کیا اس طرح کی مرویات کی تحقیق کرنی چاہیئے

[انصاری محبوب حسين]

السلام علیکم ورحمة اللہ وبركة شیخ

کیا اس طرح کی مرویات کی بھی تحقیق کرنی چاہیئے اور اسی طرح امام مسلم رحمہ اللہ کی وفات کا قصہ اور امام بخاری رحمہ اللہ کے نابینہ ہونے کا واقعہ اور اسی طرح مزکورہ واقعہ

یہ ایک واقعہ ہے جو ہمارے یہاں کے دیوبندیوں نے مشہور کر رکھا ہے

*امام اعظم رحمت اللہ علیہ کی نصیحت کا انوھا انداز*
کوفہ میں ایک شخص نعوذ باللہ حضرت عثمان بن عفان رضی اللہ عنہ کو یہودی کہا کرتا تھا ، امام ابو حنیفہ رحمہ اللہ نے اس شخص کے پاس جا کر ایک مرتبہ اس سے کہا "میں تمہاری لڑتی کے لئے شادی کا پیغام لے کر آیا ہوں ، لڑکا نہایت شریف ، مالدار ، حافظ قرآن، سخی اور عبادت گزار ہے ، خدا کا خوف رکھتا ہے ، نماز روزہ کا سخت پابند ہے"

یہ سن کر اس نے کہا "میں تو اس سے کم حیثیت والے شوہر پر راضی تھا ، یہ رشتہ بہت خوب ہے"

امام ابو حنیفہ رحمہ اللہ نے فرمایا "مگر ایک بات ہے ۔۔۔۔ وہ یہ کہ لڑکا یہودی ہے"

یہ سنتے ہی اس نے شدت سے انکار کرتے ہوئے کہا "آپ یہودی سے میری لڑکی کی شادی کرنا چاہتے ہیں ؟"

امام ابو حنیفہ رحمہ اللہ نے جواب دیا "تمہارے خیال کے مطابق رسول اللہ ﷺ نے اپنی دو صاجزادیوں کی شادی یہودی سے کی تھی"

یہ سنتے ہی اللہ تعالیٰ نے حق کے لئے اس کا دل کھول دیا اس نے فورا استغفار کی ، اللہ سے معافی مانگی اور آئندہ ایسی بات نہ کرنے کا عزم کرلیا

(سیرت ائمۂ اربعہ ، ص 83 بحوالہ تاریخ بغداد ، 13 جلد ص 364)

منجانب :- *انجمن احیائے سنت بھیونڈی*

 

[خضر حیات]

و علیکم السلام ورحمۃ اللہ وبرکاتہ
تحقیق ہوجائے ، تو اچھی بات ، ورنہ بطور تاریخی روایت اور واقعہ کے ذکر کرنے میں کوئی حرج نہیں ، البتہ اگر واقعہ میں کوئی غیر شرعی بات ، یا کسی اضافی شرعی بات کا اثبات ہو تو اس کی تحقیق از بس ضروری ہے ۔