یو تھ کی تباہی اور بربادی کا پروگرام !!!

[محمد عامر یونس]

اسلام میں قرض لینا کیسا ہے ؟
قرض كا خطرناك معاملہ​

​

​

حافظ ابن حجر رحمہ اللہ تعالى فتح البارى ميں كہتے ہيں:​

" اور اس حديث ميں قرض كے معاملہ كى سختى كا شعور ملتا ہے، اور يہ كہ بغير ضرورت قرض حاصل نہيں كرنا چاہيے " انتہى.
ديكھيں: فتح البارى ( 4 / 547 )

اور ثوبان رضى اللہ تعالى عنہ بيان كرتے ہيں كہ رسول كريم صلى اللہ عليہ وسلم نے فرمايا:

" جو شخص اس حالت ميں فوت ہوا كہ وہ تين اشياء تكبر، خيانت، اور قرض سے برى ہو تو وہ جنت ميں داخل ہوگا "
سنن ترمذى حديث نمبر ( 1572 ) علامہ البانى رحمہ اللہ نے صحيح ترمذى ميں اسے صحيح قرار ديا ہے.

اور ابو ہريرہ رضى اللہ تعالى عنہ بيان كرتے ہيں كہ رسول كريم صلى اللہ عليہ وسلم نے فرمايا:

" مؤمن كى جان اس كے قرض كى بنا پر معلق رہتى ہے حتى كہ اس كا قرض ادا كر ديا جائے "
سنن ترمذى حديث نمبر ( 1078 ).

 

[محمد عامر یونس]

اسلام میں قرض لینا کیسا ہے ؟

قرض كا خطرناك معاملہ​

مباركپورى رحمہ اللہ " تحفۃ الاحوذى " ميں لكھتے ہيں:

" قولہ: ( مؤمن كى جان معلق رہتى ہے ) سيوطى رحمہ اللہ كہتے ہيں: يعنى وہ اپنى اچھى اور كريم جگہ سے محبوس رہتا ہے.

اور عراقى كا كہنا ہے:

يعنى اس كا معاملہ موقوف رہتا ہے، نہ تو اس كى نجات اور نہ ہى اس كى ہلاكت كا حكم ہوتا ہے،حتى كہ ديكھا جاتا ہے كہ آيا اس كا قرض ادا كيا جاتا ہے يا نہيں " انتہى.
ديكھيں: تحفۃ الاحوذى ( 4 / 164 ).

اور بہت سے سلف حضرات سے بھى قرض كے بچنے كى تحذير آئى ہے:

عمر بن خطاب رضى اللہ تعالى عنہ كا قول ہے:

" تم قرض سے بچ كر رہو، كيونكہ اس كى ابتداء غم ہے، اور آخر لڑائى ہے "
موطا امام مالك ( 2 / 770 ).

اور مصنف عبد الرزاق ميں ہے:

ابن عمر رضى اللہ تعالى عنہما نے فرمايا:

( اے حمران! اللہ تعالى كا تقوى اور ڈر اختيار كرو، اور مقروض ہو كر فوت نہ ہونا، كيونكہ تيرى نيكياں لے لى جائينگى، اور وہاں نہ تو كوئى دينار ہوگا اور نہ ہى كوئى درہم "
ديكھيں: مصنف عبد الرزاق ( 3 / 57 ).

 

[محمد عامر یونس]

اسلام میں قرض لینا کیسا ہے ؟

​

قرض كا خطرناك معاملہ

​

سوم:

قرض كے متعلق اتنى شديد سختى اس ليے آئى ہے كہ اس كى بنا پر معاشرے ميں كئى قسم كى خرابياں پيدا ہوتى اور معاشرے كے فرد ميں بھى كئى خراب چيزيں اور فساد پيدا ہوتا ہے.

انفرادى پيدا ہونے والى خرابيوں كا ذكر كرتے ہوئے امام قرطبى رحمہ اللہ " الجامع لاحكام القرآن " ميں كہتے ہيں:

" ہمارے علماء كا كہنا ہے: اس ميں كچھ تذليل سى ہے جس ميں ہر وقت دل اور خيالات مشغول رہتا ہے، اور اس كى ادائيگى كا ہر وقت غم رہتا ہے، اور قرض خواہ سے ملتے وقت مقروض حقير اور تذليل محسوس كرتا ہے، اور اس كا وقت آنے تك تاخير كى خواہش ركھتا ہے، اور بعض اوقات تو ادائيگى كا وعدہ كرتا ہے ليكن وعدہ خلافى كر جاتا ہے، يا پھر قرض خواہ كے ساتھ بات چيت كرتے وقت جھوٹ بولتا ہے، يا قسم اٹھا كر قسم كا پاس نہيں كرتا، اس كے علاوہ اور بھى بہت كچھ.

اور يہ بھى ہو سكتا ہے كہ وہ ادائيگى كيے بغير ہى فوت ہو جائے تو وہ اس قرض كے عوض ميں رہن رہے-

جيسا كہ رسول كريم صلى اللہ عليہ وسلم كا فرمان ہے:

" مؤمن كى جان اس كى قبر ميں قرض كے بدلے گروى اور رہن ركھى رہتى ہے حتى كہ اس كا قرض ادا كر ديا جائے "
سنن ترمذى حديث نمبر ( 1078 ).

يہ سب اسباب قرض كى قباحت ہيں جس سے اس كا حسن و جمال ختم ہو جاتا ہے، اور اس كے كمال ميں كمى ہو جاتى ہے " انتہى.
ديكھيں: الجامع لاحكام القرآن ( 3 / 417 ).

اور معاشرے ميں پيدا ہونے والى خرابيوں كے متعلق متخصص حضرات نے بيان كيا ہے كہ اس ميں كچھ ايسى خرابياں بھى ہيں جو ايك مثالى اقتصادى حالت كے ليے بہت ہى خطرناك ہيں:

1 - جلدى بڑھوتى كى خواہش، يا وقتى افسوس كى زيادتى.
2 - ذمہ دارى كى روح، اور اپنى ذات پر اعتماد ميں كمزورى پيدا ہونا.
3 - مال كى غير صحيح تقسيم.

ان خرابيوں كو تفصيلا سمجھنے كے ليے آپ فضيلۃ الشيخ سامى السويلم كا " موقف الشريعۃ الاسلاميۃ من الدين " كے عنوان سے مقالہ كا مطالعہ كريں ( 6 - 11 ).

 

[محمد عامر یونس]

اسلام میں قرض لینا کیسا ہے ؟

​

قرض كا خطرناك معاملہ

​

چہارم:​

جو كچھ اوپر بيان ہوا ہے اس پر چلتے ہوئے علماء كرام نے قرض كے جواز كے ليے تين شرطيں لگائي ہيں:

1 - مقروض شخص ادائيگى كا عزم ركھتا ہو.
2 - اسے علم ہو، يا پھر اس كے غالب گمان ہو كہ وہ قرض كى ادائيگى كى قدرت ركھتا ہے.
3 - وہ كسى مشروع اور جائز امر ميں قرض لے.

ابن عبد البر رحمہ اللہ " التمھيد " ميں لكھتے ہيں:

" وہ قرض جس كى بنا پر مقروض شخص كو جنت ميں داخل ہونے سے روك ديا جائيگا واللہ اعلم وہ قرض ہے جس كى ادائيگى نہ كى گئى ہو اور نہ ہى اس كى ادائيگى كى وصيت كى ہو، يا پھر ادائيگى كى استطاعت ہونے كے باوجود ادا نہ كيا گيا ہو، يا اس نے بغير حق كے قرض ليا ہو، يا فضول خرچى كے ليے ليا اور اس كى ادائيگى نہ كر سكا.

ليكن جس نے كسى واجب كردہ حق يعنى فقر و فاقہ يا گزران زندگى كے ليے قرض حاصل كيا اور ادا كيے بغير ہى فوت ہوگا، اور نہ ہى ادائيگى كے ليے كچھ چھوڑا تو اس كے بدلے ميں اللہ تعالى اسے ان شاء اللہ جنت ميں جانے سے نہيں روكےگا " انتہى.
ديكھيں: التمھيد ( 23 / 238 ).

 

[محمد عامر یونس]

اسلام میں قرض لینا کیسا ہے ؟

​

قرض كا خطرناك معاملہ​

​

پنجم:​

​

ميرى سوال كرنے والى عزيز بہن جب آپ اس قرض كے معاملہ ميں مبتلا ہوچكى ہيں تا كہ اپنے خاوند اور خاندان كى زندگى گزارن كى مشكلات حل كرنے ميں ممد و معاونت كر سكيں، تو اس حسن معاشرت كى بنا پر آپ كو اللہ تعالى اجر عظيم عطا فرمائيگا، ميرى اللہ تعالى سے دعا ہے كہ وہ آپ كو اس كا اجروثواب عطا فرمائے.

آپ يہ علم ميں ركھيں كہ اس قرض كى ادائيگى ميں اللہ تعالى آپ كى مدد فرمائيگا، كيونكہ رسول كريم صلى اللہ عليہ وسلم كا فرمان ہے:

" جس شخص نے لوگوں سے مال ليا اور وہ اس كى ادائيگى كرنا چاہتا ہو، تو اللہ تعالى اس كى طرف سے ادائيگى كرتا ہے، اور جس نے اسے ضائع كرنے كے ليے ليا تو اللہ تعالى اسے ضائع كرديتا ہے "
صحيح بخارى حديث نمبر ( 2387 ).

اس پر آپ قرض كى ادائيگى كى حرص اور حقيقى كوشش سے مدد ليں اور اللہ تعالى پرتوكل اور بھروسہ ركھيں، اور دعا كرتى رہيں كہ اللہ تعالى آپ كے ليے ايسى آسانى پيدا فرمائے جس سے آپ اس قرض كى ادائيگى كر سكيں.

سنت نبويہ ميں كئى ايك دعائيں ہيں جو بالخصوص قرض كى ادائيگى ميں ممد و معاونت كے ليے وارد ہيں، جو درج ذيل ہيں:

1 - سھيل رحمہ اللہ بيان كرتے ہيں كہ ابو صالح ہميں حكم ديا كرتے كہ جب ہم ميں سے كوئى شخص سونے كا ارادہ كرے تو وہ اپنے دائيں پہلو پر ليٹ كر يہ كلمات پڑھا كرے:

" اللَّهُمَّ رَبَّ السَّمَاوَاتِ وَرَبَّ الْأَرْضِ وَرَبَّ الْعَرْشِ الْعَظِيمِ رَبَّنَا وَرَبَّ كُلِّ شَيْءٍ فَالِقَ الْحَبِّ وَالنَّوَى وَمُنْزِلَ التَّوْرَاةِ وَالْإِنْجِيلِ وَالْفُرْقَانِ أَعُوذُ بِكَ مِنْ شَرِّ كُلِّ شَيْءٍ أَنْتَ آخِذٌ بِنَاصِيَتِهِ اللَّهُمَّ أَنْتَ الْأَوَّلُ فَلَيْسَ قَبْلَكَ شَيْءٌ وَأَنْتَ الْآخِرُ فَلَيْسَ بَعْدَكَ شَيْءٌ وَأَنْتَ الظَّاهِرُ فَلَيْسَ فَوْقَكَ شَيْءٌ وَأَنْتَ الْبَاطِنُ فَلَيْسَ دُونَكَ شَيْءٌ اقْضِ عَنَّا الدَّيْنَ وَأَغْنِنَا مِنْ الْفَقْرِ "

اے اللہ آسمان و زمين كے پروردگار، اور عرش عظيم كے مالك، ہمارے اور ہر چيز كے رب، دانے اور گٹھلى كو پھاڑنے والے، اور توراۃ اور انجيل اور فرقان كو نازل كرنے والے، ميں ہر چيز كے شر سے تيرى پناہ پكڑتا ہوں جس كى پيشانى تو پكڑے ہوئے ہے، اے اللہ تو ہى اول ہے تجھ سے پہلے كوئى چيز نہيں، اور ہى آخر ہے تيرے بعد كوئى چيز نہيں، اور تو ہى ظاہر ہے تيرے اوپر كوئى چيز نہيں، تو ہى باطن ہے تيرے ورے كوئى چيز نہيں، ہم سے قرض ادا كردے، اور ہميں فقر و فاقہ سے غنى كر دے "
وہ يہ روايت ابو ہريرہ رضى اللہ تعالى عنہ سے بيان كيا كرتے تھے.
صحيح مسلم حديث نمبر ( 2713 ).

2 - على رضى اللہ تعالى عنہ بيان كرتے ہيں كہ ان كے پاس ايك غلام آيا جس نے اپنے مالك سے مكاتبت كر ركھى تھى، اور وہ كہنے لگا: ميں اپنى كتابت كى ادائيگى سے عاجز ہوں، اس ليے آپ ميرى مدد اور ميرا تعاون كريں.

تو على رضى اللہ تعالى عنہ كہنے لگے، ميں تجھے كچھ كلمات سكھلاتا ہوں جو مجھے نبى كريم صلى اللہ عليہ وسلم نے سكھائے تھے، اگر تيرا قرض جبل صير جتنا بھى ہو تو اللہ تعالى تجھ سے ادا كر ديگا ؟! وہ كہنے لگے:
يہ كلمات كہا كرو:

" اللَّهُمَّ اكْفِنِي بِحَلَالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ "

اے اللہ مجھے اپنے حلال كے ساتھ اپنے حرام كردہ سے كافي ہو جا، اور مجھے اپنے فضل كے ساتھ اپنے علاوہ سب سے غنى كر دے "
سنن ترمذى حديث نمبر ( 2563 ) امام ترمذى نے اس حديث كو حسن غريب كہا ہے، اور علامہ البانى رحمہ اللہ تعالى نے صحيح ترمذى ميں اسے حسن قرار ديا ہے.

كتابت يہ ہے كہ غلام اپنے آقا كے ساتھ آزادى كا سودا كرے كہ ميں اتنا مال دے كر آزاد ہو جاؤنگا.

اور جبل صير طئى قبيلے كا ايك پہاڑ ہے، اور ايك روايت يہ بھى ہے كہ يہ صبير پہاڑ ہے.

3 - ابو سعيد خدرى رضى اللہ تعالى عنہ بيان كرتے ہيں كہ رسول كريم صلى اللہ عليہ وسلم ايك روز مسجد ميں داخل ہوئے تو ايك انصارى شخص جسے ابو امامہ كہا جاتا تھا كو ديكھا، تو آپ صلى اللہ عليہ وسلم نے فرمايا:

" اے ابو امامہ كيا بات ہے ميں ديكھ رہا ہوں كہ تو نماز كے وقت كے بغير مسجد ميں بيٹھے ہوئے ہو ؟!
تو اس نے عرض كيا: اے اللہ تعالى كے رسول صلى اللہ عليہ وسلم مجھے پريشانى لاحق ہے، اور قرض مجھ پر ہے، تو رسول كريم صلى اللہ عليہ وسلم فرمانے لگے:
كيا ميں تجھے چند ايسے كلمات نہ سكھاؤں جب تم يہ كلمات پڑھو تو اللہ تعالى تيرا غم دور كر ديگا، اور تيرا قرض بھى ؟
راوى كہتے ہيں: ميں نے عرض كيا: اے اللہ تعالى كے رسول صلى اللہ عليہ وسلم كيوں نہيں!
تو رسول كريم صلى اللہ عليہ وسلم فرمانے لگے: جب صبح كرو اور جب شام كرو تو يہ كلمات پڑھا كرو:

" اللَّهُمَّ إِنِّي أَعُوذُ بِكَ مِنْ الْهَمِّ وَالْحَزَنِ ، وَأَعُوذُ بِكَ مِنْ الْعَجْزِ وَالْكَسَلِ ، وَأَعُوذُ بِكَ مِنْ الْجُبْنِ وَالْبُخْلِ ، وَأَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ "

اے اللہ ميں فكر و غم اور پريشانى سے تيرى پناہ مانگتا ہو، اور ميں عاجز ہوجانے، اور سستى و كاہلى سے تيرى پناہ مانگتا ہوں، اور ميں بزدلى اور بخل سے تيرى پناہ مانگتا ہوں، اور ميں قرض كے چڑھ جانےاور آدميوں كے غلبہ سے تيرى پناہ مانگتا ہوں "

وہ كہتے ہيں: ميں نے ايسا ہى كيا تو اللہ تعالى نے ميرا غم اور فكر و پريشانى دور كردى، اور ميرا قرض بھى اتار ديا "

سنن ابو داود حديث نمبر ( 1555 ) اس كى سند ميں غسان بن عوف ہے جس كے متعلق امام ذہبى رحمہ اللہ كہتے ہيں: غير حجۃ ہے، اسى ليے شيخ البانى رحمہ اللہ نے ضعيف ابو داود ميں اسے ضعيف قرار ديا ہے، ليكن مذكورہ دعاء جو كہ يہ ہے:

" اللَّهُمَّ إِنِّي أَعُوذُ بِكَ مِنْ الْهَمِّ وَالْحَزَنِ ..... "

ابو اس ابو امامہ رضى اللہ تعالى عنہ كے قصہ كے علاوہ بھى صحيح بخارى اور صحيح مسلم كى حديث سے ثابت ہے . واللہ تعالى اعلم.
واللہ اعلم .

الاسلام سوال و جواب

 

[خضر حیات]

خضر حیات بھائی!
احقر کی رائے پر صرف ریٹنگ دینے سے اکتفا نہ کریں بلکہ اس کا پوسٹ مارٹم بھی کیجئے (ابتسامہ)

میرے نزدیک آپ کی باتیں بالکل درست ہیں ۔ کوئی اختلاف کی صورت ہی نہیں کیا کریں ۔ چند ایک سوالات ذہن میں اٹھتے تھے وہ ماشاء اللہ شاکر بھائی سبقت لے گئے ہیں ۔
بہت معلوماتی اور اہم ’’ لڑی ‘‘ ہے ان شاء اللہ گاہے بگاہے دیکھتا رہوں گا ۔ کچھ لکھنے کے لیے ہوا تو ضرور حاضر کروں گا ۔

 

[کنعان]

السلام علیکم

جس طرح عامر بھائی نے یوتھ قرض پر یہاں دھاگہ لگایا ھے کہ کوئی یہ قرض نہ لے، تو یہ کونسا نیا کام ھے۔

پاکستان سے ہی مثال لیتے ہیں، کونسا ایسا سرکاری، نیم سرکاری اور پرائیویٹ ادارہ ھے جہاں پر تمام لین دین کیش پیمنٹ پر ہوتے ہیں؟ پھر یہاں جو کام کرتے ہیں تنخواہ تو انہیں ان کے کام کی ہی ملتی ھے مگر وہ سب سود کی کمائی ہی کہلاتی ھے۔

اس سے نیچے آئیں تو ہر چھوٹے سے چھوٹے دکاندار سے لے کر مینوفیکچرز تک ادھار 90 دن ادھار پر کام ہوتا ھے، اب ہو سکتا ھے کوئی یہ کہے کہ یہ ادھار ھے قرض نہیں تو اس پر بھی عرض ھے کہ کیش اور ادھار پینٹس میں فرق ہوتا ھے، 90 دن کے ادھار والی پیمنٹ میں پروڈکٹس کی قیمت زیادہ ہوتی ھے جو قرض ہی ہوتا ھے۔

رشوت دینے والا اور لینے والا گناہ گار ہیں، مگر جہاں تک میرا مطالعہ ھے قرآن مجید میں سود پر جتنی بھی آیات ہیں ان کی قرض کے حوالہ سے سود لینے والے پر ہی ممانعت ھے قرض لینے والے پر شائد ایسا کچھ نہیں کہا گیا کہ انہیں بھی سزا ملے گی، اگر کسی بھائی کو ایسی کوئی آیت ملے کہ جس میں قرض لینے والا بھی گناہ گار ھے تو وہ آیت پیش کر سکتا ھے۔

والسلام

 

[محمد عامر یونس]

 

[شاہد نذیر]

نقد اور ادھار کی قیمتوں میں فرق ہوا کرتا ہے اور اسے اسلام بھی ”قبول“ کرتا ہے۔

السلام علیکم ورحمتہ اللہ وبرکاتہ!
نقد اور ادھار کی قیمتوں میں فرق ہی تو اسلام میں سود ہے۔

 

[خضر حیات]

السلام علیکم ورحمتہ اللہ وبرکاتہ!
نقد اور ادھار کی قیمتوں میں فرق ہی تو اسلام میں سود ہے۔

شاہد بھائی ! ایک چیز کی دو قیمتیں ہوں مثلا نقد 100 روپے کی اور ادھار 110روپے کی ۔
اگر ان دونوں میں سے ایک پر عقد طے ہوجائے مثلا کوئی کہے کہ میں ادھار 110 میں لیتا ہوں یا میں نقد 100 میں لیتا ہوں ۔ تو پھر یہ سود نہیں ہے ۔
ہاں اسطرح سود ہوگا کہ پہلے دونوں میں سے ایک قیمت طے نہیں ہوئی بلکہ یوں ہے کہ یہ چیز میں آپ کو 110 کی دے رہا ہوں اگر آپ نے دس دن کے اندر اندر پیسے جمع کروادیے تودرست ورنہ اس کے بعد 110 پر اضافہ ہونا شروع ہوجائے گا ۔ ایسی صورت میں یہ اضافہ سود شمار ہوگا ۔