گالی کیاتھی

[جمشید]

بعینہ انہی اوصاف سے بلکہ اس سے زیادہ سے مقبل الوادعی کو یاد کیاجاسکتاہے۔مقبل الوادعی کی (گالی حذف ۔۔۔ انتظامیہ) کا عالم یہ تھاکہ مصطفے السباعی نے السنۃ ومکانتہا فی التشریع الاسلامی جیسی لاجواب کتاب میں امام ابوحنیفہ کے تعلق سے الزامات کا جودفاع کیاہے اسکو وہ ہدم السنۃ سے تعبیر کرتاہے۔اس کے علاوہ ایک دیگر فورم پر بھی اس کی کتابوں کے اقتباسات کے ذریعہ اس کے دوسروں پر فتاوی جات اورکلام ذکر کیاگیاجس کاربط میں نے اردومجلس پر دیاتھا۔اسکو پڑھ کرتوایسالگتاہے کہ اس کے نزدیک پوری دنیا میں صرف دوچارہی مسلمان جواسی کے جیسے خیالات کے حامل ہیں بس درست ہیں ورنہ کوئی منافق ہے۔کوئی شریعت سے خارج ہے کوئی کچھ ہے اورکوئی کچھ اور ہے۔

انتظامیہ واضح کرناپسند کرے گی کہ اس موقع پر کون سالفظ تھا جوان کو گالی لگاہے۔
اورکیاانتظامیہ نے یہ حق صرف اپنے ممدوحین کیلئے ہی روارکھاہے کہ ان کو کچھ کہاجائے تو وہ گالی ہوجائے اوراپنی جماعت کے لوگ دوسرے علماء کو کچھ بھی کہتے پھریں تواسے شیرمادر سمجھ کر پی لیاجائے۔
اگرایساہے(جوقرائن سے واضح ہے)تو پھر انتظامیہ کو کھل کر اس فورم کو سلفی یااہل حدیث فورم ڈیکلیئر کرناچاہئے کتاب وسنت کی آڑلینااورغیرجانبداری کے دعویٰ کرنا درست نہیں ہے جیساکہ دوسرے فورم کرتے ہیں کہ وہ کھل کر اپنے کو دیوبندی یابریلوی فورم بتاتے ہیں۔والسلام

 

[شاکر]

محترم جمشید بھائی،
کسی ایک مقام پر اگر آپ کی تحریر میں کوئی لفظ حذف کیا گیا ہے تو اس پر آپ الگ دھاگا بنا رہے ہیں اور گلہ آپ کو یہ ہے کہ ہم کچھ خاص لوگوں کے دھاگوں میں یہ رد و بدل کیوں نہیں کرتے۔ تو آپ کی اطلاع کے لئے عرض ہے کہ ہم ان کے پورے پورے مراسلے اور بعض اوقات مکمل دھاگے ہی نامنظور کر ڈالتے ہیں۔ جتنی سختی بقول آپ کے ہمارے ’ممدوحین‘ پر ہم نے روا رکھی ہے آپ پر اور آپ کے ہم خیال حضرات پر تو اس کا عشر عشیر بھی نہیں۔ آپ سے پہلے بھی عرض کی تھی کہ اگر آپ کو کسی صاحب کے کسی مراسلے سے یا کسی خاص لفظ سے کوئی شکایت ہو تو آپ اس مراسلے کو رپورٹ کر دیا کریں۔

ان دنوں ہم سب ہی شدید مصروفیات میں گھرے ہیں۔ اور آپ سمیت کسی کی بھی پوسٹس میں ترمیم وغیرہ کا کام ٹھنڈا ہے۔ عموماً ہم دوسروں کے تو مکمل مراسلہ جات یا دھاگوں کو ہی وقت کی قلت کے باعث نامنظور کر لیتے ہیں۔ لیکن آپ کے ساتھ یہ سلوک نہیں کر سکتے اور آپ اس پر بھی ناراض ہوتے رہتے ہیں۔ اب اسی شکایتی دھاگے میں آپ کا انتظامیہ کے لئے شیر مادر کو ہضم کرنے جیسے سوقیانہ الفاظ استعمال کرنا، اخلاق سے انتہائی گری ہوئی حرکت ہے۔ اور اسی قسم کی ترشی آپ کی اکثر پوسٹس میں پائی جاتی ہے۔

 

[جمشید]

کسی ایک مقام پر اگر آپ کی تحریر میں کوئی لفظ حذف کیا گیا ہے تو اس پر آپ الگ دھاگا بنا رہے ہیں اور گلہ آپ کو یہ ہے کہ ہم کچھ خاص لوگوں کے دھاگوں میں یہ رد و بدل کیوں نہیں کرتے۔ تو آپ کی اطلاع کے لئے عرض ہے کہ ہم ان کے پورے پورے مراسلے اور بعض اوقات مکمل دھاگے ہی نامنظور کر ڈالتے ہیں۔ جتنی سختی بقول آپ کے ہمارے ’ممدوحین‘ پر ہم نے روا رکھی ہے آپ پر اور آپ کے ہم خیال حضرات پر تو اس کا عشر عشیر بھی نہیں۔ آپ سے پہلے بھی عرض کی تھی کہ اگر آپ کو کسی صاحب کے کسی مراسلے سے یا کسی خاص لفظ سے کوئی شکایت ہو تو آپ اس مراسلے کو رپورٹ کر دیا کریں۔

ان دنوں ہم سب ہی شدید مصروفیات میں گھرے ہیں۔ اور آپ سمیت کسی کی بھی پوسٹس میں ترمیم وغیرہ کا کام ٹھنڈا ہے۔ عموماً ہم دوسروں کے تو مکمل مراسلہ جات یا دھاگوں کو ہی وقت کی قلت کے باعث نامنظور کر لیتے ہیں۔ لیکن آپ کے ساتھ یہ سلوک نہیں کر سکتے اور آپ اس پر بھی ناراض ہوتے رہتے ہیں۔ اب اسی شکایتی دھاگے میں آپ کا انتظامیہ کے لئے شیر مادر کو ہضم کرنے جیسے سوقیانہ الفاظ استعمال کرنا، اخلاق سے انتہائی گری ہوئی حرکت ہے۔ اور اسی قسم کی ترشی آپ کی اکثر پوسٹس میں پائی جاتی ہے۔

ہندوستان میں کانگریس کارویہ جومسلمانوں کے ساتھ رہاہے دشمنی بھرا کہنے کی ضرورت نہیں منہ بغل میں چھری منہ میں رام رام ۔
اس پر بھی جہاں کہیں کانگریس بظاہر مسلمانوں کے تعلق سے کوئی اعلان کرتی ہے بی جے پی فوراچیخ پکار روع کردیتی ہے کہ کانگریس مسلمانوں کی منہ بھرائی کررہی ہے وغیرہ ووغیرہ اورکانگریس اعلان کو اقدام اورنفاذ تک پہنچائے بغیر چھوڑدیتی ہے اورمسلمانوں سے داد کی خواہاں ہوتی ہے کہ دیکھوہم نے تمہارے لئے بی جے پی "گالی"سنی ہے۔
آپ نے کافی مرتبہ اس قسم کی باتیں کی ہیں کہ ہم آپ کے ساتھ کافی رعایت برت رہے ہیں ۔میری آپ سے گزارش ہے کہ میرے ساتھ رعایت برتنابند کریں اورسبھوں کے ساتھ ایک سلوک کریں۔
ویسے دوکاندار حضرات اس قسم کے جملوں کے ماہر ہوتے ہیں اوراکثراپنے گاہکوں سے یہ کہتے ہیں کہ چیز تواتنے کی ہے لیکن آپ کی رعایت میں ہم اسے اتنے میں دے دیں گے۔
کسی بھی شخص کو غصہ آئے گااگراس کے کسی لفظ پر حد سےتجاوز کرتے ہوئے" گالی" کا اطلاق کیاجائے۔جب کہ اسی قسم کے دوسرے جملوں سے پورافورم بھراہواہے۔
میری گزارش اتنی ہے کہ آپ کم ازکم یہاں پر ہمیں اتنابتادیں کہ وہ لفظ کیاتھاجس پر آپ نے یاانتظامیہ کے کسی دوسرے فرد نے "گالی"کااطلاق کیاتھا تاکہ دوسروں کوبھی معلوم ہوجائے کہ کیاوہ واقعتا"گالی"تھی یامحض شبیہ خراب کی ایک کوشش تھی۔
یادش بخیر جب اتباع والے تھریڈ میں ابن دائود نےجب لفظ میاں کی لغت سے تشریح کی تھی تواس پر جزاک اللہ کہنے والوں میں آپ بھی شامل تھے ۔
شیر مادر کو سوقیانہ لفظ سے تعبیر کرنے سے پہلے لغت میں کم ازکم ایک بار اس کے استعمالات تودیکھ لیتے ۔کرلپ اوردوسری لغت کی سائٹوں سے استفادہ کرکے یہاں پر شیر مادر کے استعمالات اورمعانی واضح کئے جاسکتے ہیں لیکن گزارش ہے کہ خود دیکھ لیں کہ اس کے کیامعنی نکلتے ہیں؟والسلام

 

[شاکر]

آپ نے کافی مرتبہ اس قسم کی باتیں کی ہیں کہ ہم آپ کے ساتھ کافی رعایت برت رہے ہیں ۔میری آپ سے گزارش ہے کہ میرے ساتھ رعایت برتنابند کریں اورسبھوں کے ساتھ ایک سلوک کریں۔

محترم، جب مجلس فورم کے ہمارے بھائیوں نے آپ سے رعایت برتنا بند کر دی تھی تو جناب اب تک محلے کی لگائی بجھائی کرنے والی مائیوں کی طرح دیگر فورمز پران کے خلاف پھلجڑیاں چھوڑتے پھرتے ہیں۔ ہم نے سوچا تھا کہ شاید آپ کو اپنی بات کہنے سے منع کیا جاتا ہوگا، اسی لئے آپ کو گلہ ہے۔ لہٰذا ہم نے آپ کو اس فورم پر اپنی بات کہنے کی مکمل آزادی دی ہے۔ اور آپ کے مزعومہ علمی نکات پر مشتمل مراسلہ جات پر کبھی قینچی نہیں چلائی ہے۔ ہمیشہ یہاں اہل علم حضرات نے ہی ان کے مدلل جوابات دئے ہیں۔ اس کو دکانداری سے اور سیاسی پارٹیوں سے تشبیہ دینا آپ کی بلندی فکر کو ظاہر کرتا ہے۔ مجھے تو کچھ یوں محسوس ہو رہا ہے کہ گزشتہ کچھ دنوں سے اس فورم پر آپ کا جو تعاقب کیا جا رہا ہے، شاید اس سے پریشان ہو کر بہانے تراش رہے ہیں۔ ورنہ اتنی سی بات کا ایشو بنانا سمجھ سے بالا ہے۔ اگر آپ نے خلوص سے شکایت کی ہوتی تو ہم ان بھائیوں کے نام اور ان کی پوسٹس گنوا دیتے جو ابھی تک موڈریشن قطار میں پڑی ہیں اور فقط ایک آدھ غلط جملے یا چند سخت الفاظ کی وجہ سے نامنظور کی گئی ہیں۔ اور بعض کو تو ذاتی پیغامات پر وارننگ دی جا چکی ہیں۔ لیکن آپ کا مقصد بہرحال الزام تراشی ہی ہے تو ہماری کسی وضاحت سے کچھ فائدہ نہیں۔
اب رہی یہ بات کہ آپ کے ساتھ بھی دیگر والا سلوک کیا جائے تو اسی دھاگے میں جھلک آپ کو دکھا دیتے ہیں۔ نوٹ فرمائیے، محدث فورم کا یہ قانون:

9- فورم کی انتظامیہ یا اراکین سے متعلق کسی بھی قسم کا شکوہ یا شکایت اوپن فورم میں نہیں ہونی چاہیے بلکہ صرف مخصوص زمرے(ہم سے رابطہ وغیرہ)میں بیان کیا جائے۔

16- قواعد و ضوابط کی کسی شدید یا سنگین خلاف ورزی پر ہی کوئی تھریڈ یا مراسلہ منظر عام سے ہٹایا جاتا ہے ، ایسی صورت میں متعلقہ رکن یا دوسرے اراکین سے درخواست ہے کہ اوپن فورم میں غیرضروری شکایات کے ذریعے انتظامیہ کے اس ایکشن پر بحث سے احتراز کیا جائے۔

لہٰذا انتظامیہ اپنے کسی ایکشن کی وضاحت ایسے شخص کے سامنے پیش کرنے کی ضرورت محسوس نہیں کرتی، جنہیں بس ہر حال میں تنقید ہی سے مطلب ہے۔ اور اس ایکشن پر آپ کی شکایت کو غیر ضروری قرار دیتے ہوئے اس دھاگے کو تالا لگایا جا رہا ہے۔

امید ہے اب آپ کو اس رعایت کی سمجھ آ جائے گی جسے آپ انجوائے کرتے رہے ہیں۔ بہرحال، ہم آپ کی علمی قامت کی وجہ سے آپ کا احترام ہی کرتے ہیں اور یہ مسئلہ یہیں ختم کر رہے ہیں۔ امید ہے کہ ایسی چھوٹی باتوں کا ایشو بنانے کے بجائے اپنی اور دوسروں کی اصلاح کے اصل اور بنیادی مقصد پر نظر رکھیں گے۔

 

[ابوالحسن علوی]

بہرحال، ہم آپ کی علمی قامت کی وجہ سے آپ کا احترام ہی کرتے ہیں اور یہ مسئلہ یہیں ختم کر رہے ہیں۔ امید ہے کہ ایسی چھوٹی باتوں کا ایشو بنانے کے بجائے اپنی اور دوسروں کی اصلاح کے اصل اور بنیادی مقصد پر نظر رکھیں گے۔

جزاکم اللہ خیرا