت، بنگلہ دیش، ترکی، وغیرہ میں اس کی کاشت کی جاتی ہے۔ کلونجی کے ان بیجوں کی خصوصی مہک ہوتی ہے۔ اسے ادویات کے علاوہ کھانے اور اچار وغیرہ میں بھی استعمال کیا جاتا ہے۔
شعبہ طب میں اسے مصفی دوائی کے طور پر بھی استعمال کیا جاتا ہے۔کلونجی کے بیجوں میں فاسفورس، فولاد، اور کاربو ہائڈریٹ کے مرکبات شامل ہوتے ہیں۔کلونجی کی کیمیاوی تجزیے سے معلوم ہو ا اس میں پیلے رنگ کا مادہ کیروٹین پایا جاتا ہے جو جگر میں پہنچ کر وٹامن اے میں تبدیل ہوجاتا ہے۔ان کے علاوہ بھی بہت سے ایسے مرکبات کلونجی میں پائے جاتے ہیں، جو نظام انہظام کے لےے مفید ہیں۔یہ بولی امرض کو دور کرتا ہے۔یہ جسم کی قوت مدافعت میں اضافہ کرنے کے علاوہ ہر قسم کے امراض کے علاج میں معاون ہے۔ کلونجی کے تیل میں ساٹھ فیصد لینو لیٹک ترشہ (Linoletic Acid) اور تقریباََ ۱۲ فیصد Lipase کیمیاوی مادہ پایا جاتا ہے۔ یہ گرم درجہ حرارت میں جسم کو ٹھنڈا رکھنے کی صلاحیت رکھتا ہے۔کلونجی میں پائے جانے والے خصوصی مادے Saponin Vlatile Oil اورNigelline پائے جاتے ہیں جو مختلف بولی امراض میںکارگر ہوتے ہیں۔ اسی لئے نبی کریم ﷺ نے فرمایا کہ کلونجی کو اپنی غذا میں شامل کرو کہ یہ موت کے سوا تمام امراض کے علاج کی صلاحیت رکھتا ہے۔ مختلف امراض میں کلونجی کے تیل کی استعمال کی ترکیب حسب ذیل ہے۔

دمہ، کھانسی اور الرجی: ان امراض سے نجات کے لئے ایک کپ گرم پانی میں نصف چائے کا چمچہ کلونجی کا تیل ملا کر نہار منہ اور رات سونے سے قبل چالیس روز تک استعمال کریں۔ سرد اشیاءکھانے سے پرہیز کریں۔
ذیابطیس (شوگر) : ایک کپ قہوہ (کالی چائے)نصف چائے کا چمچہ کلونجی کا تیل ملا کر نہار منہ اور رات سونے سے قبل پی لیں۔روغنی خوراک بالخصوص تلی ہوئی اشیا کھانے سے پرہیز کریں۔اگر ذیابطیس کے لئے پہلے سے کوئی دوائی کھا رہے ہوں تو اسے جاری رکھیں۔ البتہ بیس روز بعد خون میں شوگر کا لیول چیک کروائیں۔ اگر معمول کے مطابق پائیں تو ادویہ کا استعمال بند کرکے اس نسخہ کو چالیس روز تک جاری رکھیں۔ مکمل شفا کے بعد نسخہ کا استعمال بند کردیں۔
دل کادورہ : ایک کپ گرم پانی میں ایک چمچہ شہد، نصف چائے کا چمچہ کلونجی کا تیل ملا کر دن میں دوبار دس دن تک استعمال کریں۔ دس دن کے بعد مزید دس دن یومیہ ایک مرتبہ استعمال کریں۔
پولیو اور لقوہ : ایک کپ گرم پانی میں ایک چمچہ شہد، نصف چمچہ کلونجی کا تیل ملا کر دن میں دوبار استعمال کریں۔ بچوںکو گرم پانی میں دو چمچے دودھ اور تین قطرے کلونجی کا تیل ملا کر دن میں تین مرتبہ پلائیں۔ علاج۴۰ دن تک جاری رکھیں۔
جوڑوں کا درد: ایک چمچہ سرکہ، نصف چائے کا چمچہ کلونجی کا تیل اور دو چمچہ شہد ملا کر صبح نہار منہ اور رات کو سونے سے قبل استعمال کریں۔
بد ہضمی، گیس، پیٹ کا درد: ایک چمچہ سرکہ میںنصف چائے کا چمچہ کلونجی کا تیل ملا کر دن میں دوبار پئیں۔ موٹاپا دور کر نے کے لئے بھی یہی نسخہ کا آمد ہے۔
آنکھوں کے امراض: آنکھوں کا سرخ ہونا، پانی بہنا، کمزوری بصارت وغیرہ کی صورت میںایک کپ گاجر کے عرق میں نصف چائے کا چمچہ کلونجی کا تیل ملا کر نہار منہ اور رات سونے سے قبل پئیں۔ یہ علاج چالیس روز تک جاری رکھیں، اچار اور بینگن سے پرہیز کریں۔
امراض مستورات (لیکوریا، پیٹ میں درد، کمر درد) : دو گلاس پانی میں دس گرام پودینے کے پتے ابال لیں۔ پانی الگ کر کے اس میں نصف چائے کا چمچہ کلونجی کا تیل ملا کر نہار منہ اور رات سونے سے قبل پی لیں۔ علاج چالیس روز تک جاری رکھیں، اچار ، بیگن، انڈے اور مچھلی سے پرہیز کریں۔ اگر معمول سے زائد عرصہ تک ماہواری رُک جائے توایک کپ گرم پانی میں نصف چائے کا چمچہ کلونجی کا تیل اور دو چمچہ شہد ملا کر نہار منہ اور رات سونے سے قبل پی لیں۔علاج ایک ماہ تک جاری رکھیں۔ آلو، بینگن سے پرہیز کریں۔
یادداشت میں کمی : یاد داشت میں اضافہ کے لئے ایک کپ پانی میں دس گرام پودینے کے پتے ابال لیں۔ اس پانی میں نصف چائے کا چمچہ کلونجی کا تیل ملا کر دن میں دوبار پئیں۔ یہ علاج بیس روز تک جاری رکھیں۔
دردہ گردہ : 250 گرام کلونجی کے بیج کو پیس کر ایک کپ شہد میں اچھی طرح ملا لیں۔ دو چمچہ اس آمیزہ کونصف پیالی پانی میں ملا کر اس میں نصف چائے کا چمچہ کلونجی کا تیل ملا کر دن میں ایک بار پئیں۔علاج کو بیس روز تک جاری رکھیں۔

 

[یوسف ثانی]

عام جسمانی کمزوری : نصف چائے کا چمچہ کلونجی کا تیل میں ایک چمچہ شہد ملا کر دن میں ایک مرتبہ استعمال کرنے سے عام کمزوری اور اس کا باعث بننے والے دیگر امراض دور ہوجاتے ہیں۔
دردِ سر: پیشانی اورکانوں کے قریب کلونجی تیل سے مالش کے علاوہ نصف چائے کا چمچہ کلونجی کا تیل دن میں دو بار پئیں۔
بلند فشار خون : گرم چائے یا کافی میں نصف چائے کا چمچہ کلونجی کا تیل ڈال کر دن میں دوبار استعمال کریں۔ اسی کے ساتھ روزانہ دو جوے لہسن بھی استعمال کریں۔
بالو ں کا گرنا : نیبو کے عرق سے سر کی اچھی طرح مالش کریں۔۱۵ منٹ کے بعد بالوں کو شیمپو سے دھو کراچھی طرح خشک کریں۔ پھر پورے سر پر کلونجی کے تیل کی مالش کریں۔ ایک ہفتہ تک روزانہ کے علاج سے بالوں کا گرنا بند ہوجاتا ہے
عام بخار: آدھے کپ پانی میں نصف چمچہ نیمبو کا عرق اور نصف چائے کا چمچہ کلونجی کا تیل ملا کر دن میں دوبار پئیں۔بخار اترنے تک یہ نسخہ جاری رکھیں اور چاولوں سے پرہیز کریں۔
گردے میں پتھری : ایک پیالی گرم پانی میں دو چمچہ شہد، نصف چائے کا چمچہ کلونجی کا تیل ملا کر دن میں دوبار صبح نہار منہ اور رات کو سونے سے قبل پئیں۔ ٹماٹر اور پالک اور لیمن سے پرہیز کریں۔
کانوں میں درد، پیپ کا بہنا ،سماعت میں کمی: کلونجی کے تیل کو گرم کرکے ٹھنڈا کر لیں۔ متاثرہ کان میں دو قطرے ڈالیں۔
دانتوں کے امراض: دانتوں کی کمزوری، دانتوں سے خون نکلنے، ناگوار بو آنے یا مسوڑھوں کے سوج جانے کی صورت میںایک پیالی دہی میں نصف چائے کا چمچہ کلونجی کا تیل ملا کرصبح نہار منہ اور رات سونے سے قبل کھا لیں۔
کثرتِ احتلام: مردوں میں کثرت احتلام کی صورت میں ایک پیالی سیب کے جوس میں نصف چائے کا چمچہ کلونجی کا تیل ملا کر صبح نہار منہ اور رات سونے سے قبل پی لیں۔ علاج ۱۲ روز تک جاری رکھیں اور گرم مسالہ والے کھانوں سے پرہیز کریں
خون کی کمی (انیمیا) : پودینہ کے پتوں کی ایک شاخ کو پانی میں اُبال کر ایک پیالی جوس بنائیں۔ نصف چائے کا چمچہ کلونجی کا تیل ملا کر دن میں دو بار صبح نہار منہ اور رات سونے سے قبل پئیں۔ یہ نسخہ ۱۲دن تک استعمال کریں۔
یرقان (پیلیا) : ایک پیالی دودھ میں نصف چائے کا چمچہ کلونجی کا تیل ملا کر دن میں دو بار صبح نہار منہ اور رات سونے سے قبل ایک ہفتہ تک پئیں۔
کھانسی: ایک پیالی گرم پانی میں دو چمچے شہد اورنصف چائے کا چمچہ کلونجی کا تیل ملا کر دن میں دو بار صبح ناشتہ سے قبل اور رات کھانے کے بعد استعمال کریں۔علاج دو ہفتہ تک جاری رکھیں، ٹھنڈی چیزوں سے پرہیز کریں۔
حملہ قلب (ہارٹ اٹیک) : دل کے والو کی بندش، سانس لینے میں دقت، ٹھنڈا پسینہ اور دل پر دباؤ کی صورت میں ایک پیالی بکری کا دودھ میں نصف چائے کا چمچہ کلونجی کا تیل ملا کر دن میں دو بار صبح ناشتہ سے قبل اور رات سونے سے قبل استعمال کریں۔ یہ علاج۱۲ دن تک جاری رکھیں۔
زچگی: بچہ کی پیدائش کے بعد ذہنی کمزوری، تھکاوٹ اور اخراجِ خون جیسے امراض میں ایک پیالی کھیرے کے جوس میں نصف چائے کا چمچہ کلونجی کا تیل ملا کر دن میں دو بار صبح ناشتہ سے قبل اور رات سونے سے قبل استعمال کریں۔ یہ علاج ۴۰ دن تک جاری رکھیں۔
پیٹ میں کیڑے: ایک چمچہ سرکہ میں نصف چائے کا چمچہ کلونجی کا تیل ملا کر دن میں تین بار صبح ناشتہ سے قبل ، دوپہراور رات میں استعمال کریں۔ یہ علاج ۱۰دن تک جاری رکھیں۔
جوڑوں کا درد: ایک چمچہ سرکہ اور دو چمچہ شہد میں نصف چائے کا چمچہ کلونجی کا تیل ملا کر دن میں دو بار استعمال کریں۔ جوڑوں کی تِل کے تیل سے مالش بھی کریں۔۱۲ دن تک گیس آور خوراک سے پرہیز کریں۔
جسمانی صحت: صحت کو برقرار رکھنے کے لئے ایک کلو گرام گندم کے آٹے میں نصف چائے کا چمچہ کلونجی کا تیل ملا کر روٹی بنائیں اور کھائیں۔ ان شاءاللہ صحت برقرار رہے گی۔

چہرہ اور جلد کی شادابی کے لئے: دو بڑے چمچہ شہد، نصف چائے کا چمچہ کلونجی کا تیل اور نصف چائے کا چمچہ زیتون کا تیل اچھی طرح ملاکر صبح اور شام چہرہ پر۰۴ دن تک لگائیں۔
بواسیر: ایک چمچہ سرکہ اور نصف چائے کا چمچہ کلونجی کا تیل ملاکر بواسیر کی جگہ پر دن میں دوبار لگائیں۔
ماہواری میں بے ترتیبی: ایک چمچہ شہد اور نصف چمچہ کلونجی کا تیل ملاکر صبح ناشتہ سے قبل اور رات میں دو ہفتہ تک پئیں۔
بے خوابی: آرام دہ نیند کے لئے رات کھانے کے بعدنصف چائے کا چمچہ کلونجی کا تیل ایک چمچہ شہد میں ملا کر پئیں۔
سستی : چست رہنے کےلئے روزانہ صبح ناشتہ سے قبل نصف چائے کا چمچہ کلونجی کا تیل دو چمچہ شہد کے ساتھ استعمال کریں۔
شیرِمادر: ماں کے دودھ میں اضا فہ کے لئے ایک پیالی دودھ میں دو قطرے کلونجی تیل ڈال کرصبح ناشتہ سے قبل اور رات سونے پیشتر پئیں۔
درد معددہ : ہر قسم کے دردہ معدہ کو رفع کرنے کے لئے میٹھے سنگترہ کے ایک گلاس جوس میں دو چمچہ شہد اور نصف چائے کا چمچہ کلونجی کا تیل ملا کر دن میں دوبار پئیں۔
جوڑوں کے درد، کمر درد، گردن میں درد: دو عدد خشک انجیرکھا کر ایک پیالی دودھ میں چار قطرے کلونجی کا تیل ڈال کر پئیں اور اس کے بعد دو گھنٹہ تک کچھ نہ کھائیں۔ یہ علاج دو ماہ تک جاری رکھیں ۔آلو اور ٹماٹر سے پرہیز کریں۔
رحم کے مسائل: بچہ دانی کے مختلف امراض میں نصف گڈی پودینہ کا عرق، ۲ چمچہ مصری کا سفوف میں نصف چائے کا چمچہ کلونجی کا تیل اچھی طرح ملاکر صبح ناشتہ سے قبل استعمال کریں۔ علاج ۴۰ دن تک جاری رکھیں۔
دانتوں میں درد: سوتے وقت روئی کے پھاہے کو کلونجی کے تیل میں گیلا کرکے متاثرہ حصہ میں رکھ دیں۔
کانوں کی تکالیف کے لئے: ایک چائے کے چمچہ کلونجی کے تیل کو ایک بڑے چمچ زیتون کے تیل میں ملا کر اچھی طرح گرم کر لیں۔ پھر ٹھنڈا کرکے سوتے وقت اس کے دو تین قطرے کامنوں میں ڈال لیں۔ فوری افاقہ ہوگا۔
جگر و معدہ کے امراض: دو سَو گرام شہد میں نصف چائے کا چمچہ کلونجی کا تیل اچھی طرح ملاکر اس آمیزہ کا نصف صبح ناشتہ سے قبل اور نصف شام میں استعمال کریں۔ ایک ماہ تک اس نسخہ کو استعمال کریں اور ترش اشیاءسے پرہیز کریں۔
مٹاپا: نصف چائے کا چمچہ کلونجی کا تیل میں دو چمچہ شہد نیم گرم پانی میں حل کرکے دن میں دوبار پئیں چاول سے پرہیز کریں
ہکلانا، تتلانا : نصف چائے کا چمچہ کلونجی کا تیل اور دو چمچے شہد اچھی طرح ملاکر اسے زبان کے اوپر دن میں دوبار رکھیں۔
خشکی: دس گرام کلونجی کا تیل، تیس گرام زیتون کا تیل اور تیس گرام منہدی سفوف کو اچھی طرح ملاکر تھوڑا سا گرم کریں۔ ٹھندا ہونے پر اسے بالوں کی جڑوں میں لگائیں۔

( تحریر: یوسف ثانی ، بشکریہ ماہنامہ اردو ڈائجسٹ لاہور، غذائیات نمبر،مئی2011ء )​

 

[یوسف ثانی]

کلیم بھائی میں نے "کلونجی کے کمالات" نامی کتاب میں پڑھا تھا کہ روزانہ ایک "ماشہ " کلونجی کھانی چاہیے، کیا آپ بتا سکتے ہے کہ اردو میں ایک ماشہ کا کیا مطلب ہوتا ہے؟؟

عامر بھائی ! السلام و علیکم و رحمۃ اللہ و برکاتہ
کیسے مزاج ہیں۔ اس فورم کی آپ کی کاوشات سے بلا اجازت استفادہ کرتا رہتا ہوں، امید ہے آپ مائنڈ نہیں کریں گے (ابتسامہ)

ایک ماشہ تقریبا" ایک گرام کے مساوی ہوتا ہے۔ بارہ ماشہ (یعنی ایک تولہ سونا) ٹھیک گیارہ اعشاریہ سات گرام کے برابر۔ یہ اوزان ناپنے کا پرانی دیسی یونٹ ہے۔ اس میں:

٨ آٹھ رتی برابر ایک ماشہ ؛ ١٢ بارہ ماشہ مساوی ایک تولہ ؛ ٥ پانچ تولہ مساوی ایک چھٹانک ؛ چار چھٹانک مساوی ایک پاؤ اور چار پاؤ مساوی ایک سیر ہوتا ہے، بلکہ ہتا تھا۔ اب تو یہ سب کچھ سمٹ کر گرام اور کلو گرام میں آگیا ہے۔ البتہ سونے کا بھاؤ اب بھی فی تولہ ہی بتلایا جاتا ہے۔ جبکہ سونا عملا" بیچتے فی دس گرام ہی ہیں۔

 

[Aamir]

جزاك الله خير یوسف بھائی جان، کیا آپ بتا سکتے ہے کی صرف کلونجی روزانہ کھانی ہو تو کتنے گرام کھانا چاہیے.؟؟ یا کتنے عدد؟؟

 

[Aamir]

کلونجی کا استعمال کرنا واقعی بہت مفید ہے، دو سال پہلے میں روزانہ کلونجی کا استعمال کرتا تھا، لیکن اچانک مجھے کھانسی ہوئی جو قریب دو مہینے تک جاری تھی، ڈاکٹر نے بلڈ رپورٹ دیکھا تو کہنے لگا، یار آج تک اتنی اچھی رپورٹ نہیں دیکھی ہے، کیا کھاتے ہو؟؟
خیر وہ غیر مسلم تھا اس لئے میں نے صرف مسکرا دیا، میں سمجھ گیا تھا کہ یہ کمال کلونجی کا ہی ہے، ڈاکٹر نے یہ بھی کہا کی آپ جو بھی کھاتے ہو وہ بہت گرم ہے ، ڈاکٹر نے بتایا تھا کی زیادہ گرم کھانے کی وجہ سے پیشاب میں آپکو تھوڑی تکلیف ہے،
اس دن سے میں کلونجی کھانے سے ڈرتا ہوں، سمجھ نہیں آتا کتنی مقدار میں اس کا استعمال کروں؟

 

[یوسف ثانی]

جزاك الله خير یوسف بھائی جان، کیا آپ بتا سکتے ہے کی صرف کلونجی روزانہ کھانی ہو تو کتنے گرام کھانا چاہیے.؟؟ یا کتنے عدد؟؟

عامر بھائ! گو میں حکیم نہیں ہوں، البتہ آپ مجھے ایسا ’’نیم حکیم‘‘ سمجھ سکتے ہیں، جو’’ خطرہ جاں‘‘ نہیں ہوتا (ابتسامہ)
آپ روزانہ ایک چوتھائی چائے کہ چمچہ کے برابر کلونجی بلا تکلف استعمال کرسکتے ہیں۔ ان شا ءاللہ فائدہ ہی ہوگا۔ ہاں کبھی کبھی ناغہ ہوجائے تو کوئی مضائقہ نہیں۔ بالخصوص اگر کبھی کوئی طبی مسئلہ پیدا ہوجائے تو کلونجی کا یومیہ استعمال بند کرکے ڈاکٹر کے مشورہ پر عمل کریں۔

 

[محمد عامر یونس]

 

[ابن قدامہ]

کلونجی کا استعمال کرنا واقعی بہت مفید ہے، دو سال پہلے میں روزانہ کلونجی کا استعمال کرتا تھا، لیکن اچانک مجھے کھانسی ہوئی جو قریب دو مہینے تک جاری تھی، ڈاکٹر نے بلڈ رپورٹ دیکھا تو کہنے لگا، یار آج تک اتنی اچھی رپورٹ نہیں دیکھی ہے، کیا کھاتے ہو؟؟
خیر وہ غیر مسلم تھا اس لئے میں نے صرف مسکرا دیا، میں سمجھ گیا تھا کہ یہ کمال کلونجی کا ہی ہے، ڈاکٹر نے یہ بھی کہا کی آپ جو بھی کھاتے ہو وہ بہت گرم ہے ، ڈاکٹر نے بتایا تھا کی زیادہ گرم کھانے کی وجہ سے پیشاب میں آپکو تھوڑی تکلیف ہے،
اس دن سے میں کلونجی کھانے سے ڈرتا ہوں، سمجھ نہیں آتا کتنی مقدار میں اس کا استعمال کروں؟

آپ بتاہی دیتے شاہد وہ مسلمان ہوجاتا