- شمولیت
- فروری 14، 2011
- پیغامات
- 9,748
- ری ایکشن اسکور
- 26,379
- پوائنٹ
- 995
Book Name
Vocabulary of the holy Quran
Author
Dr.Abdullah Abbas Nadwi
Publisher
IQRA International Educational Foundation
Title
Comment
قرآن کریم کی جو جو خدمت جس جس انداز میں علماء امت نے گزشتہ تیرہ سوسال میں اپنے اپنے مخصوص ذوق فکرونظر اور اپنے اپنے زمانہ کے مخصوص احوال وظروف کےدائرہ میں انجام دی ہے اس سے انکار کرنا چاند پر خاک ڈالنا ہے۔من جملہ دیگر خدمات کے ایک خدمت یہ بھی تھی کہ قرآن کریم کے خصوصی لغات مرتب کیے گئے جن میں قرآن کریم کے الفاظ کی صوری ومعنوی تحقیق کی گئی ان لغات القرآن میں امام راغب اصفہانی رحمہ اللہ کی ’’مفردات غریب القرآن‘‘ اپنی گوناگوں خصوصیات کی بناء پر مشہور وممتاز ہے۔
زیر تبصرہ کتاب بھی انگلش زبان میں کی جانے والی ایک اہم کاوش ہے۔ فاضل مصنف ڈاکٹر عبداللہ عباس ندوی نے قرآن مجید کے تمام الفاظ کے معانی لکھے ہیں، ان کی مختصر اور ضروری لغوی اور صرفی وضاحت کی ہے۔ اس کے ساتھ ساتھ صیغوں کی وضاحت اور قصص قرآنی کے اسماء و اعلام اور امکنہ کی تشریح کے ساتھ ان کی مختصر تاریخ بھی لکھ دی ہے۔ اس طرح اس کتاب میں قرآن مجید کے الفاظ اور لغات کے جملہ وضاحت طلب پہلوؤں کی پوری تشریح ہو گئی ہے۔ متداول کتب لغت کے علاوہ بعض مستند تفسیروں اور ہندوستان کے اکابر علما کے تراجم و تشریحات اور تفسیری افادات سے بھی مدد لی گئی ہے۔اس ڈکشنری کی ایک خوبی یہ ہے کہ الف سے یا تک مکمل ہے اور تمام قرآنی الفاظ ایک جلد میں سمو دئیے گئے ہیں۔