محمد عامر یونس
خاص رکن
- شمولیت
- اگست 11، 2013
- پیغامات
- 17,117
- ری ایکشن اسکور
- 6,786
- پوائنٹ
- 1,069
٭٭٭ انبیاء اور شہداء جن پر رشک کریں گے ٭٭٭
رسول اللہ صلی اللہ علیہ وسلم نے فرمایا کہ اللہ کے بندوں میں سے کچھ لوگ ایسے بھی ہوں گے جو انبیاء و شہداء تو نہیں ہوں گے لیکن قیامت کے دن اللہ تعالیٰ کی جانب سے جو مرتبہ انہیں ملے گا اس پر انبیاء اور شہداء رشک کریں گے ،
لوگوں نے پوچھا : اللہ کے رسول صلی اللہ علیہ وسلم ! آپ صلی اللہ علیہ وسلم ہمیں بتائیں وہ کون لوگ ہوں گے؟
آپ صلی اللہ علیہ وسلم نے فرمایا وہ ایسے لوگ ہوں گے جن میں آپس میں خونی رشتہ تو نہ ہو گا اور نہ مالی لین دین اور کاروبار ہوگا لیکن وہ اللہ کی ذات کی خاطرایک دوسرے سے محبت رکھتے ہوں گے ، پس اللہ کی قَسم اُن کے چہرے روشنی ہی روشنی ہوں گے اور وہ روشنی پر ہوں گے ، انہیں کوئی ڈر نہ ہو گا جب کہ لوگ ڈر رہے ہوں گے، انہیں کوئی رنج و غم نہ ہو گا جب کہ لوگ رنجیدہ وغمگین ہوں گے، اور آپ صلی اللہ علیہ وسلم نے یہ آیت تلاوت فرمائی:
(یاد رکھو اللہ کے دوستوں پر نہ کوئی اندیشہ ہے اور نہ وہ غمگین ہوتے ہیں) (سورہ یونس : ۶۲)
-------------------------------------------------------------------
(سنن أبي داود :3527 ، ، شعب الإيمان للبيهقي : 6/2990)
(سنن أبي داود :3527 ، ، شعب الإيمان للبيهقي : 6/2990)