• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

’سیاسی پارٹی بنانے کا ارادہ نہیں ہے‘ - حافظ سعید

ابوبکر

مبتدی
شمولیت
جولائی 02، 2012
پیغامات
181
ری ایکشن اسکور
432
پوائنٹ
0
’سیاسی پارٹی بنانے کا ارادہ نہیں ہے‘ - حافظ سعید
‭BBC Urdu‬ - ‮پاکستان‬ - ‮’سیاسی پارٹی بنانے کا ارادہ نہیں ہے‘‬

جماعت الدعوۃ کے سربراہ اور دفاع پاکستان کونسل کے راہنما حافظ محمد سعید کا کہنا ہے کہ وہ نہ تو سیاسی آدمی ہیں اور نہ ہی کوئی سیاسی پارٹی بنانے کا ارادہ رکھتے ہیں۔

انہوں نے کہا کہ رفاہی کام اور ملکی دفاع ان کی اولین ترجیح ہے اور اسی پر ان کی توجہ مرکوز ہے۔

بی بی سی نیوز کے احمد ولی مجیب کے مطابق جمعہ کو کراچی کے ایک مقامی ہوٹل میں صحافیوں سے بات چیت کرتے ہوئے ان کا کہنا تھا کہ الیکشن میں ووٹ دینے کے بارے میں ان کے کارکن اور حامی آزاد ہیں۔ وہ جس کو چاہے اپنا حق رائے دہی استعمال کر سکتے ہیں۔

انہوں نے بتایا کہ ماضی میں ان کے حامی جماعت اسلامی اور مسلم لیگ نواز کو ووٹ دیتے رہے ہیں۔اب بھی کارکنان اپنی مرضی سے ووٹ دینے کے لیے آزاد ہیں۔

ان کا خیال ہے کہ اب تحریک انصاف بھی ایک ایسی سیاسی جماعت ہے جسے جماعت الدعوۃ کے کارکن ووٹ دے سکتے ہیں۔

بقول ان کے یہ کارکنوں کی اپنی مرضی ہے اور تنظیم کی طرف سے ان پر کوئی پابندی نہیں۔

جماعت الدعوۃ حالیہ برسوں میں ملک بھر میں رفاہی کاموں کے حوالے سے انتہائی متحرک اور فعال نظر آتی ہے۔

حافظ سعید کے مطابق ملک کے بہت سے علاقوں میں جماعت الدعوۃ کا طبی عملہ کام کر رہا ہے۔

ملک کے سب سے بڑے صوبے پنجاب سمیت خیبر پختونخوا، بلوچستان اور سندھ کے دیہی علاقوں میں رفاہی سرگرمیوں کا ایک مضبوط نیٹ ورک موجود ہے۔

جماعت الدعوۃ کے ووٹ کی عام انتخابات میں کتنی اہمیت ہے۔

اس پر معروف صحافی اور تجزیہ نگار قیصر محمود کا کہنا تھا کہ جماعت الدعوۃ بعض حوالوں سے ایک موثر قوت نظر آتی ہے لیکن اسے ایسی سیاسی قوت کے طور پر نہیں دیکھا جا سکتا جس کا ووٹ انتخابی نتائج پر زیادہ اثر انداز ہو سکے۔

جماعت الدعوۃ کے سربراہ کا یہ بیان ایک ایسے وقت پر آیا ہے جب ایک طرف توملک میں نئے انتخابات کے امکانات بڑھ رہے ہیں تو وہیں حافظ سعید نے ملک کی مذہبی اور دائیں بازو کی جماعتوں کے مشترکہ پلیٹ فارم دفاع پاکستان کونسل کی طرف سے نیٹو رسد کی بحالی کے فیصلے کے خلاف تحریک چلانے کا اعلان کیا ہے۔

نیٹو سپلائی کے خلاف ملک بھر میں مظاہروں کا سلسلہ تو جاری ہے۔

دفاع پاکستان کونسل نے رمضان کے بعد سپلائی کے مزاحمت کے لیے بھر پور احتجاجی تحریک کا اعلان کر رکھا ہے۔

حافظ سعید کا کہنا ہے کہ تحریک کا آغاز کراچی سے شروع ہونے والے لانگ مارچ سے کیا جائے گا اور حکومتی فیصلے خلاف مزاحمت کی جائے گی۔

حافظ سعید کہنا تھا کہ وہ کسی بھی صورت پر نیٹو سپلائی کی بحالی کو تسلیم نہیں کرتے۔

امریکا کو حافظ سعید اور ان کی تنظیم کی سرگرمیوں کے حوالے شدید تحفظات ہیں جس کا اظہار اکثر اعلیٰ امریکی عہد دار کرتے ہیں۔

جب کہ بھارت کھل کر حافظ سعید اور ان کی تنظیم پر بھارت میں دہشت گردی کا الزام عائد کرتا ہے۔
 
شمولیت
نومبر 23، 2011
پیغامات
493
ری ایکشن اسکور
2,479
پوائنٹ
26
بی بی سی کی حافظ محمد سعید حفظہ اللہ بارے خبر کی تردید

جماعة الدعوة پاکستان کے ترجمان محمد یحیٰی مجاہد نے بعض اخبارات میں امیر جماعة الدعوة پروفیسر حافظ محمد سعید کے ایک برطانوی نشریاتی ادارے کو دیے گئے انٹر ویو کے حوالہ سے شائع ہونے والی خبر کہ '' جماعة الدعوة کے کارکن آئندہ انتخابات میں ووٹ ڈالنے کیلئے آزاد ہوں گے '' کی وضاحت کرتے ہوئے کہا ہے کہ حافظ محمد سعید نے برطانوی نشریاتی ادارے کو کوئی انٹر ویو نہیں دیا۔ کراچی میں صحافیوں کے ساتھ افطار ڈنر کے دوران ایک غیر رسمی گفتگو کو برطانوی نشریاتی ادارے کے نمائندے نے حقائق کے منافی توڑ مروڑ کر پیش کیا ہے۔ اپنے ایک بیان میں ترجمان نے کہا کہ جماعة الدعوةانتخابی سیاست کے حوالہ سے ابتداسے ہی ایک واضح موقف رکھتی ہے۔ہمارے کارکنان کی آئندہ انتخابات میں کسی مخصوصی سیاسی جماعت کو ووٹ دینے کی باتیں قطعی طور پر درست نہیں ہیں۔
لنک:: حافظ محمد سعید نے برطانوی نشریاتی ادارے کو کوئی انٹر ویو نہیں دیا۔۔۔۔۔روزنامہ امت کراچی

جزاک اللہ خیرا
 
Top