یونان سے پاکستانیوں سمیت تین ہزار سے زائد غیر قانونی تارکین وطن ڈیپورٹ

[کنعان]

یونان سے پاکستانیوں سمیت تین ہزار سے زائد غیر قانونی تارکین وطن ڈیپورٹ
​

اکتوبر میں رضا کارانہ سکیم کے تحت بین الاقوامی تنظیم برائے پناہ گزین (IOM) کے تعاون اور مختلف مقامات سے غیر قانونی حثیت والے گرفتار شدگان تارکین وطن کو ان کے ممالک ڈیپورٹ کیا گیا

ایتھنز (سکندر ریاض چوہان) ماہ اکتوبر میں تین سو گیارہ پاکستانیوں سمیت مختلف ممالک سے تعلق رکھنے والے تین ہزار چار سو چار تارکین وطن کو ان کے ممالک روانہ کیا گیا۔

یونان کے ادارہ برائے پناہ گزین کی ایک رپورٹ کے مطابق گزستہ ماہ اکتوبر میں رضاکارانہ سکیم کے تحت بین الاقوامی تنظیم برائے پناہ گزین (IOM) کے تعاون اور مختلف مقامات سے غیر قانونی حثیت والے گرفتار شدگان تارکین وطن کو ان کے ممالک ڈیپورٹ کیا گیا جن میں سب سے زیادہ البانوی شہری ہیں جن کی تعداد ایک ہزار دو سو تیرہ جبکہ دوسرے نمبر پر پاکستانی شامل ہیں جن کی تعداد تین سو گیارہ ہے اس کے علاوہ بنگلہ دیشی، جارجیا اور افغانستان سے تعلق رکھنے والے تارکین وطن نمایاں ہے جن کو یورپی یونین کے خصوصی فنڈ اور مہم کے تحت ان کے ممالک روانہ کیا گیا۔
​

ایک اندازے کے مطابق اب تک یونان سے سات ہزار کے قریب پاکستانیوں کو یورپی یونین کے ساتھ ہونے والے ری۔ایڈمیشن معاہدے کے تحت ڈیپورٹ کیا جا چکا ہے جبکہ ابھی بھی ہزاروں کی تعداد میں پاکستانی مختلف حراستی مراکز میں بند ہیں جہاں ان کی حالت انتہائی ناگفتہ بہ ہے۔

یونانی حکام کے مطابق گزشتہ دس ماہ کے دوران یونان سے بائیس ہزار چھ سو چورانوے غیر قانونی تارکین وطن کو ان کے ممالک ورانہ کیا جا چکاہے۔۔​

2014-11-19

ح