کیا نعيم بن حماد منكر الحديث تھے

[انصاری نازل نعمان]

1020 اٹیچمنٹ کو ملاحظہ فرمائیں1020 اٹیچمنٹ کو ملاحظہ فرمائیں1020 اٹیچمنٹ کو ملاحظہ فرمائیں

 

[کفایت اللہ]

حافظ ابن حجر رحمہ اللہ نے امام ذہبی رحمہ اللہ کی درج بالا بات تذکرۃ الحفاظ سے نقل کی ہے ملاحظہ ہو:

امام ذهبي رحمه الله (المتوفى748)نے کہا:
هذا حديث منكر لا أصل له من حديث رسول الله صلى الله عليه و سلم ولا شاهد ولم يأت به عن سفيان سوى نعيم وهو مع إمامته منكر الحديث[تذكرة الحفاظ للذهبي: 2/ 419]۔

یعنی امام ذہبی رحمہ اللہ نے انہیں منکرالحدیث کہنے کے ساتھ ساتھ تذکرۃ الحفاظ میں بھی نقل کیا ہے ، اوریہ کتاب مطبوع ودستیاب ہے۔
لیکن اس کے باوجود بھی اصل مرجع کا حوالہ دینےکے بجائے حافظ ابن حجر رحمہ اللہ کے واسطہ یہ قول نقل کیاجارہا ہے ، شاید اس کا مقصد اس حقیقت پر پردہ ڈالنا ہے کہ امام ذہبی رحمہ اللہ نے انہیں تذکرۃ الحفاظ میں بھی نقل کیا ہے۔

دراصل امام ابوحنیفہ کاذکربھی امام ذہبی نے تذکرہ الحفاظ میں کیاہے اور بعض لوگ اسی بات کو ابوحنیفہ کی توثیق سمجھتے ہیں اگر یہ اصول درست ہے تو اس اصول کے تحت نعیم بن حماد بھی ثقہ ہیں کیونکہ ان کا ذکر بھی امام ذہبی نے تذکرہ الحفاظ میں کیا ہے۔

یہ تو ایک الزامی بات ہے اصل جواب یہ ہے کہ نعیم بن حماد رحمہ اللہ منکرالحدیث نہیں ہیں بلکہ ثقہ ہیں اور امام بخاری رحمہ اللہ کے استاذ ہیں بہت سارے محدثین نے انہیں ثقہ کہا ہے اورامام ذہبی رحمہ اللہ کے نزدیک بھی یہ ثقہ ہی ہیں کیونکہ امام ذہبی رحمہ اللہ نے ان کا تذکرہ اپنی کتاب ’’من تكلم فيه وهو موثوق أو صالح الحديث‘‘ میں کیا ہے دیکھئے :[من تكلم فيه وهو موثق ت الرحيلي ص: 516]

رہا تذکرۃ الحفاظ میں امام ذہبی کا منکرالحدیث کہنا تو امام ذہبی رحمہ اللہ نے منکرالحدیث عام معنی میں نہیں کہا ہے بلکہ اس سے مراد فقط یہ ہے کہ ان کی بعض احادیث میں نکارت ہے ۔
جیساکہ دیگر مقامات پر انہوں پوری صراحت کے ساتھ یہ وضاحت کی ہے مثلا عبر میں کہا:

امام ذهبي رحمه الله (المتوفى748)نے کہا:
نعيم بن حماد الخزاعي المروزي الفرضي الحافظ أحد علماء الأثر سمع أبا حمزة السكري وهشيما وطبقتهما وصنف التصانيف وله غلطات ومناكير مغمورة في كثرة ما روى[العبر في خبر من غبر 1/ 405]

لہٰذا امام ذہبی رحمہ اللہ کے نزدیک بھی یہ ثقہ یا کم ازکم حسن الحدیث ہی ہیں۔واللہ اعلم۔