محمد آصف مغل
سینئر رکن
- شمولیت
- اپریل 29، 2013
- پیغامات
- 2,677
- ری ایکشن اسکور
- 4,006
- پوائنٹ
- 436
بسم اللہ الرحمن الرحیم
تقریظ
تقریظ
الحمد للہ المنقذ من الضلال، المرشد الی الحق، الھادی من یشآء الی صراط المستقیم۔
والصلاۃ والسلام علی نبیہ ورسولہ محمد و الہ واصحابہ اجمعین:
سب تعریفیں اللہ رب العالمین کی ذات با برکات کیلئے اور درود وسلام ہادی برحق خاتم النبین والمرسلین جناب محمد رسول اللہ ﷺ پر:
سوشلزم اور کمیونزم کا مقابلہ امت مسلمہ نے بہت صحیح اور بر وقت کیا جس کے نتیجے میں نہ صرف روس پسپا ہوا بلکہ اس کے حصے تک بکھر گئے۔روس کے بعد ملت کفر کی سرداری امریکہ بہادر کے ہاتھ میں آئی اور اس نے پوری دنیا میں اپنی حکمرانی کا خواب دیکھنا شروع کر دیا۔عالم اسلام کو اپنا ھدف قرار دے کر کھلے اور چھپے ہر انداز سے امت اسلام کا شیرازہ بکھیرنے اور اپنے ناکام منصوبے کی تکمیل کیلئے از سر نو جت گیا۔جس میں کچھ صدی بھر کا تعطل آگیا تھا۔ اپنے ناکام منصوبوں کو عملی جامہ پہنانے کیلئے سب سے پہلے اس کے شیطانی ذہن نے یہ سوچا کہ اب امت اسلام میں خلافت کا امکان ہمیشہ ہمیشہ کیلئے ختم ہونا چاہئے کیونکہ خلافت کا نظام یورپ کی نگاہوں میں ایک ڈرائونے خواب کی حیثیت سے کم نہیں جس نے ان کی نیندیں اڑا دیں ہیں۔
اس امت اسلام کو برباد کرنے میں صرف یورپ اور بے دین قوتوں کا کام نہیں ہے اسلام اور اسلامی تہذیب کا خاتمہ مغرب اور رفقائے مغرب کے بس کی بات نہیں ہے۔ اللہ نے جو ہمیں دین دیا ہے ایسا دین نہیں جو دوسرے ختم کر ڈالیں۔ یہ اس وقت ختم ہو گا جب دین والے اسے ختم کریں گے،اس بات پر رسول اللہ ﷺ کی احادیث شاہد ہیں (اس کے لئے دیکھیں: اشراط الساعۃ فی احوال الساعۃ)
آج اگر ہم اپنے زوال کے اسباب پر غور کریں تو چند باتیںہمارے سامنے آتی ہیں۔
۱۔امت مسلم کاجہاد جیسے عظیم فریضہ کو ترک کرکے حکمتوں کے بھینٹ چڑھا دینا۔
۲۔ایسے باطل علماء کا وجود میں آنا جو کفر بالطاغوت کا اعلان کرنے کی بجائے طاغوت کی گودمیں کھیلنے کو ہی اسلام کی خدمت گردانیں۔
۳۔مسلم امہ کا آرام پرست اور عیش پرست ہونا۔
پہلی اور تیسری قسم کو چھوڑ کر صرف دوسری پر غور کرتے ہیں کہ انہوں نے کفر بالطاغوت کے حوالے سے امت کی کیا خدمت کی ہے؟رسول اللہ ﷺ نے علماء کو اس امت میں انبیاء کا وارث قرار دیا ہے،کیا علماء نے وراثت کا حق ادا کیا ہے یا نہیں ؟
آج علمائے امت میں سے اکثریت اسلام کے مقابل باطل کے بنائے گئے نظام ''جمہوریت'' کو اپنا اوڑھنا بچھونا سمجھتی ہے۔ الا ما رحم ربی
ذیل میں جمہوریت اور اس کے لازمی متعلقات کے حوالے سے جواب دینا مناسب سمجھتا ہوں کہ جس نے امت مسلمہ کی فکر میں بہت بڑی دیوار کھڑی کر دی ہے۔ رب العالمین ہماری اصلاح فرمائے۔آمین۔